الفصل الرابع عشر. زاد الآسمر
الفصل الرابع عشر. زاد الآسمر.
بعد أن غادر فريد الفيلا...
لم تعلم زاد كم من الوقت مر عليها وهي جالسة على الأرض.
دقائق.
أم ساعة كاملة.
لم تكن تعرف.
كل ما كانت تعرفه أن رأسها كان مثقلًا بصورة لا تريد أن تغادرها.
رضوان.
أخيرًا نهضت من مكانها.
وبدلت ثيابها بصمت.
ثم خرجت من الغرفة.
واتجهت تلقائيًا نحو غرفة قاسم.
دفعت الباب برفق.
فاستقبلها ضوء الأباجورة الخافت.
كان قاسم نائمًا بعمق.
يحتضن لعبته الصغيرة بين ذراعيه.
وشعره الأشقر مبعثر فوق جبهته.
اقتربت منه بهدوء.
وجلست إلى جواره.
ثم أبعدت خصلة سقطت فوق عينيه.
فابتسم أثناء نومه ابتسامة صغيرة عفوية.
فتنهدت دون وعي.
وأحنت رأسها لتقبل مقدمة شعره.
ثم ظلت تنظر إليه طويلًا.
وكأنها تحاول الاحتماء به.
الاحتماء من نفسها.
ومن أفكارها.
لكنها لم تستطع.
لأن عقلها كان قد عاد بالفعل إلى هناك.
إلى المطعم.
إلى تلك الطاولة.
إلى رضوان.
أغمضت عينيها ببطء.
فعاد وجهه إليها بوضوح مؤلم.
ملامحه.
هدوؤه.
وطريقته في الحديث.
وذلك القميص الأسود الذي كان يرتديه.
بسيط.
وأنيق.
ومناسب له بصورة أوجعتها أكثر مما أسعدتها.
حتى جلسته كانت مختلفة.
ونظراته.
وثقته في نفسه.
وكاريزمته الهادئة التي لم تكن تحتاج إلى استعراض كي تُرى.
للحظة...
شعرت أنها كانت تنظر إلى رجل لا تعرفه.
وفي اللحظة التالية...
شعرت أنها تعرفه أكثر من أي شخص آخر.
ارتجفت أنفاسها.
وتذكرت اللحظة التي أجاب فيها فريد بهدوء:
"إدارة أعمال."
أغمضت عينيها بقوة.
وسقطت دمعة فوق خدها.
إدارة أعمال.
كم مرة سخرت من جهله؟
وكم مرة استخدمت ذلك السلاح ضده؟
كم مرة نظرت إليه بتعالٍ لأنه حداد؟
وكم مرة جعلته يشعر أنه أقل منها؟
ابتلعت الغصة التي خنقتها.
وتذكرت كلماتها القديمة.
القاسية.
الجارحة.
الكلمات التي كانت تخرج منها وقت الغضب دون رحمة.
وكأنها كانت تتعمد أن تضغط أصابعها فوق أكثر جراحه ألمًا.
ماضيه.
ووالده.
وطبيعة عمله.
وأشياء لم يكن له يد فيها من الأساس.
أخفضت رأسها.
وشعرت بالخزي يجتاحها من جديد.
أما الليلة...
فقد جلست تستمع إليه.
وتكتشف أن ذلك الحداد البسيط الذي استصغرته يومًا...
أكمل تعليمه.
وأصبح محاسبًا.
وبنى نفسه بنفسه.
ووصل إلى المكان الذي قالت له يومًا إنه لن يصل إليه.
شعرت بأن قلبها ينكمش داخل صدرها.
كم كان يؤلمه كل ما قالته؟
وكم ليلة عاد فيها إلى بيته يحمل كلماتها معه؟
كم مرة جرحته؟
وكم مرة سامحها؟
مرت يدها فوق عينيها المرتجفتين.
لكن الألم لم يهدأ.
لأن الراحة التي شعرت بها وهي تراه ناجحًا...
تحولت سريعًا إلى تأنيب موجع.
كانت تعرف الحقيقة جيدًا.
ظلمته.
وظلمته كثيرًا.
ليس لأنه أحبها.
ولا لأنه تمسك بها.
بل لأنها كانت كلما حاول التمسك بها أكثر...
ازدادت قسوة عليه.
شدت قبضتها فوق الغطاء.
وأخفضت رأسها أكثر.
كم مرة طلب منها أن تثق به؟
وكم مرة واجه الدنيا وحده؟
وكم مرة وقفت هي في الجهة الأخرى؟
شعرت بعينيها تمتلئان بالدموع.
فأغلقت جفنيها سريعًا.
لا.
لم يكن من حقها البكاء.
ليس بعد كل ما حدث.
ولا بعد كل الأذى الذي مر به بسببها.
كانت هي من تركته.
وهي من اختارت الرحيل.
وهي من شاهدته يسقط...
ثم أدارت وجهها.
أما هو...
فقد نهض بعد ذلك كله.
وأكمل الطريق وحده.
بينما بقيت هي عالقة في المكان نفسه.
بين الخوف.
والندم.
والأسئلة.
تنفست ببطء.
وعادت تسترجع ما حدث في المطعم.
نظرات فريد.
أسئلته.
ابتساماته الباردة.
وطريقته وهو يراقب الجميع.
لم يعد هناك مجال للشك.
فريد عرف الحقيقة.
وعرف أن رضوان كان زوجها يومًا.
بل وواجهها بذلك بنفسه.
لكن المشكلة لم تعد فيما عرفه...
المشكلة فيما قد يفعله بعد ذلك.
أغمضت عينيها للحظة.
وتذكرت ملامحه وهو يتحدث عن رضوان.
وغضبه الذي حاول جاهدًا إخفاءه.
فتسلل الخوف إلى قلبها من جديد.
لم تكن تخشى على نفسها.
بل عليه هو.
لأنها تعرف فريد جيدًا.
وتعرف أنه إذا وضع أحدهم في دائرة اهتمامه...
فلن يتركه بسهولة.
شعرت بقبضة باردة تعتصر صدرها.
وتذكرت أسئلته لرضوان.
عن دراسته.
وعمله.
وحياته.
وكأن الرجل كان يجمع قطع صورة أكبر.
صورة لم تكتمل بعد.
وما أخافها حقًا...
أن يحاول فريد الاقتراب أكثر.
أو أن يحول شكه وغضبه إلى رضوان نفسه.
أدارت وجهها نحو قاسم.
كأنها تبحث فيه عن بعض الطمأنينة.
لكن الخوف ظل جالسًا في صدرها.
ثابتًا.
ثقيلًا.
يرفض الرحيل.
هبطت دمعة صامتة فوق خدها.
فمسحتها سريعًا.
ثم تمددت إلى جوار قاسم.
وسحبت الغطاء فوقهما.
وأحاطته بذراعها.
ليقترب منها الطفل الصغير بفطرته حتى وهو نائم.
فأراح رأسه فوق كتفها.
أغمضت عينيها.
وحاولت التمسك بذلك الدفء الصغير.
لكن صورة رضوان رفضت الرحيل.
صورته وهو يسألها:
"عاملة إيه؟"
وصورته وهو يسألها:
"مبسوطة؟"
وصورته وهو ينظر إليها للمرة الأخيرة قبل أن تغادر.
وصورته وهو يقول:
"متجاوبيش... مش عايز أسمع."
عندها فقط...
انقبض قلبها بقوة.
وأدركت للمرة الأولى منذ سنوات طويلة...
أن رؤية رضوان لم تعيد الماضي فقط.
بل أعادت معها كل الأسئلة التي ظنت أنها دفنتها.
وكل الذنوب التي حاولت الهرب منها.
ولأول مرة...
شعرت أن غفرانها لنفسها أصعب بكثير من أن تناله يومًا من رضوان.
************
عاد كلٌ إلى منزله في نهاية يوم بدا أطول من المعتاد.
بينما كانت حبيبة تقضي مناوبتها الليلية داخل المستشفى.
جلست في غرفة الأطباء واضعة ساقًا فوق الأخرى، بينما أمامها كيس كبير من رقائق البطاطس وزجاجة عصير وبعض الشوكولاتة والحلوى التي اشترتها في طريقها.
ومن فرط غيظها...
بدأت تأكل بشراهة.بعبوس واضح
تلتهم كل ما يقع تحت يدها وهي تستعيد أحداث الأمسية للمرة الألف.
كلما تذكرت وجه فريد...
قضمت قطعة أخرى.
وكلما تذكرت أسئلته لرضوان...
فتحت كيسًا جديدًا.
حتى إنها توقفت فجأة ونظرت إلى كمية الطعام أمامها بضيق.
ـ ممتاز... فريد الشامي بوّظ خروجيتي، وبوّظ الريجيم، وبوّظ مزاجي... وفاضل شوية وهيجي يبوّظ مستقبلي. الله يحرق دمك يا بعيد.
وفي اللحظة نفسها أضاء هاتفها باسم فارس.
زمت شفتيها قليلًا.
ثم ردت.
ـ نعم يا دكتور فارس؟
ابتسم فارس فور سماع نبرتها.
ـ نعم؟ إحنا رجعنا رسمي ولا إيه؟
أخذت حفنة من رقائق البطاطس ووضعتها في فمها.
ـ متكلمنيش.
ضحك.
ـ لسه زعلانة؟
ابتلعت ما في فمها ثم قالت بغيظ:
ـ زعلانة؟ ده أنا لحد دلوقتي ضغطي عالي بسبب أبو وش مربع ده.
وانطلقت بعدها في وصلة التذمر المعروفة...
ابتسم فارس ما إن سمع صوتها، بينما تمدد فوق فراشه وأغلق عينيه بتعب.
ـ حقك عليا....هعوضهالك.
اعتدلت حبيبة في جلستها وقالت بغيظ:
ـ تعوضهالي إزاي؟ ده أنا اتحرق دمي وكانت خروجة سودا. ما أعرفش إيه اللي بيحصل معايا ده.
ضحك بخفة محاولًا تهدئتها.
ـ ما أنا عارف إنك اتحرق دمك. عشان كده بكلمك دلوقتي أصلًا. سيبيك من اللي حصل وقوليلي أعمل إيه عشان تروقي وترجعي بيبو العاقله.
شهقت مستنكرة كلامه.
ـ تعمل إيه؟! هتمسح من ذاكرتي منظر ابو لهب وهو عمال يبص لينا كأنه مأمور ضبط وإحضار؟مش عارفة بيطلعلنا منين ده.
مرر فارس يده على وجهه وهو يبتسم.
ـ أنا مقدر إنك مضايقة، بس خلاص دي كانت صدفة. واتحرجت لما الراجل طلب بالذوق يشاركنا العشا.
ثم أضاف بمكر خفيف:
ـ وبعدين ما أنتي عارفة... مينفعش أقول لواحد واقف قدامي: لأ معلش، خطيبتي. مزاجها بيتعكر.... لما بتشوف وشك.
زفرت بقوة.
ـ بالذوق إيه؟ ده كان طفحة. عارف؟ والله العظيم حاسة إن الراجل ده مجرم. الراجل ده شكله مش سالك.
ثم خفضت صوتها قليلًا، والتقطت قطعة بطاطس وألقتها في فمها قبل أن تضيف بجدية جعلته يضحك:
ـ عليا النعمة شكله مراقبنا وعارف خط سيرنا.
انفجر فارس ضاحكًا.
ـ هيعرف منين يا مجنونة إنتِ؟ عادي واحد واخد مراته ومخرجها عادي.
زمت شفتيها بضيق.
ـ لأ. أنا مش مرتاحاله أبدًا. وطول القعدة وأنا حاسة إنه مركز مع رضوان زيادة عن اللزوم. كل شوية سؤال، وكل شوية يفتح موضوع جديد. هو ماله أصلًا؟ إيه حكاية اهتمامه المفاجئ برضوان ده؟
مرر فارس يده على مؤخرة عنقه وهو يفكر للحظة.
ثم قال وكأنه يحاول إغلاق الحديث قبل أن يتشعب:
ـ متشغليش بالك بالموضوع ده. فريد شخصيته كده أصلًا، بيحب يعرف اللي قدامه ويفتح كلام معاه. يمكن فضول مش أكتر. وبعدين دي أول قعدة حقيقية بينه وبين رضوان، طبيعي يبقى عنده أسئلة كتير.
ردت فورًا:
ـ يسأل عليه عزرائيل إن شاء الله.
ثم تنهدت بحرقة.
ـ حرق دمي. وزعلانة أكتر على رضوان.
