قصص وروايات مريم نصار

قصص وروايات مريم نصار: المدونة الرسمية للكاتبة والروائية المصرية مريم نصار. هنا تقرئين حكايات تلمس القلب وتشبه تفاصيل حياتنا: روايات وقصص تجمع بين الرومانسية والدراما والتشويق، بأسلوب قريب من القارئ وشخصيات تعيش معك بعد الفصل الأخير. تُنشر كل رواية فصلًا بفصل بترتيب منظم ومريح للقراءة، وتقدرين تتابعين الفصول الجديدة أولًا بأول. أهلًا بك في عالم مريم نصار.

الفصل العشرون. زاد الآسمر


 


الفصل العشرون. زاد الآسمر الجزء الثاني..




خرج رضوان من غرفة الزيارة بعد انتهاء الوقت المخصص لها، بخطوات بطيئة وثابتة، بينما كانت القيود ما تزال تطوّق معصميه، ويسير العسكري بمحاذاته عبر الممر الطويل.


بدا هادئًا من الخارج، يمشي بخطوات ثابتة ووجه خالٍ من أي انفعال ظاهر، لكن في أعماقه كانت الأمور مختلفة تمامًا.

كان يشعر وكأن النار تأكل قلبه ببطء، وكأن شيئًا شرسًا يستيقظ داخله للمرة الأولى منذ سنوات طويلة.

لم يكن غضبًا عابرًا يمكن أن يهدأ بكلمة أو يختفي مع الوقت، بل كان أشبه بإعصار أسود يدور في صدره، يضغط على أنفاسه ويغذي أفكاره بشيء لم يعتد وجوده داخله من قبل.


أما عيناه...


فكان الغضب واضحًا فيهما رغم كل محاولاته للتماسك.


احتقان حاد.


واشتعال صامت.


ونظرات ثقيلة تحمل من الغيظ ما يكفي لإشعال المكان من حوله.

حتى بدا وكأن الكلمات التي سمعها قبل قليل ما زالت تتردد داخل رأسه، وتصب فوق ذلك الحريق وقودًا جديدًا كلما مرت بخاطره.


لم يكن ينظر إلى شيء بعينه، ولا ينتبه إلى الوجوه التي تمر من حوله. كان يسير وكأن جسده يؤدي مهمته وحده، بينما ظل عقله عالقًا في مكان آخر، يستعيد كلمات وعبارات "فريد" التي تتردد في رأسه بإلحاح، وتتصادم أفكاره بعنف حتى شعر وكأن رأسه تحوّل إلى ساحة حرب.


اشتد فكّه، وانعقد حاجباه قليلًا، فيما ظل صامتًا، لا يتحدث ولا يلتفت يمينًا أو يسارًا، وكأن داخله يشتعل على مهل، بينما يرفض أن يمنح ما يعتمل في صدره مخرجًا واحدًا.


حتى إنه لم ينتبه إلى أحد المحتجزين الخارجين من غرفة جانبية، فاصطدم الرجل بكتفه بقوة، وتأرجح خطوة إلى الخلف قبل أن يلتفت إليه بضيق، منتظرًا اعتذارًا أو حتى نظرة عابرة.


لكن رضوان لم يتوقف.


لم يلتفت إليه أصلًا، ولم يتغير إيقاع خطواته، بل واصل سيره كأن شيئًا لم يحدث.


تجمّد الرجل للحظة، ثم نظر خلفه باستغراب، بينما تبادل العسكري معه نظرة مقتضبة قبل أن يتابع السير بجوار رضوان.


أما الأخير، فظل غارقًا في صمته، وعيناه تحملان شيئًا ثقيلًا لا يمكن إخفاؤه، وكأنهما عادتا من معركة لم يشهدها أحد، ولا يعرف أحد ما خلّفته في داخله.


***


وفي مستشفاه الخاص...


كان فارس يجلس خلف مكتبه، محاطًا بعدد من الملفات الطبية التي أخذ يتنقل بينها بتركيز، يراجع الأوراق ويدوّن بعض الملاحظات بين الحين والآخر، محاولًا الانشغال بعمله رغم أن ذهنه لم يكن مستقرًا تمامًا.


قطع رنين هاتفه هدوء المكتب.


رفع عينيه عن الأوراق، والتقط الهاتف، وما إن رأى اسم المتصل حتى أجاب:


ــ أيوة يا مهاب.