ارتسمت ابتسامة صغيرة على وجه فارس.
ـ رضوان زي الفل. وعجبني ثباته قدامهم. إنتِ بس اللي كنتِ مركزة معاه بزيادة.
تنهدت أخيرًا، وشعرت أن جزءًا من غضبها بدأ يهدأ.
ثم التقطت قطعة شوكولاتة من فوق المكتب وأخذت منها قضمة كبيرة.
وكأنها تكافئ نفسها على صبرها طوال تلك الأمسية الكارثية.
ـ يلا... اللي حصل بقى.
ثم سكتت للحظة...
وكأن فكرة خطرت لها للتو.
نفضت يديها من فتات الطعام العالق بهما، ثم نهضت من مقعدها واتجهت نحو السرير الصغير الموجود في غرفة المناوبة.
جلست فوقه وهي تضم الوسادة إلى صدرها، ثم قالت:
ـ بقولك يا فارس؟
اعتدل في جلسته.
ـ عيون فارس.
ابتسمت رغماً عنها.
ـ كنت عايزة أطلب منك طلب.
ـ عيون فارس قولتلك.
ازدادت ابتسامتها اتساعًا.
ـ تسلملي. المهم... زي ما إنت عارف إن رضوان قبض الجمعية. والحمد لله معاه مبلغ محترم. وكنا متفقين أول ما يمسك الفلوس يشتري شقة على طول. بس بقى مأجل الموضوع، وأنا عارفة إنه بيعمل كده علشاني. فكنت عايزاك تقنعه يشتريها. هو أولى بأي حاجة يعملها لنفسه بدل ما يفضل مأجل حياته بسببي.
ابتسم فارس وهو يهز رأسه بخفة.
فالكلام لم يفاجئه.
فمنذ أن عرف رضوان...
وهو يراه يؤجل نفسه دائمًا من أجل الآخرين.
فقال بثقة:
ـ اعتبري رضوان اشترى الشقة والمفاتيح في إيديه.
اعتدلت حبيبة بسرعة.
ـ بجد يا فارس؟
ضحك.
ـ بجد طبعًا.
سكت لحظة، ثم قال بنبرة معاتبة:
ـ سيبك من فريد ورضوان والناس كلها.
ـ ليه؟
ـ علشان أنا بقالي ساعة بحاول أوصل لنقطة واحدة.
ـ إيه هي؟
.شعر فارس بدفء غريب يتسلل إلى قلبه.
ـ إنك وحشتيني.
ارتفع احمرار وجنتيها أكثر.
ـ آه... خدت بالي.
قطب حاجبيه متعمدًا.
ـ إيه؟
ارتبكت فورًا.
ـ آه قصدي... شكرا.
اعتدل فارس فجأة فوق فراشه.
ـ شكرا؟!
ثم أكمل بصدمة مصطنعة:
ـ هو أنا بديكي عشرين جنيه مساعدة عشان تقوليلي شكرا؟
ضحكت رغماً عنها.
فابتسم لسماع ضحكتها أخيرًا.
ـ أهو شوفتي؟
ـ إيه؟
ـ أسلوبك بهت عليا إزاي.
ضيقت عينيها وهي تبتسم.
ـ إيه بهت دي كمان؟ صحصح كده. ماله أسلوبي إن شاء الله؟
تنهد تنهدًا تمثيليًا طويلًا.
ـ وهو وقعني فيكي غير رد فعلك اللي مالوش زي يا بيبو؟
اختفت بقية كلماتها داخل ابتسامة خجلة، بينما استندت برأسها إلى ظهر السرير. ولأول مرة منذ عادت من المطعم، شعرت أن ضيقها بدأ يتلاشى تدريجيًا.
أما فارس...
فابتسم وهو يستمع إلى صمتها.
ذلك الصمت الصغير الذي كان يخبره دائمًا أنه نجح أخيرًا في إحراجها.
********
أغلق رضوان باب شقته خلفه بهدوء.
واستند إليه لثوانٍ طويلة.
كأن اليوم بأكمله هبط فوق كتفيه دفعة واحدة.
ساد الصمت.
ذلك الصمت الذي اعتاد عليه منذ سنوات.
لكنه الليلة بدا مختلفًا.
أثقل.
وأقسى.
وأقرب إلى الاختناق.
خلع ساعته ووضعها فوق الطاولة الصغيرة المجاورة للباب.
ثم اتجه إلى المطبخ.
أخرج زجاجة ماء باردة.
وشرب منها مباشرة.
لكن رغم ذلك ظل الجفاف عالقًا في حلقه.
تنهد ببطء.
ثم عاد إلى غرفته.
جلس على طرف السرير.
وأطرق برأسه.
محاولًا أن يفرغ عقله.
لكن عقله رفض.
رفض بعناد.
وكأن كل ما حدث في المطعم قرر أن يعود إليه مرة أخرى.
تفصيلة وراء الأخرى.
زاد.
تنفس ببطء.
وأغمض عينيه.
فراها من جديد.
كما رآها أول مرة عند باب المطعم.
تلك اللحظة.
لحظة تجمدها في مكانها.
نظرتها إليه.
الصدمة التي ملأت عينيها.
والطريقة التي ضغطت بها على يد فريد دون وعي.
فتح عينيه ببطء.
وأدار رأسه نحو النافذة.
لكن الصورة لم تختف.
بل ازدادت وضوحًا.
تذكر كل شيء.
كل شيء.
حتى الأشياء الصغيرة التي لم ينتبه إليها أحد.
أو هكذا ظن.
تذكر يدها.
قبضتها المشدودة فوق حقيبة يدها.
أصابعها البيضاء من شدة الضغط.
وكيف كانت تراقب فريد من طرف عينها كلما تكلم.
وكيف كانت تسبق أسئلته بتوتر غريب.
وكأنها تخشى السؤال نفسه.
وليس الإجابة.
عقد حاجبيه.
ثم نهض من مكانه.
واتجه إلى الشرفة.
كانت الحارة هادئة في ذلك الوقت من الليل.
أضواء متناثرة.
وسيارات قليلة تمر على فترات متباعدة.
وقف مستندًا إلى السور الحديدي.
ورفع عينيه نحو الأفق البعيد.
لكن ذهنه ظل هناك.
على تلك الطاولة.
في ذلك المطعم.
عاد إليه مشهد العشاء.
ورأى زاد مرة أخرى.
صامتة.
شاحبة.
لا تكاد تأكل شيئًا.
بل وتعرق.
رغم أن المكان لم يكن حارًا أصلًا.
أغمض عينيه.
وتذكر قطرات العرق الصغيرة فوق جبينها.
تذكر ارتباكها.
وصمتها.
واختناقها.
ثم سأل نفسه للمرة الأولى:
لو كانت سعيدة...
فلماذا كانت بهذا الشكل؟
والأهم...
مم كانت تخاف؟
لم تكن خائفة منه.
كان واثقًا من ذلك.
لكنها كانت خائفة من شيء ما.
شيء ظل يطاردها طوال الأمسية.
شيء جعله يشعر بالانقباض كلما تذكر عينيها.
سكت.
ثم هز رأسه بضيق.
وما شأنه هو أصلًا؟
هي زوجة رجل آخر.
ولها حياة أخرى.
والأمر انتهى منذ سنوات.
أليس كذلك؟
لكن عقله لم يتوقف.
عاد إلى فريد هذه المرة.
إلى أسئلته.
وإلى تركيزه الغريب.
وإلى الطريقة التي كان ينظر بها إلى زاد بين الحين والآخر.
ثم توقف عند نقطة بعينها.
قاسم.
قبض رضوان على سور الشرفة ببطء.
وفجأة تذكر النظرة.
نظرة فريد.
لحظة تحدث عن ابنه.
ولحظة تحدث عن الطفل الآخر الذي ينوي إنجابه.
لم يكن متأكدًا.
لكن شيئًا داخله أخبره أن الحديث لم يكن عفويًا بالكامل.
خاصة بعدما رأى رد فعل زاد.
قبضتها.
شحوبها.
وسحبها ليدها من بين أصابع فريد.
تنفس ببطء.
ثم أغلق عينيه للحظة.
لا.
ربما يبالغ.
وربما لا.
لكن شيئًا واحدًا كان واضحًا.
فريد لم تفته أي حركة على تلك الطاولة.
ولا أي نظرة.
ولا أي كلمة.
بل إن سؤاله عن اسم والده ظل عالقًا في رأسه حتى الآن.
كما لو أنه كان يبحث عن شيء.
أو يربط بين أشياء لا يعرفها سواه.
لكن أكثر ما أزعجه طوال الأمسية...
لم يكن ظهور زاد.
ولا أسئلة سما.
ولا حتى ذلك الوجع الذي عاد إليه بعد سنوات.
بل فريد.
منذ اللحظة الأولى.
كان هناك شيء غير مريح في طريقته.
شيء لم يستطع تحديده بدقة.
تذكر أسئلته.
واحدًا تلو الآخر.
دراسته.
وعمله.
ووالده.
وحياته.
حتى الأسئلة التي بدت عادية في ظاهرها...
لم يشعر أنها قيلت بدافع الفضول فقط.
عقد حاجبيه ببطء.
ثم استعاد نظرة فريد إليه بعد كل إجابة.
وكأنه كان يبحث عن شيء.
أو يؤكد شيئًا يعرفه بالفعل.
ساد الصمت لثوانٍ.
قبل أن تمر فكرة مزعجة في رأسه.
هل عرف؟
تجمد السؤال داخله.
ثم أعاده مرة أخرى.
هل عرف أنه كان زوج زاد؟
ابتلع ريقه ببطء.
فبعض ما حدث على الطاولة أصبح أكثر من مجرد مصادفات.
خصوصًا عندما تذكر حديث الطفل.
وحديث المستقبل.
وحديث الدعوة إلى الفيلا.
وكأن الرجل كان يرسل رسائل لا أسئلة.
أو ربما...
كان يؤكد حضوره في حياتها أمام الشخص الذي خرج منها يومًا.
هز رأسه رافضًا الاسترسال أكثر.
ربما كان يبالغ.
وربما لا.
لكن شيئًا واحدًا كان مؤكدًا.
فريد لم يكن رجلًا بسيطًا كما يبدو.
ولم يكن غافلًا عن شيء.
عاد إلى الداخل.
لكنه قبل أن يجلس...
تذكر شيئًا آخر.
سؤال المكتبة.
سؤال زاد.
ابتسم بسخرية من نفسه.
كيف لم يفهم وقتها؟
"ولادك أكيد دلوقتي في المدرسة؟"
لم تكن تسأل عن المدرسة.
ولم تكن مهتمة بالأطفال.
كانت تسأله إن كان قد تزوج.
كانت تبحث عن الإجابة دون أن تسألها صراحة.
ساد الصمت.
وشيء دافئ ومؤلم في الوقت نفسه مر بقلبه.
إذن...
كانت تريد أن تعرف.
لكن لماذا؟
وما أهمية ذلك الآن؟
وتذكر نظرتها مرة أخرى.
تلك النظرة التي ارتسمت في عينيها لحظة أخبرهم أنه خريج إدارة أعمال.
ابتسم رغمًا عنه.
لم تكن نظرة دهشة فقط.
بل بدت أقرب إلى الراحة.
كأنها كانت تخشى أن تكون السنوات قد ظلمته.
ثم اكتشفت أنها لم تفعل.
فوجد نفسه يتساءل...
لماذا بدت سعيدة إلى هذا الحد؟
جلس فوق السرير ببطء.
وأخفض رأسه بين كفيه.
لكنه سرعان ما عاد إلى سما.
لأنها كانت اللغز الأكبر.
سما.
ابنة نجيب المالكي.
نجيب نفسه.
الرجل الذي تسبب يومًا في كثير من الأذى.
كيف انتهى الأمر بابنته إلى فريد؟
وكيف كانت تعرفه؟
والأهم...
لماذا أنكرت معرفته؟
فتح عينيه فجأة.
عاد يتذكر المشهد بالكامل.
توترها عندما رأته.
قبضة يد فريد فوق الكوب.
اللحظة القصيرة التي شد فيها أصابعه.
ثم ابتسامتها المصطنعة.
وسؤالها الساذج:
"ممكن أعرف مين حضرتك؟"
ابتسم بسخرية.
لا.
هما يعرفان بعضهما.
هو متأكد.
متأكد كما لو أنه سمعهما يعترفان بذلك.
لكن لماذا الكذب؟
ولمصلحة من؟
وهل الأمر له علاقة بزاد؟
أم بنجيب؟
أم بفريد نفسه؟
ازداد صداعه.
فمرر يده فوق عينيه.
كلما حاول أن يفهم شيئًا...
ظهرت أمامه عشرة أسئلة جديدة.
لكن وسط كل تلك الفوضى...
كانت هناك صورة ترفض الرحيل.
صورة واحدة فقط.
زاد.
حين سألها:
"مبسوطة؟"
ابتلع ريقه بصعوبة.
ثم أدار وجهه بعيدًا.
كانت كاذبة.
يعرفها.
ويعرف عينيها.
ويعرف ارتجافة صوتها.
ويعرف أن تلك الدمعة لم تسقط عبثًا.
لم تكن ملامح امرأة تعيش حياة هادئة.
ولم تكن ملامح امرأة راضية.
وهنا بالضبط بدأت المشكلة.
لأنه لا يملك حق التفكير في ذلك.
ولا يملك حق السؤال.
ولا حتى حق القلق.
لقد انتهى كل شيء بينهما منذ سنوات.
انتهى يوم اختارت طريقًا غيره.
ويجب أن يتذكر ذلك جيدًا.
كل يوم.
وكل ليلة.
وكل مرة يعود فيها الحنين ليعبث برأسه.
نهض من مكانه مرة أخرى.
واتجه إلى النافذة.
حدق طويلًا في الأضواء البعيدة.
ثم زفر ببطء.
وقال لنفسه بصوت خافت:
ـ مالكش دعوة يا رضوان.
ساد الصمت.
لكن عقله أعاد إليه نظرتها الأخيرة.
تلك النظرة وهي ترحل.
النظرة التي بدت وكأنها تريد أن تقول شيئًا.
وكأنها لا تريد المغادرة أصلًا.
أغلق عينيه بقوة.
ثم ضحك ضحكة قصيرة ساخرة من نفسه.
لأنه منذ أكثر من ساعة...
وهو يحاول إقناع نفسه أنه لا شأن له بها.
بينما يتذكر كل كلمة قالتها.
وكل نظرة نظرتها.
وكل ارتجافة مرت فوق وجهها.
تنهد أخيرًا.
وأخفض رأسه.
والمشكلة لم تكن في أنه ما زال يحبها.
بل في أنه عاد يقلق عليها من جديد.
نعم...
ما زالت تعنيه.
وذلك...
كان أسوأ ما اكتشفه الليلة.
************
في صباح اليوم التالي...
فتحت سما عينيها بصعوبة.
شعرت بأن رأسها يكاد ينفجر من شدة الألم.
تأوهت وهي ترفع يدها إلى جبينها، تضغط عليه محاولة تخفيف ذلك الصداع العنيف الذي خلفته ليلة أمس.
استغرقت عدة ثوانٍ قبل أن تبدأ ذاكرتها في استعادة ما حدث.
عيد ميلادها.
صديقاتها.
المطعم.
زاد.
ثم...
فريد.
انتفضت جالسة فجأة فوق الفراش.
واتسعت عيناها بصدمة.
كان يقف أمام الخزانة.
هادئًا كعادته.
يرتدي سترته ببطء، ويغلق أزرار كم قميصه بعناية.
تجمدت للحظة.
ثم خرج صوتهـا مرتبكًا:
ـ فريد؟
لم يلتفت إليها.
ولم يبدِ أي رد فعل.
اكتفى بإكمال ما يفعله وكأنها غير موجودة.
عقدت حاجبيها.
وشعرت بانقباض مألوف يتسلل إلى صدرها.
ـ إنت هنا من إمتى؟
ظل صامتًا.
وهنا فقط...
فهمت.
فهمت سبب وجوده.
وفهمت سبب ذلك الصمت الثقيل الذي يملأ الغرفة.
جف حلقها فجأة.
فنهضت من الفراش واتجهت نحوه بسرعة.
ـ فريد اسمعني...
استدار إليها ببطء.
واستقرت عيناه عليها.
نظرة واحدة منه كانت كفيلة بإرباكها.
فتعثرت الكلمات داخل حلقها.
وابتلعت ريقها بصعوبة.
ـ أنا عارفة إنك ممكن تفهم اللي حصل امبارح غلط.
رفع حاجبه ببرود.
ثم قال:
ـ روحتي المطعم ليه؟
شعرت بالتوتر يزداد.
ـ عادي صدقني. عيد ميلادي وكنا هنسهر.
والله ما كنت أعرف إنك هناك. كانت صدفة.
وفي اللحظة التالية...
ارتطمت كفه بوجهها بعنف.
مال رأسها إلى الجانب تحت قوة الصفعة.
وتجمدت لثوانٍ.
ليس من الألم...
بل من الصدمة.
رفعت يدها إلى خدها وهي تنظر إليه غير مستوعبة.
لكن فريد لم يمنحها فرصة.
أمسك ذقنها بقسوة وأجبرها على النظر إليه.
ثم قال من بين أسنانه:
ـ كان قصدك إيه من الحركة دي؟
رمشته عدة مرات وهي تحاول استيعاب ما يحدث.
ـ حركة إيه؟
ـ متستعبطيش يا سما.
إنتِ داخلة المطعم اللي أنا فيه بالصدفة؟
ماشي.
بس ليه أول ما شفتي زاد جريتي عليها؟
وليه سلمتي عليها؟
وليه خلتيها تشوفك؟
ها؟
كان قصدك تكشفي اللعبة كلها؟
وتعرفيها إنك مراتي؟
دفعت يده بعيدًا عنها بعصبية.
ـ لأ طبعًا.
ـ أمال كان قصدك إيه؟
ـ مكنش قصدي حاجة.
وبعدين أنا هستفاد إيه لما تعرف إني مراتك؟
هستفاد إيه أصلًا؟
امتلأت عيناها بالدموع رغم محاولتها التماسك.
وقالت بصوت مرتجف:
ـ أنا مجرد واحدة شافت بنت عمها بعد سنين.
طبيعي أسلم عليها.
أطلق ضحكة قصيرة باردة خالية من أي مرح.
ـ بنت عمك؟
دلوقتي افتكرتي إنها بنت عمك؟
رفعت رأسها في مواجهته.
رغم الخوف الذي كان ينهشها من الداخل.
ـ بص يا فريد... أنا مش هفضل أبررلك كل حركة بعملها.
إنت سايب كل حاجة وباصص للمشهد ده من وجهة نظرك إنت.
أنا مراتك لو ناسي.
وامبارح كان عيد ميلادي.
وإنت ولا سألت عليا.
ولا حتى كلفت نفسك تبعت رسالة.
تصلبت ملامحه أكثر.
لكنها أكملت بمرارة مكتومة:
ـ بدل ما تيجي تحاسبني...
على حاجة أنا ماليش دعوة بيها...
حاسب نفسك الأول.
ولم تكد تنتهي من كلماتها...
حتى تلقت الصفعة الثانية.
أقوى من الأولى.
فشهقت متألمة.
قبل أن يقبض على ذراعها بعنف.
اقترب منها حتى أصبح وجهه على بعد سنتيمترات قليلة منها.
وكان صوته المنخفض أكثر رعبًا من أي صراخ.
ـ القلم ده علشان تفوقي.
وتفتكري نفسك كويس.
إنتِ مين.
وبتعملي إيه.
ومتنسيش جوزك مين.
ومتنسيش يقدر يعمل إيه.
شعرت بقشعريرة باردة تسري في جسدها كله.
بينما ازدادت قبضته قوة حول ذراعها.
ثم دفعها مبتعدًا عنه.
وأكمل ببرود مخيف:
ـ حاولي تظبطي أمورك يا سما.
علشان أنا شايف إنك بدأتي تخرجي عن السيطرة.
وسكت لحظة.
قبل أن يضيف وهو يثبت عينيه داخل عينيها:
ـ وصدقيني...
أي غلطة منك مش هتردد فيها لحظة.
إنتِ عارفة أنا أقدر أعمل إيه كويس.
ساد الصمت بينهما.
صمت ثقيل.
خانق.
لم تسمع خلاله سوى صوت أنفاسها المضطربة.
أما فريد...
فالتقط مفاتيحه من فوق الطاولة.
ثم استدار واتجه إلى الباب.
فتح الباب.
وغادر.
وأغلقه خلفه دون أن يلتفت إليها.
لتبقى سما واقفة في مكانها.
تحدق في الباب المغلق.
وخدها لا يزال يؤلمها.
وذراعها ينبض تحت أثر قبضته.
بينما كانت داخلها نار مشتعلة من الغضب والإهانة.
ظلت واقفة لعدة ثوانٍ.
ثم أطلقت ضحكة قصيرة مرتعشة.
أقرب إلى البكاء منها إلى الضحك.
ومسحت دموعها بعنف.
قبل أن تهمس بين أسنانها:
ـ ماشي يا فريد...
ماشي.
ثم التفتت حولها.
وعيناها تجولان في أرجاء الغرفة.
تكاد تنفجر من شدة الغيظ.
وكانت تقاوم بكل ما تملك رغبة عارمة...
في تحطيم كل شيء يقع تحت يدها.
***********
مرت عدة ساعات...
وخارج أسوار الفيلا كانت الحياة قد عادت إلى مسارها الطبيعي.
أما داخلها...
استيقظ قاسم على غير العادة.
فتح عينيه ببطء، ثم اعتدل في جلسته وهو يفركهما بكفيه الصغيرتين.
توقف للحظة حين وجد والدته نائمة إلى جواره.
عقد حاجبيه باستغراب.
فهي لا تنام في غرفته عادة.
التفت نحوها أكثر.
ثم مد يده يزيح خصلة شعر سقطت فوق وجهها.
فقطب جبينه أكثر.
كانت وجنتاها محمرتين بصورة غريبة.
وجبينها مبللًا بالعرق.
وأنفاسها أثقل من المعتاد.
وضع كفه الصغيرة فوق خدها.
فسحبها سريعًا.
ـ مامي...
اقترب أكثر وهز كتفها برفق.
ـ مامي... اصحي.
لم تجبه.
اكتفت بأن أطلقت أنينًا خافتًا وهي مغمضة العينين.
بدأ القلق يتسلل إليه.
ـ مامي؟
هزها مرة أخرى.
لكنها لم تفتح عينيها.
نظر حوله بتردد.
ثم التقط هاتفه الصغير من فوق الكومود.
وضغط على اسم والده.
بعد ثوانٍ جاءه صوت فريد:
ـ أيوه يا قاسم؟
كان يجلس في اجتماع مهم.
لكن نبرة ابنه جعلته ينتبه فورًا.
ـ يا بابي...
مامي نايمة جنبي.
رفع فريد عينيه عن الأوراق أمامه.
ـ وأنت بتكلمني علشان مامي نايمة؟
قال قاسم بسرعة:
ـ لأ...
هي سخنة أوي.
ووِشها عليه مية.
وبصحّيها مش بترد عليا.
تنهد فريد بضيق.
ومسح على جبينه.
ـ طيب روح نادي الدادة عواطف.خليها تشوفها وتديها دوا أو تكلم الدكتور.
ـ حاضر يا بابي.
أغلق قاسم الهاتف فورًا.
وقفز من فوق السرير.
ثم جرى خارج الغرفة وهو ينادي بأعلى صوته:
ـ دادة عواطف! دادة عواطف!
في الجهة الأخرى...
أنزل فريد الهاتف من فوق أذنه.
وظل ينظر إلى الشاشة لثانية.
ثم ألقاه فوق الطاولة أمامه ببرود.
وأطلق زفرة قصيرة.
قبل أن يرفع عينيه إلى الحاضرين حوله.
وقال وكأن شيئًا لم يحدث:
ـ كنا بنقول إيه؟
وعاد إلى الاجتماع.
---
بعد دقائق...
دخلت عواطف الغرفة مسرعة.
فاقتربت من السرير.
وما إن لمست جبين زاد حتى شهقت بقلق.
ـ يا ساتر يا رب...
حرارتك مولعة!
حاولت إيقاظها.
فتحت زاد عينيها بصعوبة شديدة.
وتمتمت بكلمات غير مفهومة.
فأسرعت عواطف بإحضار الدواء والماء.
ثم وضعت لها كمادات باردة فوق جبينها.
وجلست إلى جوارها تراقبها في قلق.
بينما ظل قاسم واقفًا بجوار السرير.
ينظر إلى والدته بعينين ممتلئتين بالخوف.