جاءه صوت شقيقه مباشرة، دون مقدمات:


ــ إيه اللي حصل في الشركة يا فارس؟ أمجد بيقولي إن الشرطة جت تفرغ الكاميرات واستجوبت الموظفين.


توقفت يد فارس فوق الورقة للحظة، قبل أن يغلق الملف الموضوع أمامه ويجيبه بنبرة هادئة:


ــ مفيش حاجة يا مهاب، ده مجرد إجراء روتيني.


ساد صمت قصير، أعقبه صوت مهاب المستنكر:


ــ نعم ياخويا؟ إنت بتضحك عليا ولا عليك؟ إجراءات إيه دي؟


ارتسمت ابتسامة باهتة على شفتي فارس، لم تلبث أن اختفت، ثم قال محاولًا إبقاء نبرته طبيعية:


ــ يا سيدي حصلت مشكلة بره شركتنا، والشرطة فرغت الكاميرات علشان تتأكد، بس كده.


لكن مهاب لم يبدُ مقتنعًا، وجاءه صوته أكثر جدية:


ــ أنا مش داخل دماغي الكلام ده. ورضوان؟ أمجد بيقولي اختفى، مجاش الشركة من أسبوع.


أطرق فارس برأسه للحظة، وانشغل بتمرير أصابعه فوق حافة الملف أمامه، قبل أن يرفع عينيه ويغيّر مسار الحديث:


ــ إنت راجع مصر إمتى يا مهاب؟


ــ قدامي أسبوع.


أومأ فارس برأسه، ثم أجابه بنبرة حاسمة:


ــ تمام، أول ما تنزل هفهمك كل حاجة.


لم يعلّق مهاب فورًا. ظل صامتًا لثوانٍ، وكأنه يحاول استشفاف ما يخفيه شقيقه خلف إجاباته المقتضبة، بينما تمسّك فارس بإجاباته دون أن يفصح عن شيء آخر، لينتهي الاتصال بعد لحظات.


أبعد فارس الهاتف عن أذنه، ثم وضعه فوق المكتب، وظل محدقًا في شاشته المنطفئة قليلًا قبل أن يطلق زفيرًا ثقيلًا.


عاد ببصره إلى الملفات المكدسة أمامه، ومد يده ليفتح أحدها، لكنه لم يستطع استعادة تركيزه بسهولة؛ فقد كان ذهنه منشغلًا بأمور أبعد كثيرًا من الأوراق الطبية المحيطة به.


******


وفي الوقت نفسه...


كانت حبيبة تجلس داخل قسم الأطفال، وقد بدا الإرهاق واضحًا على ملامحها الشاحبة. لم تنم جيدًا منذ الليلة الماضية، وظلت عيناها معلقتين بالأوراق أمامها دون أن تستوعب ما تقرؤه، بينما كان تفكيرها منشغلًا برضوان وما قد يمر به الآن.


حاولت التماسك أمام زملائها، لكن ملامحها المتعبة كانت تفضح قلقها.


وفي تلك الأثناء، توقفت رئيسة القسم، الدكتورة ريناد، أمام مكتبها، ثم ألقت عليها تحية الصباح بنبرة هادئة:


ــ صباح الخير يا دكتورة حبيبة.


انتبهت حبيبة إلى صوتها، فرفعت رأسها ببطء، وحاولت أن ترسم على وجهها ملامح طبيعية، قبل أن تجيب بصوت خافت اختلط فيه الإرهاق بالضيق:


ــ صباح الخير دكتورة ريناد.


سحبت ريناد أحد المقاعد المقابلة لحبيبة، وجلست أمامها، وألقت عليها نظرة متفحصة قبل أن تقول بهدوء:


ــ أنا سمعت باللي حصل بينك وبين زميلاتك.


توقفت أصابع حبيبة عن العبث بالأوراق، ثم رفعت عينيها إليها، وراحت تعقد ذراعيها أمام صدرها في حركة دفاعية، قبل أن تجيب بنبرة مشحونة بالمرارة:


ــ وحضرتك بقى جاية علشان تكمّلي شماتتك فيا كمان؟


انعقد حاجبا ريناد باستغراب، ولم تفهم من أين جاءتها تلك الإجابة، فقالت مستنكرة:


ــ أشمت فيكِ ليه يا حبيبة؟


لم تستطع حبيبة الحفاظ على تماسكها طويلًا. لمعت عيناها، وارتجفت نبرتها وهي تقول:


ــ تشمتي فيا علشان أخويا اتقبض عليه! بس يكون في علمك، أخويا اتاخد ظلم، وما عملش حاجة من اللي بتتقال عليه.