**********
كان رضوان يقف داخل مكتبته، يعيد ترتيب بعض الكتب فوق الأرفف، بينما تنساب في أرجاء المكان نغمات إحدى الأغنيات القديمة التي اعتاد تشغيلها أثناء انشغاله بالعمل.
مرر يده فوق أحد الرفوف ليمسح طبقة خفيفة من الغبار، ثم تناول عدة كتب وبدأ في إعادة ترتيبها.
في تلك اللحظة، رن هاتفه.
تنهد بهدوء، ونفض يديه من الغبار العالق بهما، ثم التقط الهاتف. وما إن وقع بصره على اسم المتصل حتى ارتسمت على شفتيه ابتسامة ودودة.
ـ مهاب بيه... حبيبنا الغالي.
جاءه صوت مهاب وعلى نبرته عتاب واضح:
ـ أنا زعلان منك يا رضوان.
اتسعت ابتسامة رضوان قليلًا.
ـ عارف... وحقك عليّ. وأنا والله ما أقدر على زعلك.
ـ بتصل عليك من فترة وإنت مكبر دماغك مني. بصراحة حسيت بالإحراج. قلت أكيد الراجل فاكر إني بكلمه علشان مصلحتي.
اختفت ابتسامة رضوان فورًا.
وقال بجدية صادقة:
ـ العفو منك يا مهاب بيه. المرادي تفكيرك بعيد خالص. الموضوع كله إني الفترة اللي فاتت كنت مضغوط شوية في المصنع، وشغل الحسابات متراكم عليّ. وبقولك للمرة التانية... ما شغلنيش عنك غير الشديد القوي.
ساد الصمت لثانية قبل أن يرد مهاب:
ـ وأنا مصدقك يا رضوان.
ثم أضاف بنبرة أكثر هدوءًا:
ـ ها... طمني عليك.
ـ الحمد لله، زي الفل.
مرّت لحظات قصيرة من الصمت، قبل أن يسأله رضوان باهتمام:
ـ إيه أخبار الشغل معاك؟
ـ كله تمام... بس...
التقط رضوان التردد في صوته فورًا.
ـ بس إيه؟
ـ لأ، مفيش حاجة. أنا حبيت أطمن عليك وخلاص.
ابتسم رضوان ابتسامة خفيفة، وكأنه فهم ما يحاول الرجل الوصول إليه.
ـ أنا عارف إني وعدتك إني هفضل معاك لحد ما الأزمة تتحل، وأنا عند وعدي. من بكرة إن شاء الله هكون عندك في الشركة.
ارتاح مهاب قليلًا لسماع ذلك.
وقال:
ـ وده العشم فيك يا رضوان.
ثم سكت لحظة قبل أن يضيف:
ـ وفي حاجة تانية عايزها منك.
ـ سامعك.
ـ أنا طبعًا عايزك تيجي الشركة... بس مش بصفتك مساعد لحل الأزمة.
عقد رضوان حاجبيه.
ـ أمال؟
جاءه الرد مباشرًا:
ـ أنا عايزك تشتغل معايا.
ساد الصمت لثوانٍ.
ثم قال رضوان باستغراب واضح:
ـ أشتغل معاك؟
ـ أيوه. مدير تطوير أعمال.
واستطرد مهاب شارحًا:
ـ عايزك تكون مسؤول عن دراسة أداء الشركة، وتحديد المشاكل اللي محتاجة حلول، وتقديم مقترحات للتطوير. واللي شوفته منك الفترة اللي فاتت يخليني متأكد إنك تقدر تعمل ده.
صمت رضوان للحظات.
راحت عيناه تتنقلان بين الكتب المصطفة أمامه، بينما يستوعب ما سمعه للتو.
لم يكن يتوقع أن يتحول الأمر إلى عرض عمل، فضلًا عن أن يأتي من رجل لم تمضِ على معرفته به فترة طويلة.
وحين تحدث أخيرًا، جاء صوته هادئًا، لكن حاسمًا:
ـ أنا متشكر جدًا على ثقتك فيّ، ودي حاجة أعتز بيها. بس اسمحلي... أنا مش هقدر أقبل العرض ده.
اعتدل مهاب في جلسته.
ـ ممكن اعرف ليه؟
أجاب رضوان بهدوء:
ـ لأني دخلت شركتك علشان أساعدك في أزمة، ومش حابب أحس إن مساعدتي ليك بقت طريق لوظيفة أو منصب. اللي عملته كان واجب، ومش مستني عليه مقابل.
قطب مهاب حاجبيه.
ـ ومين قال إنه مقابل؟ أنا بعرض عليك شغل علشان شايفك مناسب ليه.
هز رضوان رأسه باحترام.
ـ وأنا مقدر ده جدًا. بس خلّيني أكمل اللي بدأته معاك الأول. وبعدها يبقى لكل حادث حديث.
سكت مهاب لحظة قبل أن يقول:
ـ طيب، خليني أوضحلك حاجة. أنا مش بعرض عليك الوظيفة علشان الأزمة. أنا بعرضها لأنك خلال أسابيع قليلة شفت مشاكل محدش شافها، وربطت بين تفاصيل كانت قدام الكل ومحدش انتبه لها.
ابتسم رضوان ابتسامة خفيفة.
ـ ودي شهادة أعتز بيها.
ثم أضاف بهدوء:
ـ وليك عليّ... طول ما إنت محتاجني هتلاقيني موجود.
أدرك مهاب أخيرًا أن رضوان لا يرفض بدافع العناد، بل لأنه ببساطة لا يعرف كيف يساوم على مبادئه.
ـ يعني ده آخر كلام عندك يا رضوان؟
ـ آخر كلام.
ساد الصمت بينهما لحظات. ابتسم مهاب بخفة، وهز رأسه في استسلام.
أما رضوان فأعاد الهاتف إلى الطاولة وهو لا يزال محتفظًا بابتسامته الصغيرة.
كان ممتنًا لهذه الثقة.
لكنه كان مؤمنًا أن بعض الأبواب يجب أن يدخلها من البداية بشكل صحيح...
أو ألا يدخلها من الأساس.
*********
كانت حبيبة تجلس في غرفة الكشف، منهمكة في مراجعة بعض الملفات بين كل مريض وآخر، حين قطع تركيزها صوت طرقات خفيفة على الباب.
رفعت رأسها قائلة:
ـ اتفضل.
دخل شاب يحمل عدة أكياس كبيرة، لدرجة أن حبيبة رفعت عينيها إليه، ثم إلى الأكياس، ثم عادت تنظر إليه وكأنها تحاول فهم العلاقة بينه وبين الغرفة.
ـ دكتورة حبيبة العطار؟
ـ أيوه، أنا. خير؟
ابتسم الشاب وهو يرفع الأكياس قليلًا.
ـ الأوردر بتاع حضرتك يا دكتورة.
نظرت إلى الأكياس باستغراب.
ـ أوردر إيه؟ أنا مطلبتش حاجة!
راجع الشاب الاسم على هاتفه، ثم رفع عينيه إليها بثقة.
ـ حضرتك دكتورة حبيبة؟
ـ ما قولنا. أيوه.
ـ طب خلاص يا دكتورة، أنا كده في المكان الصح. اتفضلي امضي هنا.
ـ يا ابني أنا بقولك مطلبتش حاجة!
ـ والله يا دكتورة أنا ماليش دعوة، أنا معايا أكل، واسم، وعنوان، وتوقيع. إنما مين اللي طلب وليه وناوي على إيه، ماليش فيه.
حدقت فيه حبيبة لثانيتين، ثم قالت:
ـ أبلع ريقك يا استاذ..هو إنت جايبلي أوردر ولا جاي تنفذ حكم محكمة؟!
ضحك الشاب، ووضع الأكياس فوق الطاولة.
ـ يا دكتورة الله يكرمك، امضي بس وأنا أمشي، أنا ماليش دعوة باللي طلب ولا باللي هياكل، أنا مجرد مندوب غلبان.
وقبل أن تتمكن من استجوابه أكثر، كان قد أخذ توقيعها وغادر.
ظلت حبيبة تحدق في الباب المفتوح، ثم التفتت إلى الأكياس الكثيرة.
ـ يا جماعة!
لم يستجب أحد.
رفعت صوتها:
ـ يا جماعة يا دكاترة! هو إحنا عندنا فرح النهارده وأنا آخر من يعلم؟!
ظهرت لبنى عند الباب، وما إن رأت الأكياس حتى توقفت مكانها.
ـ يا ساتر يا رب! إيه ده؟ إنتِ فاتحة مطعم في القسم من ورانا؟
ـ والله ما أعرف! الواد دخل رمى المصيبة دي ومشي!
اقتربت لبنى من الأكياس، وبدأت تتفحصها بعين خبيرة.
ـ استني بس... دي مش وجبة ولا اتنين. ده الراجل باعتلك تموين الشهر!
ـ يا بنتي ما أنا مش فاهمة!
دخلت ممرضة أخرى، ثم طبيبة ثالثة، وفي أقل من دقيقة تحولت غرفة الكشف إلى اجتماع طارئ لمناقشة قضية الأكياس مجهولة المصدر.
مدت لبنى يدها إلى إحدى العلب، لكن حبيبة أبعدت يدها بسرعة.
ـ إيدك يا لبنى!
سحبت لبنى يدها ونظرت إليها بعتاب.
ـ نعم يا أختي؟!سبيني أدوق طيب!
ـ ما نعرفش الأكل ده بتاع مين أصلًا!
ـ ما هو لو بتاع حد تاني، يبقى نسيبه لحد ما ييجي ياخده. إنما لو بتاعك، يبقى حرام يبرد.
ـ يا شيخة اتلهي!
انفجرن بالضحك، وفي تلك اللحظة التقطت إحدى الطبيبات ورقة صغيرة موضوعة فوق إحدى العلب.
ـ استنوا يا جماعة! فيه ورقة هنا!
تجمعت الرؤوس فوق الورقة، وقرأت لبنى الاسم بصوت مرتفع:
ـ دكتور فارس الحسيني!
ساد الصمت لثانية.
ثم استدارت لبنى إلى حبيبة ببطء، ووضعت يدها على صدرها.
ـ الله! ده إحنا دخلنا في مرحلة متقدمة من الرومانسية، أكل فيه بالجملة يا حبيبي مش بالقطاعي!
اتسعت عينا حبيبة.
ـ فارس؟!
توقفت لثوانٍ.
ثم أخرجت هاتفها بسرعة واتصلت به.
***
في تلك اللحظة كان فارس يجلس خلف مكتبه في الشركة، منشغلًا بالعمل على حاسوبه المحمول.
وما إن رأى اسمها يضيء على شاشة هاتفه حتى ارتسمت ابتسامة صغيرة على شفتيه.
كان يعلم أنها ستتصل.
لذلك رد فورًا:
ـ حبيبتي أكيد الأوردر وصل.
فتحت فمها بدهشة.
ـ فارس! إنت بجد طلبت كمية الأكل دي كلها؟!
ـ دي أقل حاجة علشان أصالحك بيها. وصدقيني لو بإيدي كنت سيبت كل اللي ورايا وجيت قعدت معاكي دلوقتي.بس مهاب باشا ضاغط عليا في الشغل بشكل مش طبيعي.
ضحكت رغمًا عنها.
ثم قالت:
ـ يا نهار أبيض على التثبيت يا جدعان... بس يا رب تكون طلبتلي كبدة.
ضحك وقال:
ـ اشمعنى كبدة يا مجنونة؟
قالت له بجدية مصطنعة:
ـ هو إنت ما تعرفش إن الكبدة بتحسن العلاقة ولا إيه؟
فضحكا معًا.
جاءه صوت لبنى من بعيد، متعمدًا أن يكون مسموعًا:
ـ الله يفتح عليك يا دكتور فارس! أخيرًا حد بيفكر في حقوق العاملين!
ضحكت حبيبة رغمًا عنها، ثم أبعدت الهاتف عن فمها ونظرت إلى لبنى بتحذير.
ـ إنتِ مالك إنتِ؟!
ردت لبنى بجدية مصطنعة:
ـ مالي؟! أنا من الناس اللي حضرتك مسؤولة عنهم دلوقتي، وعايزين نعرف هل فيه حلويات ولا هنطلع من الموضوع ده على مفيش!
سمع فارس صوتها فضحك.
ـ مين دي؟
ـ دي دكتورة لبنى..سيبك منها.
ثم قالت بعد لحظة:
ـ بس بجد يا فارس... مش عارفة أقولك إيه.
رد ببساطة:
ـ قولي إنك تاكلي كويس.
ابتسمت حبيبة وهي تنظر إلى زميلاتها اللاتي يتابعن المكالمة بفضول واضح.
ـ بس ده كتير أوي يا فارس! إنت مش باعتلي أنا بس، ده إنت باعت للقسم كله.
قال بمكر:
ـ حبيبتي ما ينفعش أبعتلك وإنتِ تاكلي وهما قاعدين يتفرجوا عليكي... أخاف على معدتك طبعًا.
ضحكت وهزت رأسها.
فهدأ صوته قليلًا وقال:
ـ عارف إن يومك كان صعب شوية امبارح. فقلت يمكن حركة صغيرة تظبط مودك..
ـ حبيبة... أنا بحب أفرحك. ولما أقدر أعمل حاجة تخلي يومك أحلى، ليه ما أعملهاش؟
سكتت لحظة.
وقد باغتتها كلماته البسيطة أكثر مما توقعت.
ثم تمتمت بخجل:
ـ شكرًا يا فارس...
ضحك بخفة.
ـ العفو يا ستي إن كان ده يرضيكي.
ثم تذكر شيئًا فجأة فقال:
ـ وصحيح... ما تنسيش تبعتيلي التصميمات اللي كنتِ عايزة توريهالي إمبارح.
تنهدت بحيرة.
ـ والله أنا دوخت. كل شوية أقول ده أحلى، وبعدها أغير رأيي. الشقة كبيرة أوي يا فارس، وحاسة إني مش عارفة أنسق أي حاجة فيها.
فكر لثوانٍ ثم قال:
ـ طب إيه رأيك نجيب مهندس ديكور يتولى الموضوع كله؟ بدل ما تقعدي محتارة في كل تفصيلة لوحدك.
توقفت لحظة قبل أن تبتسم.
ـ فعلًا... ليه لأ؟ فكرة حلوة.
ـ خلاص. هتواصل مع حد النهارده وأشوف مهندس كويس ويسلمهالنا جاهزة.
ابتسمت قائلة:
ـ بالسرعة دي؟
ضحك.
ـ حبيبتي، مفيش وقت أصلًا. أنا متفق مع رضوان إن كتب الكتاب والجواز بعد تمن شهور بالكتير. وإحنا عدينا منهم شهرين تقريبًا. فاضل ست شهور. لكن لو عليا من بكره صدقيني عايزك جنبي.
خفق قلبها دون إرادة منها.
بينما واصل هو حديثه بخفة:
ـ ولا إنتِ ناوية تهربي؟
ضحكت.
ـ كنت ناوية... بس بعد الأكل ده حسيت إنك بتشتري ذمتي واحدة واحدة.
***
أنهى فارس المكالمة.
وظلت حبيبة تنظر إلى هاتفها لثوانٍ، وابتسامة صغيرة مستقرة على شفتيها.
ابتسامة لم تستطع إخفاءها مهما حاولت.
اقتربت منها لبنى، وأسندت ذراعها فوق كتفها قائلة بمكر:
ـ يا سلام يا حبيبة! من إمتى بتسيبي الأكل وتقضيها غراميات؟ يلا يا حبيبتي وزعي الاكل الريحة جوعتنا.
تعالت الضحكات في الغرفة.
بينما بدأت حبيبة توزع الوجبات على زميلاتها وسط التعليقات والمزاح.
أما هي...
فكان قلبها ممتلئًا بدهشة جميلة.
لم تكن تتخيل أن فارس، وسط كل انشغالاته وضغوط عمله، سيتذكر شيئًا صغيرًا كهذا.
لكن يبدو أنه كان يتذكرها...
أكثر مما كانت تظن.
**********
بعد انتهاء مناوبة حبيبة بساعات...
كان فارس ورضوان يجلسان في هدوء داخل أحد المقاهي القريبة من الشركة.
وأمام كل منهما فنجان قهوة لم يعد أحدهما يهتم بحرارته.
بدأ الحديث عاديًا كعادتهما.
من موضوع إلى آخر.
حتى انتهى بهما الأمر إلى أوضاع السوق، والاستثمارات الجديدة التي أصبحت تستقطب اهتمام عدد كبير من رجال الأعمال خلال الفترة الأخيرة.
كان رضوان يستمع باهتمام، ويشارك برأيه بين الحين والآخر بحكم دراسته وخبرته في إدارة الأعمال.
بينما كان فارس ينقل له بعض ما يراه بنفسه أثناء متابعته لعمل شركة مهاب.
قال فارس وهو يقلب فنجان القهوة بين يديه:
ـ السوق اليومين دول غريب... كل واحد معاه فلوس بقى عايز يرميها في البورصة ويستنى الحظ.
ابتسم رضوان وقال:
ـ البورصة مش حظ يا فارس، بس اللي يدخلها من غير ما يفهم هو اللي بيحولها لحظ.
ضحك فارس.
ـ أهو ده الكلام اللي كنت مستنيه منك. طب بما إنك فاهم كده، إنت ناوي تعمل إيه بالفلوس اللي معاك؟
رد رضوان ببساطة:
ـ بصراحة راكنهم على جنب، وحبيبة مصدعاني علشان أجيب الشقة.
رفع فارس حاجبه وكأنه يسمع الأمر لأول مرة.
ـ شقة؟
ـ أيوه. معقول حبيبة ما قالتلكش؟ دي ما بتخبيش عنك حاجة.
ثم زفر بهدوء وأكمل:
ـ من زمان وأنا ساكن في المكان اللي أنا فيه. كفاية بقى. عايز أجيب حاجة تخصني وأخلص. بس برضه بعد ما حبيبة تتجوز.
تأمله فارس للحظة، ثم سأله بنبرة بدت عابرة:
ـ وإنت مش ناوي تتجوز؟
هز رضوان رأسه دون تردد، وكأنه أراد إنهاء الموضوع قبل أن يبدأ.
ـ لا. مش دلوقتي.
ـ ولا حتى بتفكر؟
ـ لأ. ومش حاطط الموضوع في دماغي أصلًا. وبعدين ربنا يسهل. سيبك بقى من كل الحوارات دي واشرب قهوتك.
صمت فارس لحظات، وكأنه يعيد ترتيب فكرة ما داخل رأسه.
ثم قال:
ـ طب إيه رأيك أنا كمان من رأيك. ما تشتريش الشقة دلوقتي؟
نظر إليه رضوان باستغراب.
ـ اشمعنى؟
ـ تدخل مشروع.
أطلق رضوان ضحكة قصيرة.
ـ مشروع إيه؟ إنت كده هتخليني أغير رأيي ومن بكرة الصبح اجيب شقة.
ضحك فارس بدوره.
ـ صدقني أنا مش بقولك كده علشان تغير رأيك أو لأ. أنا بفكر بصوت عالي، وبقول بدل ما تحط كل فلوسك في شقة وتجمّدها، تشغّلها الأول.
مال رضوان إلى الأمام قليلًا.
وقد بدأ يشعر أن فارس يمهد لشيء يريد الوصول إليه.
ـ إيه اللي في دماغك؟
أجابه فارس بهدوء:
ـ نادر.
عقد رضوان حاجبيه.
ـ نادر ابن عمتك؟
ـ أيوه. نادر عايز يدخل في مشروع جديد، وعنده صفقة شايف إنها فرصة كويسة جدًا، بس محتاج شريك معاه في رأس المال.
صمت رضوان لحظة قبل أن يسأله:
ـ وإنت داخل معاه؟
ابتسم فارس.
ـ بفكر أدخل، ومحتاج أكتر من شريك. ولقيت إنك أنسب واحد.
ضحك رضوان.
ـ أنسب واحد؟ ليه يعني؟
ـ لأنك مش داخل بعقلية واحد عايز يحط فلوسه وخلاص. إنت دارس إدارة أعمال، وفاهم في الحسابات، وعندك دماغ تجارية. والأهم إنك مش مستعجل تكبر فلوسك بأي طريقة.
ظل رضوان صامتًا، بينما واصل فارس حديثه:
ـ وأنا مش هقولك ادخل في حاجة وأنا مش واثق منها. نادر أنا ضامنه برقبتي. عارفه كويس، وعارف طريقة شغله، وعارف إنه مش داخل يضرب ضربة وخلاص. هو عايز يعمل مشروع يكبر، وأنا شايف إن الفرصة دي تستاهل.
ـ والمبلغ؟
ـ إنت تحدد المبلغ اللي يناسبك. محدش قالك تحط كل فلوسك. ولو عايز تدخل بجزء وتسيب جزء مفيش مشكلة.
نظر رضوان إليه طويلًا.
ثم قال:
ـ يعني إنت عايزني أدخل شريك مع نادر؟
ابتسم فارس بثقة.
ـ أنا عايزك تدخل معايا أنا ونادر.
ساد الصمت لثوانٍ.
ثم قال رضوان:
ـ طب احكيلي عن المشروع الأول... وبعدها نشوف.
اعتدل فارس في جلسته.
وبدا وكأنه كان ينتظر السؤال منذ البداية.
ـ نادر عايز يعمل شركة لتوريد الأجهزة والمستلزمات الطبية للمستشفيات والعيادات الخاصة. مش محل مستلزمات صغير ولا تجارة عادية... هو بيتكلم عن توريدات بالجملة وعقود كبيرة.
بدا الاهتمام أوضح على ملامح رضوان.
ـ يعني هيشتري ويورد للمستشفيات؟
ـ بالظبط. نادر عنده علاقات كويسة مع كذا جهة، وفي موردين برا مصر يقدر يتعامل معاهم بأسعار كويسة. والمشكلة الوحيدة إن العقود الكبيرة محتاجة رأس مال شغال. يعني ياخد عقد توريد، ويدفع جزء كبير من قيمة البضاعة مقدمًا، وبعد ما يورد ويخلص الإجراءات يبدأ يحصل مستحقاته.
هز رضوان رأسه ببطء.
ـ يعني الفلوس هتفضل دايرة في البضاعة والعقود، مش هتتحط في أصل ويتجمد عليها رأس المال.
ابتسم فارس.
ـ أهو ده اللي أقصده. وإنت تحديدًا هتفهم النقطة دي أكتر مني.
صمت رضوان قليلًا.
ثم سأل:
ـ وإيه اللي يخليك واثق إن الموضوع هيكسب؟
ـ لأن الطلب موجود أصلًا. المستشفيات مش هتوقف شراء الأجهزة والمستلزمات. ونادر مش بيبدأ من الصفر. هو داخل بعلاقات وعقود مبدئية موجودة، وبيحاول يكبر حجم الشغل بدل ما يفضل مجرد وسيط.
ـ وإنت هتدخل معاه ليه؟
ابتسم فارس بثقة.
ـ لأن المشروع عاجبني. ولأن نادر من النوع اللي لو دخل حاجة بيحسبها كويس. وبعدين أنا عندي ميزة هو محتاجها. أنا عندي خبرة في المجال الطبي، وعارف السوق من جوه. وأقدر أراجع له الأجهزة والمستلزمات وأسعارها وجودتها بدل ما يشتري أي حاجة وخلاص.
ثم مال إلى الأمام وأضاف:
ـ وأنا مش داخل علشان أشتغل مكانه. هو هيدير الجانب التجاري والتعاقدات. وإنت لو دخلت هتبقى مسؤول عن جزء من الإدارة والحسابات ودراسة العقود. وأنا أساعد في الجانب الطبي. كل واحد فينا داخل في الحاجة اللي فاهم فيها.
ظل رضوان يفكر، بينما أكمل فارس:
ـ والأهم... نادر مش عايز فلوسك علشان يسد عجز عنده. هو محتاج رأس مال علشان يكبر مشروع عنده فرصة حقيقية في السوق.
رفع رضوان عينيه إليه.
ـ ولو دخلت... أدخل بالفلوس كلها؟
ـ مش كلها.
قالها فارس فورًا.
ثم أضاف:
ـ دي أهم نقطة. أنا مش هقولك حط فلوسك كلها في المشروع. خليك مأمن نفسك. حط جزء وسيب جزء معاك. ولو المشروع مشي زي ما إحنا متوقعين، رأس مالك هيكبر، وساعتها تقدر تشتري الشقة من غير ما تكون صرفت كل اللي جمعته عليها.
ظل رضوان صامتًا للحظات.
بينما ابتسم فارس وقال:
ـ وبعدين يا رضوان... إنت دارس إدارة أعمال. معقولة هتفضل طول عمرك بتفكر إزاي تشتري شقة، ومش هتفكر مرة إزاي تخلي الفلوس هي اللي تشتريلك عمارة واتنين؟
ضحك رضوان رغمًا عنه.