قاطعتها ريناد قبل أن تسترسل، وقد مالت قليلًا نحوها محاولة تهدئتها:


ــ حاسبي بس يا حبيبة على كلامك. أنا لا جاية أشمت ولا جاية أتكلم في الموضوع ده أصلًا. أنا عارفة الأستاذ رضوان كويس، وواثقة جدًا إنه مستحيل يعمل كده.


اتسعت عينا حبيبة قليلًا، وكأنها لم تتوقع أن تسمع منها ذلك، فسألتها بلهفة امتزجت بالحذر:


ــ يعني حضرتك مش مصدقة اللي حصل، صح؟


ابتسمت ريناد ابتسامة هادئة، ثم أجابتها:


ــ مش معنى إن بيني وبينك خلاف من آخر مرة، إني أكون مصدقة حاجة زي كده على رضوان. أنا قضيت معاكِ فترة جميلة قوي يا حبيبة، وكمان قعدت مع رضوان واتكلمت معاه، وعرفت شخصيته، وهو إنسان نبيل جدًا. وأنا واثقة إنه مستحيل يعمل كده. وإن شاء الله قريب جدًا ربك هيظهر الحق.


تبدّل شيء في ملامح حبيبة. انفرجت ذراعاها قليلًا، وخفّ التوتر الذي كان يشد ملامحها، وكأن كلمات ريناد أزاحت عن صدرها جزءًا من الحمل الذي أثقله منذ الليلة الماضية.


أطرقت برأسها لحظة، ثم عادت تنظر إليها باعتذار صادق:


ــ أنا آسفة يا دكتورة إني كلمتك كده. أنا بجد أعصابي تعبانة، والكل هنا بيبصلي كأني مذنبة.


هزّت ريناد رأسها بتفهم، وقالت بنبرة أكثر لينًا:


ــ ما فيش أسف ولا حاجة. إنتِ الله يكون في عونك من اللي بيحصل حواليكِ. بس أنا جاية بعد ما الدكتور نوفل حكالي اللي حصل، وكان من باب أولى يا حبيبة إنك تيجي تشرحيلي الموقف، وأنا كنت هتصرف.


لمعت عينا حبيبة من جديد، وانخفض صوتها وهي تستعيد ما حدث، وكأن الكلمات التي سمعتها من زميلاتها ما زالت عالقة في أذنيها:


ــ كلامهم كان وحش قوي على رضوان، وأنا ما استحملتش. وما كانش فيّ عقل وقتها أفكر. وبرده ما كنتش ضامنة لو كنت جيت لحضرتك، كنتِ هتقفي جنبي ولا هتكمّلي عليّ زيهم.


تنفست ريناد بعمق، ثم قالت بوضوح:


ــ أنا معاكِ يا حبيبة، وهما غلطوا في حقك. لكن ليا رجاء عندك.


انتظرت حتى رفعت حبيبة عينيها إليها، ثم تابعت:


ــ همَ ندمانين جدًا، وواقفين برا عايزين يعتذروا لك.


تغيّرت ملامح حبيبة في لحظة، وعادت القسوة إلى عينيها، وقالت دون تردد:


ــ أنا مش هقبل عذر أي حد، ومش عايزة أتكلم معاهم تاني. والإجراءات هتمشي زي ما هي. اللي غلط فيا وفي أخويا هيتحاسب. أنا مستحيل أسامح في حق أخويا.


حاولت ريناد أن تتمسك بهدوئها، وقالت برجاء:


ــ طيب لو قلتلك علشان خاطري؟


أجابتها حبيبة على الفور، وقد خففت نبرتها احترامًا لها، دون أن تتراجع عن موقفها:


ــ خاطرك على عيني وعلى راسي. أنا هسامح في حقي أنا، إنما حق أخويا مستحيل أسامح فيه.


تنهدت ريناد، ثم قالت بنبرة حملت شيئًا من الإلحاح:


ــ مش هينفع يا حبيبة، لازم تسامحيهم وتسحبي المذكرة. هيتضروا جامد، صدقيني. وهم مهما كان زمايلك، ودي كانت لحظة شيطان.