وهز رأسه مستسلمًا.
ـ إنت عايز تدخلني عالم رجال الأعمال بالعافية.
ابتسم فارس بثقة.
ـ لأ... أنا شايف إنك أصلًا مكانك هناك، بس إنت لسه ما جربتش.
نظر إليه رضوان للحظات.
ثم قال بهدوء:
ـ كل كلامك جميل يا فارس، وأنا مقدر موقفك جدًا. لكن هرجع وأقولك برضه... أنا مش هعمل أي حاجة غير بعد ما أطمن على أختي. زائد موضوع مجال الأعمال ده، مش في دماغي إطلاقا.
ابتسم فارس.
فقد كان يتوقع هذه الإجابة منذ البداية.
ولذلك لم يحاول الضغط عليه أكثر.
************
مرت يومان كاملان...
انخفضت خلالهما حرارة زاد تدريجيًا تحت تأثير الأدوية.
لكنها رغم ذلك لم تغادر غرفة قاسم.
وكأنها وجدت فيها ملاذًا تهرب إليه من كل شيء.
***
بعد عودته إلى الفيلا...
صعد فريد إلى الطابق العلوي.
وأثناء مروره أمام غرفة قاسم، لمح الباب مواربًا.
فتوقف لحظة ثم دخل.
كانت زاد نائمة بعمق فوق سرير قاسم.
بينما بدا أن الطفل غير موجود بالغرفة.
اقترب منها بهدوء.
ووضع يده فوق جبينها لثوانٍ.
ثم سحبها.
الحرارة انخفضت أخيرًا.
انتقلت عيناه إلى الكومود المجاور.
فوقعتا على الروشتة الطبية وعلب الدواء.
التقط الورقة وألقى عليها نظرة سريعة.
لكن فكه انقبض فجأة.
وبدأت أصابعه تطبق فوقها دون وعي حتى تجعدت بين يده.
رفع عينيه نحو زاد من جديد.
كانت غارقة في نوم عميق.
فارتسمت على شفتيه ابتسامة باهتة.
ابتسامة خالية من أي دفء.
"كل ده علشان رضوان."
اشتدت قبضته فوق الورقة.
ثم أكمل في نفسه ببرود:
"ماشي يا زاد يا مالكي..."
ألقى الروشتة أرضًا.
واستدار نحو الباب.
وفي تلك اللحظة...
كان قد اتخذ قراره بالفعل.
************
دفع فريد باب مكتب مهاب ودخل بخطوات واثقة، دون أن ينتظر طويلًا حتى يُسمح له بالدخول.
كان مهاب يجلس خلف مكتبه، يتابع بعض التقارير المتعلقة بالشركة.
وما إن رآه حتى ارتسمت على وجهه ابتسامة واسعة.
ـ أهلاً أهلاً... فريد باشا بنفسه.
ثم أضاف ضاحكًا:
ـ أخيرًا افتكرت إن عندك صاحب.
لكن الابتسامة خفتت تدريجيًا بعدما التقط ملامحه المتجهمة.
فعقد حاجبيه وقال:
ـ مالك؟
ألقى فريد سترته فوق المقعد المقابل وجلس.
ثم فك أزرار كُمِّه بهدوء قبل أن يقول:
ـ محتاج أتكلم معاك في موضوع.
استقامت جلسة مهاب فورًا.
ـ خير؟
رفع فريد عينيه إليه.
ثم قال:
ـ رضوان العطار.
ساد الصمت لثوانٍ.
قبل أن يعقد مهاب حاجبيه باستغراب.
ـ ماله؟
أخذ فريد نفسًا هادئًا.
ثم قال:
ـ شايف إن وجوده في الشركة عندك ابتدى ياخد مساحة أكبر من اللازم.
تجهمت ملامح مهاب.
ـ إزاي يعني؟
ـ يعني الراجل دخل يساعد في أزمة معينة.
وده شيء أنا مقدّره.
لكن من وجهة نظري الأفضل يفضل في الإطار ده وبس.
تأمله مهاب لحظة.
ثم قال:
ـ مش فاهم.
أكمل فريد بنفس الهدوء:
ـ مفيش شركة محترمة وكبيرة وليها اسمها تعتمد على حد لسه تعرفه من كام أسبوع.
الثقة في الشغل بتتبني... مش بتتوزع لكل من هب ودب.
استند مهاب إلى ظهر مقعده.
ـ والثقة دي أنا اللي أحددها يا فريد.
ولا إنت شايف إني مبعرفش أقيّم الناس؟
رد فريد:
ـ بالعكس.... علشان كده مستغرب.
مستغرب إنك فتحتله الباب بالسرعة دي.
صمت مهاب لحظة.
ثم قال:
ـ طب ما هو أثبت كفاءة.
وأثبت أمانة.
وأثبت التزام.
إيه اللي خلاك تشوف غير كده؟
ظهر شيء غامض داخل عيني فريد.
لكنه اختفى سريعًا.
ثم قال:
ـ أنا عمري ما قلقت من واحد أخطاؤه واضحة.
الناس اللي بتقلقني فعلًا...
هي الناس اللي كل حاجة فيها شكلها مثالي زيادة عن اللزوم.
نظر إليه مهاب طويلًا ثم قال:
ـ المشكلة إنك بتتكلم عن شعور...
وأنا بتعامل مع وقائع.
قولي حاجة واحدة حصلت وخلتك تشك فيه بالشكل ده.
صمت فريد.
فأكمل مهاب:
ـ عندك؟
لم يجب.
فبعض الأسباب لا تُقال.
ليس لأنها أسرار...
بل لأن الاعتراف بها وحده يُعد هزيمة لا يقبلها كبرياؤه.
عقد مهاب حاجبيه أكثر وهو يتأمله.
ثم قال:
ـ بصراحة... أنا اللي مستغربه إن الكلام ده جاي منك إنت.
رفع فريد عينيه إليه.
فأكمل مهاب:
ـ يوم الحفلة، افتكر كويس إنك كنت مبسوط بيه.
وعجبك أسلوبه.
وإنت بنفسك كلمتني عنه وقلت إنه راجل واثق من نفسه وعارف هو بيعمل إيه.
دلوقتي فجأة بقيت شايف إنه مينفعش يتوثق فيه؟
إيه اللي اتغير؟
مال فريد برأسه قليلًا دون أن يرد.
أما مهاب فواصل وهو يهز رأسه بحيرة:
ـ عشان كده أنا مش فاهم.
لو الراجل غلط قولي.
لو شفت منه حاجة مقلقاك فهمني.
إنما بين يوم وليلة كده...
يتحول من واحد عاجبك وبتشكر فيه...
لواحد مش عايزه يقرب من الشركة؟
رفع فريد بصره إليه ببطء.
ثم قال بهدوء محسوب:
ـ مش معنى إني شايف فيه صفات كويسة إني أئتمنه على كل حاجة يا مهاب.
فيه فرق بين الإعجاب بالشخص...
والثقة فيه.
وأعتقد إنك أذكى من إني أشرحلك الفرق.
وفي تلك اللحظة انفتح الباب.
ودخل فارس.
توقفت عيناه بين الاثنين.
ثم قال:
ـ إيه يا جماعة؟ صوتكم عالي ليه؟
التفت إليه مهاب.
كان لا يزال يشعر أن هناك شيئًا لا يعرفه.
لكنه لم يشأ أن يضغط أكثر على صديقه أو يقتحم منطقة لا يريد الحديث عنها.
فاكتفى قائلًا:
ـ مفيش حاجة يا فارس.
تقدم فارس أكثر.
وجلس أمام فريد.
ثم قال وهو ينظر بينهما:
ـ إزاي مفيش حاجة؟ ده أنا جاي من برة وسامع صوتكم عالي.
ودي عمرها ما حصلت بينكم.
يا ترى حصلت مشكلة؟
رفع فريد رأسه إليه.
وقال ببرود:
ـ في إني بتكلم لمصلحة الشركة يا فارس...
وأخوك مهاب مش مقتنع بكلامي.
عقد فارس حاجبيه وسأله مباشرة:
ـ لا طبعًا.
لو كلامك في مصلحة الشركة، ليه مهاب ما يقتنعش؟
اتفضل اشرحلي الموضوع.
إيه بقى اللي في مصلحة الشركة؟
قال فريد:
ـ مصلحة الشركة إنك تحط حدود من البداية.
الشركة مش مكان للتجارب.
ولا لمجرد إن حد يعجبك كلامه تفتح له كل البيبان.
راقب فارس ملامحه للحظات.
وكأن أجزاء الصورة بدأت تكتمل أمامه.
ثم سأله بهدوء:
ـ الكلام على مين؟
رفع فريد عينيه إليه.
وقال بنبرة غامضة:
ـ رضوان العطار.
ضاقت عينا فارس قليلًا.
لكنه حافظ على هدوئه.
فواصل فريد:
ـ أخوك مهاب مش عارف مصلحته يا فارس.
المشكلة إنه ممكن يحط ثقته في غير محلها.
وبعد كده يكتشف إنه استعجل.
ـ وأنا مش حابب أشوف صاحبي يدي لرضوان أكبر من حجمه لمجرد إنه ساعده في حل أزمة الشركة.
هز فارس رأسه ببطء.
ـ وجهة نظر برضه.
بس إيه اللي يضر الشركة؟
أجاب فريد فورًا:
ـ إنك تدخل ناس جديدة جوه دايرتك بسرعة.
إنك تثق زيادة عن اللزوم.
إنك تخلط العلاقات الشخصية بالشغل.
مط فارس شفتيه قبل أن يقول:
ـ وجهة نظر أحترمها وأقدرها جدًا.
بس ممكن أعرف إنت مش عايز رضوان ليه في شركة الحسيني؟
مع إن الشركة مش شركتك أصلًا.
بس أنا هعمل حساب إنك صاحب أخويا المقرّب.
وليك عندنا مكانتك.
إنما أنا عايز تفسير منطقي.
ساد الصمت.
ثم أكمل فارس وهو يثبت عينيه في عينيه:
ـ رضوان عمل إيه؟ غلط في حق الشركة؟
اختلس فلوس؟
سرّب معلومات؟
قصّر في شغله؟
لأ.
تحرك فك فريد قليلًا.
لكن ملامحه بقيت جامدة.
وقال أخيرًا:
ـ أنا مش لازم أفسر كل حاجة.
أنا مش عايزه يشتغل معاكم وخلاص.
هز فارس رأسه ببطء.
ثم قال بثبات:
ـ والله برضه مش ده التفسير اللي أنا طلبته.
قولي رضوان عمل إيه.
وأنا ساعتها أفكر وأرد عليك.
وأقولك إن كان فعلًا يستاهل إني أقوله اتفضل من هنا...
ولا أقوله:
أهلاً بيك في شركة جوز أختك يا رضوان يا عطار.
استقرت نظرات فريد عليه.
باردة.
وحادة.
لكنها لم تحمل إجابة.
بينما تابع فارس:
ـ أنا كنت هفهم أي مبرر منطقي تقوله.
لكن لحد دلوقتي...
أنا سامع عدم ارتياح شخصي...مش أكتر.
تصلب فك فريد.
وشيء ثقيل تحرك خلف عينيه.
كانت كلمات فارس واضحة.
تحمل رسالة لا يمكن إساءة فهمها.
رضوان هنا ليس شخصًا عابرًا.
وليس غريبًا يمكن إبعاده لمجرد رغبة أحد.
بل الرجل الذي سيصبح فردًا من العائلة خلال أشهر قليلة.
وله مكانته التي لن يسمح فارس لأحد بالانتقاص منها.
سقطت الكلمات داخل الغرفة كالحجر.
ووصل معناها إلى فريد كاملًا.
أما مهاب...
فلم يكن يفهم كل ما يدور تحت سطح الحديث.
لكنه أدرك شيئًا واحدًا.
أن فارس يتعامل مع فريد برسمية لم يعهدها بينهما من قبل.
فسارع بالتدخل:
ـ يا جماعة اهدوا شوية.
الموضوع أبسط من كده أصلًا.
أنا طلبت من رضوان يشتغل معانا.وهو رفض.
كل اللي هيعمله إنه يساعدني لحد آخر الشهر وخلاص.
وده اللي مخليني متمسك بيه أكتر أصلًا.
لأن أول واحد يقابل فرصة زي دي عادة بيجري عليها.
إنما هو لأ.
ساد الصمت.
واستقر الضيق أكثر داخل ملامح فريد.
لم تعجبه معلومة الرفض.
بل زادته انزعاجًا.
فالرجل الذي كان يحاول إبعاده...
لا يبدو حتى مهتمًا بالمكان الذي يحاول الجميع منحه له.
حول بصره نحو فارس.
وظل ينظر إليه طويلًا.
وكان يدرك جيدًا أن الرجل الواقف أمامه فهم أكثر مما ينبغي.
أما فارس...
فبقي ثابتًا في مكانه.
هادئًا.
يراقبه.
منتظرًا تفسيرًا يعرف مسبقًا أنه لن يأتي.
وأخيرًا نهض فريد من مكانه.
وارتدى سترته.
ثم قال وهو يتجه نحو الباب:
ـ أنا ما كنتش أحب إنك تتدخل في الموضوع ده يا فارس...
بس تمام.
كانت الجملة هادئة.
إلا أن ما خلفها لم يكن هادئًا على الإطلاق.
ثم التفت إلى مهاب.
وألقى عليه نظرة مقتضبة.
وقال:
ـ عقّل أخوك يا مهاب.
وغادر المكتب.
دون أن ينتظر ردًا.
ساد الصمت لثوانٍ بعد خروجه.
ثم ضرب مهاب كفًا بكف وقال باستنكار:
ـ أنا مش فاهم فيه إيه! إيه اللي جراله فاجأة كده؟
نقل بصره إلى فارس.
ـ إنت فاهم حاجة؟
ظل فارس ينظر إلى الباب المغلق.
شاردًا.
يفكر في شيء واحد فقط.
هل وصل الأمر بفريد إلى هذه الدرجة فعلًا؟
هل أصبح مستعدًا لمحاربة رضوان لمجرد أنه جزء من ماضٍ لا يخصه؟
تنهد ببطء.
ثم أشاح بنظره بعيدًا.
لأنه وللمرة الأولى...
شعر أن وجود رضوان بالقرب منهم قد أصبح أخطر مما تخيل.
*********
نزل فريد إلى سيارته.
وأغلق الباب خلفه بقوة جعلت السائق يلتفت إليه للحظة قبل أن يصرف نظره سريعًا.
جلس في مقعده صامتًا.
وعلى غير عادته لم يطلب التحرك.
ظل محدقًا أمامه.
وعيناه مثبتتان على نقطة بعيدة لا يراها أحد سواه.
كانت كلمات فارس لا تزال تتردد داخل رأسه.
كلماته.
ونبرته.
ونظرته الواثقة.
وكأن الرجل كان يتعمد تحديه.
وكأنه يعلن بوضوح أن رضوان أصبح جزءًا من دائرتهم.
جزءًا لا يملك فريد إبعاده كما يشاء.
اشتد فكّه ببطء.
ثم أخرج هاتفه من جيبه.
وضغط رقمًا محفوظًا في ذاكرته.
وما إن جاءه الرد حتى قال:
ـ الو.
جاءه صوت الجيار فورًا:
ـ مساء الخير يا باشا.
ـ جيار.
ـ تحت أمرك.
ـ تعالى المكتب حالًا.
ولم ينتظر ردًا.
أغلق الخط مباشرة.
وألقى الهاتف إلى جواره.
ثم أدار رأسه نحو النافذة.
وبقي صامتًا طوال الطريق.
صامتًا بطريقة كانت أخطر من أي انفجار غضب.
***
بعد وقت...
دفع الجيار باب المكتب.
ودخل بخطوات هادئة.
وأغلق الباب خلفه بهدوء.
لتقع عيناه فورًا على فريد.
كان يقف أمام الواجهة الزجاجية الضخمة الممتدة خلف مكتبه.
يعطيه ظهره.
وبين أصابعه سيجارة مشتعلة.
يرسل دخانها إلى الهواء ببطء.
في هدوء يعرفه الجيار جيدًا.
هدوء لم يكن يبشره أبدًا بشيء جيد.
فالجيار تعلم منذ سنوات طويلة أن أخطر لحظات فريد...
لم تكن عندما يغضب.
بل عندما يهدأ.
عندما يتوقف عن الصراخ.
ويبدأ في التفكير.
اقترب خطوة واحدة فقط.
ثم قال باحترام:
ـ أمرني يا باشا.
لم يلتفت فريد إليه.
وظلت عيناه معلقتين بالأضواء المنتشرة أسفل المبنى.
والمدينة الممتدة خلف الزجاج.
كأنما يراقبها.
أو يراقب أحدًا بعينه داخلها.
ساد الصمت لثوانٍ طويلة.
حتى بدأ التوتر يتسلل إلى الجيار نفسه.
قبل أن يخرج صوت فريد أخيرًا.
هادئًا.
منخفضًا.
ومخيفًا على نحو غير مريح.
ـ رضوان العطار.
انعقد حاجبا الجيار تلقائيًا.
وتصلبت ملامحه.
رغم أنه كان يتوقع الاسم.
إلا أن سماعه على لسان فريد بهذه النبرة جعله يدرك أن الأمر تجاوز مجرد الضيق العابر.
فقال بحذر:
ـ ماله؟
تحرك فريد أخيرًا.
استدار ببطء.
ثم رفع عينيه إليه.
كانت نظرة باردة.
خالية من أي انفعال.
ولهذا بدت أكثر خطورة.
وسحب نفسًا أخيرًا من سيجارته.
قبل أن يقول:
ـ خلص عليه.
ساد الصمت.
نظر الجيار إلى فريد.
ولم يجب.
ثانية.
ثم ثانية أخرى.
حتى ضاقت عينا فريد قليلًا.
ـ سمعتني؟
بلع الجيار ريقه.
ـ سمعت يا باشا.
ـ يبقى نفذ... والليلة.
زفر الجيار ببطء.
ولم يكن صمته ترددًا بقدر ما كان محاولة سريعة لإعادة ترتيب الأمور في رأسه.
الشحنة الكبيرة على وشك الوصول.
وكل خطوة خاطئة الآن قد تفتح أبوابًا هم في غنى عنها.
اقترب قليلًا وقال بحذر:
ـ ممكن أسأل سعادتك سؤال؟
ارتفعت عينا فريد إليه.
باردتين.
حادتين.
ـ لأ.
اللي يخصك تنفذ وبس.
أطرق الجيار رأسه للحظة.
ثم رفعه من جديد.
ـ وأنا هنفذ طبعًا.
بس اسمحلي أقول رأيي الأول.
ظل فريد صامتًا.
فأكمل الجيار:
ـ أنا عارف حضرتك متضايق منه ليه.
وعارف حكايته كلها.
لأني أنا اللي جبت المعلومات.
لكن من خبرتي...
دي مش أفضل طريقة.
تحرك فك فريد ببطء.
وقال:
ـ بمعنى؟
اعتدل الجيار في وقفته قليلًا.
ـ أنا بقول إننا نفكر في النتيجة قبل ما نتحرك.
رضوان مش واحد محدش يعرفه دلوقتي.
ده بقى ليه علاقات.
ومهاب الحسيني بنفسه بقى مقدّره.
وفارس الحسيني داخل عيلتهم... وده أخطر.
لو حصل له حاجة...
الأسئلة هتزيد.
والناس هتبدأ تدور على المستفيد من غيابه.
وفي الآخر هنفتح على نفسنا باب وجع دماغ إحنا مش ناقصينه.
استقام فريد في وقفته.
ثم قال باستهانة واضحة:
ـ حتة حداد يستاهل كل الحسابات دي؟
هز الجيار رأسه بهدوء.
ـ أنا مش بحسبها علشانه يا باشا.
أنا بحسبها علشاننا.
ساد الصمت للحظات.
قبل أن يضيف:
ـ وفوق ده كله... الشحنة قربت توصل.
إحنا داخلين على وقت محتاج تركيز.
مش وقت نفتح فيه على نفسنا باب جديد.
ظل فريد يحدق فيه لثوانٍ.
ثم قال ببرود أشد:
ـ أنت هتعلمني شغلي يا جيار؟ وهو القتل بقى صعب عليك؟
ولا إنت فاكرني خايف؟
أوعى يكون الكلمتين اللي إنت قلتهم دول دخلوا دماغي.
هز الجيار رأسه فورًا.
ـ حاشا لله يا باشا.
أنا بس بحاول أوفر على حضرتك مشاكل ملهاش لازمة.
أشار إليه فريد بإصبعه.
وقال بهدوء جعل التهديد أكثر وضوحًا:
ـ فريد الشامي ما بيخافش.
حط دي في دماغك كويس.
إنت شغال معايا بقالك سنين...
وعارفني.
ابتلع الجيار ريقه.
ثم قال بهدوء:
ـ يا باشا... أنا مش محتاج إنك تقولّي الكلام ده.
أنا عارف معاليك مين كويس.
وعلشان كده عايزك تسمعني للآخر.
ممكن؟
ظل فريد صامتًا.
ثم قال بفتور:
ـ عايز تقول إيه؟ اخلص.
ظهرت ابتسامة صغيرة على شفتي الجيار.
ابتسامة رجل اعتاد أن يفكر قبل أن يضغط الزناد.
ثم قال:
ـ أنا شايف نديه قرصة ودن صغيرة.
رفع فريد حاجبه.
ـ قرصة؟
ـ أيوه.
قرصة توجعه أكتر من الرصاصة.
ظل فريد يراقبه بصمت.
فأكمل الجيار:
ـ عظمتك.. عايز تنتقم منه.
تمام.
بس ليه تريحه بالموت؟
ليه منخليهوش يعيش ويتعذب؟
ولأول مرة...
سكت فريد.
فأدرك الجيار أنه بدأ يلفت انتباهه.
فتابع بهدوء:
ـ الراجل ده على قد حاله.
سمعته... رأس ماله الحقيقي
شغله... رأس ماله الحقيقي
حريته... رأس ماله الحقيقي
خد منه الحاجات دي...
هيبقى أسوأ عليه من الموت.
تحرك فريد ببطء.
واتجه نحو مكتبه.
لكنه لم يجلس.
ـ ادخل في الموضوع.
قالها بنفاد صبر.
فأومأ الجيار برأسه.
ـ سلاح.
أو بضاعة.
أو أي حاجة مشبوهه تلبسه قضية محترمه.
توديه ورا الشمس كام سنة.
وساعتها...
مش هيعرف يرفع راسه في وش حد.
ضاقت عينا فريد بشر خالص.
ـ سجنه مش هيكفيني يا جيار.
ابتسم الجيار ابتسامة باهتة.
ـ يا باشا...
في ناس الموت بيبقى أرحم لها.
إنما السجن؟
السجن بياكل البني آدم بالراحة.
يحرمه من دنيته.
ومن حياته.
ومن الناس اللي حواليه.
ويخليه كل يوم يصحى يتمنى لو كان مات.
ساد الصمت داخل المكتب.
واستقرت نظرات فريد على نقطة بعيدة.
وكأنه يرى المشهد أمامه بالفعل.
أما الجيار...
فأدرك أنه بدأ يقنعه.
لذلك أكمل:
ـ وبعدين لو خرج...
يبقى لكل حادث حديث.
إنما دلوقتي؟
إحنا نكسره الأول.
وبعدها نشوف إذا كان يستاهل أكتر من كده ولا لأ.
دار فريد حول المكتب ببطء.
ثم جلس أخيرًا على مقعده.
وأراح ظهره للخلف.
وظل صامتًا لعدة ثوانٍ طويلة.
قبل أن يقول:
ـ لأ.
رفع الجيار رأسه باستغراب.
فواصل فريد بصوت منخفض:
ـ أنا مبحبش أسيب حساباتي مفتوحة.
ابتسم الجيار ابتسامة خفيفة.
ـ ولا أنا يا باشا.
وأوامر حضرتك على راسي، وده ما اتغيرش.
بس إنت بنفسك علّمتني إن الشغل مش بالقوة وحدها.
وإن اللي يعرف يختار توقيت ضربته...
هو اللي بيكسب في الآخر.
عشان كده بقولك نبدأ خطوة خطوة.
لو وقع...
يبقى وفرنا على نفسنا وجع دماغ كتير.
ولو لأ...
ساعتها حضرتك تقول كلمتك.
وأنا أنفذ.
تشابكت أصابع فريد فوق المكتب.
وظل صامتًا.
يفكر.
بينما كان الغضب الكامن داخله يرفض التراجع.
لم يكن يريد إيذاء رضوان فقط.
كان يريد أن يراه يُسحق.