حدقت حبيبة فيها لثوانٍ، وقد عادت الصدمة إلى ملامحها، ثم سألتها بصوت خافت، لكنه مشحون بالعتاب:


ــ وحضرتك جاية علشان خاطرهم؟ وبتقولي الكلام ده؟ بتواسيني علشانهم؟


أسرعت ريناد توضح موقفها، وقد بدا عليها الضيق من الطريقة التي فُهمت بها كلماتها:


ــ بلاش تحكمي عليا بالشكل ده يا حبيبة. أنا كنت في زيارة خارج المستشفى، ولما عرفت باللي حصل، أنا ما يرضينيش إنهم يتجاوزوا معاكي. لكن أنا مش عايزة أي حاجة تتزعزع في القسم ده. كفاية مشاكل. وهم عارفين غلطتهم، وعايزين يعتذروا لك.


لم تجبها حبيبة فورًا. ظلت تنظر إليها لحظة، ثم دفعت المقعد إلى الخلف ونهضت، وقد بدا أن الحديث وصل إلى نهايته بالنسبة إليها.


قالت وهي تلتقط حقيبتها:


ــ آسفة يا دكتورة ريناد. أنا مش هسامحهم... لكن بعد ما أخويا يطلع براءة. وقتها أبقى أفكر، وأرد عليهم الرد اللي يليق بيهم. بعد إذنك.


لم تنتظر ردًا، بل استدارت وغادرت المكان بخطوات سريعة، تاركة خلفها ريناد التي ظلت تتابعها بعينيها حتى اختفت عن نظرها. خرجت حبيبة.


وكانت الطبيبتان تقفان في الخارج.


لكنها لم تنظر إليهما.


ومرت بجوارهما وكأنهما سراب لا يُرى.



تنهدت ريناد بيأس، وضغطت بأطراف أصابعها على جبينها، بعدما أدركت أن الأمور ازدادت تعقيدًا.


************


مضى اليوم ثقيلًا على الجميع.


 أما رضوان، فقضى ليلته غارقًا في تفكير طويل.


حتى حسم أمره وطلب على عجل مقابلة فارس في أقرب وقت. 


ومرت الساعات بطيئة، مثقلة بالانتظار.


 حتى أشرق صباح اليوم التالي...


كان فارس يجلس أمام رضوان داخل غرفة الزيارة.


لكن شيئًا ما لم يكن طبيعيًا.


منذ اللحظة الأولى التي وقعت فيها عيناه عليه.


شعر بذلك.


رضوان الذي أمامه لم يكن هو رضوان الذي اعتاد رؤيته.


لم يكن الرجل الهادئ نفسه.


ولا حتى الرجل الذي كان يحاول التماسك طوال الأيام الماضية.


كان هناك شيء مختلف.


شيء ثقيل.


شيء انطفأ في عينيه...


وشيء آخر اشتعل بدلًا منه.


بدا وكأنه لم ينم منذ ساعات طويلة.


وعيناه كانتا محمرتين بصورة لفتت انتباه فارس فورًا.


جلس يراقبه للحظات.


منتظرًا أن يتكلم.


لكن رضوان ظل صامتًا.


ينظر إليه فقط.


بنظرة غريبة لم يستطع تفسيرها.


فعقد فارس حاجبيه وقال:


ــ فيه إيه يا رضوان؟ طلبتني أجيلك على ملا وشي ليه؟ أنت عرفت حاجة في القضية؟


ظل رضوان ناظرًا إليه.


دون أن يجيب.


ودون أن يرمش تقريبًا.


فازداد قلق فارس.


وانحنى للأمام قليلًا وقال:


ــ رضوان... مالك؟ إنت مش طبيعي.


ثم أكمل بجدية أكبر:


ــ إيه اللي حصل معاك؟ فهمني.


تحركت عينا رضوان أخيرًا.


واستقرتا داخل عيني فارس مباشرة.


ثم قال بهدوء مريب:


ــ حبيبة.


توقف فارس للحظة.


وتغيرت ملامحه فورًا.


وشعر بشئ خفي من نبرة صوته.


فسأله بسرعة:


ــ مالها حبيبة يا رضوان؟


ثم أكمل مطمئنًا:


ــ أنا سايبها في المستشفى. و وصلتها بنفسي وجيت على هنا. و......


لكن رضوان قاطعه قبل أن يكمل.


وقال بالنبرة نفسها:


ــ إنت عايز تكمل معاها؟


رمش فارس باستغراب.


وبدا السؤال في غير موضعه تمامًا.


فقال بعدم فهم:


ــ إنت بتقول إيه يا رضوان؟


لكن رضوان لم يبدل نظرته.


بل كرر سؤاله بجدية كاملة:


ــ سألتك سؤال.


ــ إنت عايز تكمل مع حبيبة بعد اللي حصل معايا؟


وهنا فقط...