أن يراه يفقد كل شيء.
وأخيرًا...
نهض من مكانه.
وأومأ برأسه إيماءة صغيرة.
فهمها الجيار فورًا.
اتسعت ابتسامته الخفيفة وقال:
ـ أوامرك يا باشا.
اعتبره حصل.
ظل فريد صامتًا.
بينما غادر الجيار الغرفة.
وأغلق الباب خلفه.
ليعود الهدوء إلى المكتب من جديد.
هدوء ثقيل.
ومريب.
مد فريد يده نحو هاتفه.
ثم نظر إلى انعكاس صورته على الشاشة السوداء.
وظل يحدق فيها لثوانٍ.
قبل أن يتمتم بصوت خافت:
ـ يا ترى...
هتستحمل لحد فين يا رضوان؟
ثم ألقى الهاتف فوق المكتب.
وأدار كرسيه نحو النافذة.
بينما ارتسمت على شفتيه ابتسامة صغيرة.
باردة.
وخالية تمامًا من الرحمة.
*********
كان رضوان جالسًا خلف الكاونتر الصغير في مكتبتة.
منشغلًا بمراجعة بعض الفواتير القديمة.
بينما يدور صوت المروحة العتيقة في هدوء فوق رأسه.
طرق أحدهم الباب.
فرفع رأسه تلقائيًا.
دخل شاب في أوائل الثلاثينيات.
بملابس عادية لا تلفت الانتباه.
ولا يحمل في ملامحه ما يدعو للشك.
ابتسم رضوان ابتسامة بسيطة.
ـ اتفضل.
هز الشاب رأسه وتحرك بين الأرفف.
وأخذ يتفحص الكتب وكأنه يبحث عن عنوان محدد.
ثم أخرج هاتفه ونظر إلى شاشته.
ـ لو سمحت... عندك كتاب عن إدارة المشروعات؟
نهض رضوان من مكانه.
ـ أيوه موجود.
وخرج من خلف الكاونتر.
متجهًا إلى أحد الأركان الأخرى من المكتبة.
بينما تبعه الشاب بهدوء.
أشار رضوان إلى رف قريب.
ـ بص هنا كده، هتلاقي أكتر من نسخة.
وبينما انشغل رضوان في سحب أحد الكتب من الرف المقابل...
تحرك الشاب بسرعة.
مد يده داخل سترته.
وأخرج لفافة سوداء صغيرة، بداخلها سلاح ناري آلي غير مرخص.
ثم دسها بين صفوف الكتب في أحد الأرفف العليا.
خلف مجموعة من المجلدات السميكة.
اختفت اللفافة تمامًا عن الأنظار.
وكأنها لم تكن موجودة من الأساس.
وفي اللحظة التالية...
كان قد أعاد يده إلى جيبه.
واستدار طبيعيًا.
تمامًا كما لو كان يتأمل الكتب.
التفت إليه رضوان وهو يناوله الكتاب.
ـ ده من أفضلهم بصراحة.
تناول الشاب الكتاب.
وقلب صفحاته لدقائق.
ثم ابتسم.
ـ تمام... هاخده.
عاد الاثنان إلى الكاونتر.
دفع الحساب.
وحمل الكتاب.
وغادر المكتبة بهدوء.
ثم عاد الصمت.
أما رضوان...
فعاد إلى مكانه.
وأكمل عمله كأن شيئًا لم يحدث.
دون أن يدرك أن بين تلك الأرفف...
كانت كارثة كاملة تنتظره.
***
في الناحية الأخرى من المدينة...
كان فريد يجلس خلف مكتب فيلته.
أمام شاشة كبيرة مضاءة.
وبجانبها فنجان قهوة أسود يتصاعد منه البخار.
راقب الشاشة بصمت.
منذ لحظة دخول الشاب...
وحتى لحظة خروجه.
ثم رفع الفنجان إلى شفتيه.
وارتشف منه ببطء.
وعيناه لا تفارقان صورة رضوان.
وهو يرتب بعض الكتب غير مدرك لما يحدث حوله.
استرخى فريد في مقعده.
ثم برأسه إلى الخلف.
وارتسمت على شفتيه ابتسامة باردة.
ابتسامة خالية من أي رحمة.
ثم أطلق ضحكة قصيرة منخفضة.
وهو يتمتم:
ـ اللعبة لسه بتبدأ يا رضوان...
لسه بتبدأ.
*********
وفي صباح اليوم التالي...
كان فريد يجلس خلف مكتب شركته منذ وقت مبكر.
كالعادة.
أمام مجموعة من الملفات المرتبة بعناية.
وبجواره الحاسوب المحمول مغلقًا.
دخلت السكرتيرة بهدوء.
وضعت فنجان القهوة أمامه.
ثم قالت باحترام:
ـ الاجتماع التاني الساعة واحدة الضهر يا مستر فريد.
اكتفى بإيماءة قصيرة من رأسه.
ففهمت الإشارة وغادرت المكتب فورًا.
وما إن أُغلق الباب حتى رن هاتفه.
نظر إلى الشاشة.
الجيار.
أجاب مباشرة:
ـ أيوة يا جيار.
جاءه صوت الجيار مطمئنًا:
ـ كله تمام يا باشا.
السلاح مكانه زي ما هو.
والاتصال هيتم في معاده.
المداهمة كمان ساعة بالكتير.
ارتسمت ابتسامة باردة على شفتي فريد.
ـ كويس.
وأغلق الخط.
ثم سحب الحاسوب نحوه.
وفتحه ببطء.
يريد أن يكون حاضرًا من البداية.
يريد أن يشاهد بنفسه.
لحظة سقوط رضوان.
لحظة انهيار كل شيء.
ظهرت صورة الكاميرا على الشاشة.
رفع فنجان القهوة إلى شفتيه.
لكن الرشفة لم تكتمل.
توقفت يده في الهواء.
واختفت الابتسامة من فوق وجهه تدريجيًا.
ثم انعقد حاجباه.
المكتبة...
كانت مقلوبة رأسًا على عقب.
كتب فوق الأرض.
وأرفف مفتوحة.
وأدراج مبعثرة.
وكأن أحدهم فتش المكان بالكامل.
أنزل فريد الفنجان ببطء.
واقترب من الشاشة.
وعيناه تضيقان أكثر.
ثم التقط هاتفه فورًا.
واتصل بالجيار.
جاءه الرد سريعًا:
ـ أيوة يا باشا؟
قال فريد ببرود مخيف:
ـ إنت قلت المداهمه لسه ما راحتش؟
ساد الصمت لثانية.
ثم جاءه صوت الجيار مستغربًا:
ـ لأ طبعًا.
لسه بدري.
الراجل بتاعنا هيتصل الساعة اتناشر بالظبط.
فاضل ساعة كاملة.
تجمدت ملامح فريد.
ـ متأكد؟
ـ متأكد يا باشا.
فيه حاجة حصلت؟
لكن فريد كان قد أغلق الخط بالفعل.
دون أن يجيب.
عاد ببصره إلى الشاشة.
ثم مد يده إلى لوحة التحكم.
وأعاد تسجيل الكاميرا إلى الخلف.
الدقيقة تلو الأخرى.
الساعة تلو الأخرى.
حتى توقفت الصورة عند الثالثة والنصف فجرًا.
وهنا...
انحبست أنفاسه.
ظهر شخص داخل المكتبة.
شخص لم يرَه من قبل.
يرتدي ملابس سوداء بالكامل.
وقبعة منخفضة تحجب معظم ملامحه.
ووجهه مختفٍ خلف قناع داكن.
ظل فريد يراقب الشاشة دون أن يرمش.
بينما كان الرجل يتحرك بثقة غريبة.
كأنه يعرف بالضبط ما يبحث عنه.
فتح الأدراج.
وقلب محتوياتها.
ثم انتقل بين الأرفف.
يفتش كتابًا تلو الآخر.
دقيقة.
دقيقتان.
ثلاث.
حتى توقف فجأة.
مد يده بين الكتب.
ثم أخرج شيئًا من الخلف.
لفافة سوداء صغيرة.
تصلبت ملامح فريد.
السلاح.
وجده.
تجمدت ملامح فريد.
واشتدت قبضته فوق ذراع المقعد.
بينما دس الملثم السلاح داخل سترته.
وكأن شيئًا لم يكن.
استدار بعدها متجهًا نحو الباب.
لكن قبل أن يغادر المكتبة...
توقف.
ببطء شديد.
وكأن فكرة ما مرت برأسه في اللحظة الأخيرة.
ساد الصمت.
بينما ضاقت عينا فريد أمام الشاشة.
ثم استدار الرجل نصف استدارة.
ورفع رأسه نحو الكاميرا المثبتة أعلى الجدار.
وظل ينظر إليها.
ثانية.
ثم ثانية أخرى.
دون حركة.
دون تردد.
ودون أي محاولة لإخفاء نفسه.
وكأنه كان يعلم بوجودها منذ البداية.
بل وكأنه كان يعلم أن هناك من سيجلس أمامها لاحقًا ويشاهد هذا التسجيل.
شعر فريد بعضلات فكه تنقبض ببطء.
بينما بقي الملثم واقفًا مكانه.
ثابتًا.
هادئًا.
على نحو مستفز.
ولوهلة قصيرة...
بدا المشهد كله أقرب إلى رسالة صامتة.
رسالة لم تحتج إلى كلمات.
ثم مال الرجل رأسه ببطء.
إيماءة صغيرة.
هادئة.
أقرب لتحية ساخرة.
كأنها موجهة مباشرة إلى الشخص الجالس خلف الشاشة.
موجهة إليه هو.
إلى فريد الشامي نفسه.
بعدها أعاد رأسه إلى وضعه الطبيعي.
واستدار.
وغادر المكتبة.
ليختفي من الصورة تمامًا.
ساد الصمت داخل المكتب.
صمت ثقيل.
خانق.
أما فريد...
فظل جالسًا مكانه.
دون أن يتحرك.
ودون أن يشيح بنظره عن الشاشة.
كانت الصورة متوقفة أمامه.
على اللحظة الأخيرة.
لحظة استدارة الرجل نحو الكاميرا.
ولحظة تلك الإيماءة المستفزة.
مال إلى الأمام ببطء.
ثم أعاد المقطع.
مرة.
ثم مرة أخرى.
ثم ثالثة.
وفي كل مرة...
كانت ملامحه تزداد قسوة.
ويزداد ذلك الهدوء المخيف استقرارًا فوق وجهه.
حتى اختفت منه آخر بقايا البرود المعتاد.
وتحول إلى شيء آخر.
شيء أكثر ظلمة.
وأشد خطورة.
فجأة...
هبطت قبضته فوق سطح المكتب بعنف.
فاهتزت محتوياته.
واهتز معها فنجان القهوة ليسقط على جانبه.
وانساب السائل الداكن فوق الأوراق.
لكن فريد لم يلتفت.
ولم ينظر.
وكأن شيئًا لم يحدث.
ظل بصره مسلطًا على الشاشة وحدها.
وعلى الرجل المجهول الذي تجرأ على العبث بخطته.
والأسوأ من ذلك...
أنه تجرأ على إخباره بأنه يعرف.
ارتفعت أنفاسه ببطء.
بينما اشتعل شيء مظلم خلف عينيه.
شيء نادر الظهور.
وشديد الخطورة.
لأن فريد لم يكن يكره الفشل بقدر ما يكره أن يسخر منه أحد.
وذلك الرجل...
لم يفسد خطته فقط.
بل ترك له رسالة واضحة.
رسالة تقول:
"كنت هنا."
"وأعرف ما الذي كنت تنوي فعله."
استقرت عيناه على الصورة المتجمدة أمامه.
بينما اشتعل الشرر داخل نظراته.
شرر كان كافيًا ليخبر أي شخص يراه...
أن شخصًا ما ارتكب للتو أسوأ خطأ ممكن.
وأنه...
سيدفع ثمنه.
يتبع.......

فصل جميل جداً 👏👏👏👏
ردحذفالفصل في منتهى الروعة والجمال والإبداع
ردحذفروعة
ردحذفالفصل روووعه ...ياترى رضوان كان عارف بحركه فريد دي ولا في شخص تاني
ردحذفدايما مبدعة يا مريم 🫶🫶❤️👏👏
ردحذفاي الإبداع دا يا مريومه تحفه😍💜انا شاكه يأما فارس يا رضوان
ردحذفروعه روعه روعه 🎉🎉🎉🎉🎉❤️❤️❤️❤️❤️❤️
ردحذف