فهم فارس.


فهم أين تذهب أفكار رضوان.


وفهم أنه لا يفكر في نفسه أصلًا.


بل يفكر في أخته.


وفي مستقبله الذي قد يتحول إلى عبء فوق حياتها.


تنهد فارس بهدوء.


ثم قال:


ــ أنا مش من الناس اللي بتحمّل حد ذنب حاجة معملهاش.


وسكت لحظة قبل أن يكمل:


ــ وبعدين إنت بريء ومعملتش حاجة تخليني أخجل أكمل معاها.


ثم أضاف بثبات:


ــ كلامك غلط يا رضوان.


ــ واللي بيني وبين حبيبة ملوش علاقة بالظروف اللي إنت وقعت فيها.


ظل رضوان ينظر إليه.


كأنه كان ينتظر تلك الإجابة تحديدًا.


ثم قال:


ــ يبقى تجهز للفرح.


اتسعت عينا فارس باستغراب حقيقي هذه المرة.


وقال:


ــ فرح مين؟


أجاب رضوان فورًا:


ــ فرحك إنت وحبيبة.


ــ ويكون في أسرع وقت.


حرك فارس رأسه ببطء.


وبدأت الحيرة تتسلل إليه أكثر فأكثر.


ــ رضوان... أنا مش فاهم منك حاجة.


نهض رضوان من مكانه.


وأعطاه ظهره.


ثم قال:


ــ مفيش حاجة مش مفهومة.


ــ بما إنك عايز تكمل معاها.


ــ وإنت جاهز.


ــ يبقى مفيش أي سبب يعطل جوازكم.


نظر إليه فارس بعدم استيعاب.


ثم نهض هو الآخر.


وقال بقلق واضح:


ــ رضوان... إنت كويس؟


ــ حصل معاك حاجة؟


استدار رضوان إليه.


ونظر داخل عينيه مباشرة.


ثم قال:


ــ عايز أطمن على أختي.


ــ وده من حقي.


ــ إنت جاهز ولا لأ؟


أجابه فارس فورًا:


ــ جاهز طبعًا.


ثم أكمل:


ــ بس برضه محتاجين نطمن عليك الأول.


ــ هعمل فرح إزاي وإنت هنا؟


ــ زائد إن حبيبة نفسها مستحيل توافق على حاجة زي دي طول ما إنت...


لكن رضوان لم يتركه يكمل.


وقاطعه قائلًا:


ــ يومين وهخرج.


ساد الصمت.


وتجمد فارس في مكانه.


ثم تقدم خطوة نحوه.


وبقي يحدق فيه طويلًا.


كأنما يحاول أن يقرأ ما خلف تلك النظرات الجامدة.


ثم قال بشك واضح:


ــ رضوان...


ــ إنت في حد زارك؟


رد رضوان بثبات:


ــ زي مين؟


أجابه فارس بالنبرة نفسها:


ــ أنا اللي بسألك.


ثم تابع وهو لا يرفع عينيه عنه:


ــ لأن طريقتك غريبة وجديدة عليا.


ــ وعينيك بتقول إنك مش كويس خالص.


ــ يا ترى في إيه؟


ــ ممكن أعرف؟


ثم أضاف:


ــ وكمان بتقول إنك يومين وهتخرج.


ــ عرفت إزاي؟ والتحقيقات لسه شغالة؟


ــ ومين اللي قالك حاجة زي دي؟


أعطاه رضوان ظهره من جديد.


وأشاح ببصره بعيدًا.


ثم قال:


ــ بالنسبة للموضوع اللي كلمتني عليه قبل كده؟


قطب فارس حاجبيه أكثر.


ــ موضوع إيه؟


ثم زفر بنفاد صبر:


ــ ما كفاية ألغاز بقى.


ــ وكلمني مباشر.


قال رضوان:


ــ موضوع الشراكة؟


ــ معاك إنت ونادر؟


نظر إليه فارس بحيرة أكبر.


وقال:


ــ يا سيدي مكانك موجود طبعًا...


ــ بس خليني أفهم.


حرك رضوان رأسه في صمت.


ثم اتجه نحو الباب.


وطرق عليه بيده ليستدعي العسكري.


وهو يقول:


ــ بكره هتفهم كل حاجة.


ثم التفت إليه مجددًا.


وأضاف:


ــ اللي عليك تعمله دلوقتي...


ــ إنك جهز لجوازك من حبيبة.


ــ مهاب هيوصل الأسبوع الجاي.


ــ وعايز في نفس الوقت يكون فرحك أنت وحبيبة.


فتح فارس عينيه في صدمة حقيقية.


وقال بسرعة:


ــ رضوان!


ــ الأسبوع الجاي؟


ثم اقترب أكثر.


ــ استنى... فهمني.


لكن رضوان اكتفى بالنظر إليه.


وقال بهدوء حاسم:


ــ اللي عندي قلته.


ــ وجهز كل حاجة يا فارس في أسرع وقت.


ــ وحبيبة ما تعرفهاش إني خارج.


ــ أنا هروحلها بنفسي.


وفي اللحظة نفسها...


فتح العسكري الباب.


فخرج رضوان دون أن يضيف كلمة أخرى.


وترك فارس واقفًا في مكانه.


كأن الأرض تحركت من تحت قدميه.


كل الحسابات التي بناها خلال الأيام الماضية...


اختلطت فجأة.


وكل الاحتمالات التي وضعها في رأسه...


سقطت دفعة واحدة.


***


عاد رضوان يسير في الممر الطويل.


بينما كان العسكري يقوده نحو الحجز من جديد.


هذه المرة...


لم يكن وجهه جامدًا كما كان.


ظهرت شبه ابتسامة صغيرة عند زاوية فمه.


ابتسامة باهتة.


قصيرة.


لكنها كانت موجودة.


كأن شيئًا ما حُسم داخله.


أو كأن قرارًا ما اتخذه بالفعل.


وبعد لحظات...


فتح العسكري باب الحجز.


فدخل رضوان.


ثم أُغلق الباب خلفه بصوت معدني قوي.


ارتد صداه داخل الممر.


لكن رضوان لم يلتفت.


اتجه إلى الحائط في صمت.


وأمسك قطعة طباشير.


ثم كتب بخط ثابت:


"كُن قويًّا... فالحياة تُهلك الضعفاء."


توقفت يده.


وبقيت عيناه معلقتين بالكلمات.


ثوانٍ طويلة.


دون حراك.


وكأنه لم يكتبها للحائط...


بل كتبها لنفسه.


لرجل خرج من تلك المقابلة وهو يعلم أن ما ينتظره أكبر من مجرد اتهام.


وأثقل من مجرد سجن.


رفع رأسه ببطء.


وطافت في عينيه نظرة مختلفة.


نظرة رجل انتهت مرحلة الشك بالنسبة إليه.


وبدأت مرحلة أخرى...


أشد قسوة.


***


وفي الخارج...


كان فارس يجلس داخل سيارته.


وكل ما حدث قبل دقائق يدور داخل رأسه بصورة مستمرة.


مسح وجهه بيديه.


وأغمض عينيه للحظات.


محاولًا ترتيب أفكاره.


لكنه فشل.


شيء واحد فقط كان واضحًا أمامه.

شيء ما حدث.


هذا كان مؤكدًا.


والأكيد أكثر...


أن فريد له يد فيما حدث.


وإلا...


فمن أين جاء ذلك اليقين الغريب الذي يتحدث به رضوان؟


وكيف أصبح متأكدًا من خروجه إلى هذه الدرجة؟


لا بد أن فريد له علاقة بما جرى.


ولا بد أن له علاقة بالتغيير المفاجئ الذي طرأ على رضوان.


فتح عينيه.


ثم تناول هاتفه.


واتصل بالمحامي فورًا.


وما إن أجابه حتى قال مباشرة:


ــ عايز أعرف مين اللي زار رضوان خلال اليومين اللي فاتوا.


أنهى المكالمة.


ثم ألقى الهاتف فوق المقعد المجاور.


ونفخ بضيق.


قبل أن يشغل السيارة وينطلق بها في الطريق.


وأثناء القيادة...


ظل كلام رضوان يتردد داخل رأسه.


مرة بعد أخرى.


خصوصًا حديثه عن تجهيزات الفرح.


وفرح حبيبة.


ومهاب.


والأسبوع القادم.


كل شيء كان يبدو غريبًا.


لكن وسط تلك الفوضى...


وجد نفسه يبتسم.


ابتسامة صغيرة لم يستطع منعها.


فبعد كل شيء...


كانت هناك حقيقة واحدة لا تزال ثابتة.


أنه اقترب أكثر من أي وقت مضى...


من اليوم الذي تصبح فيه حبيبة ملك يديه.


***********


في فيلا فريد...


كانت أضواء الصالة تنعكس بهدوء فوق الأثاث الفاخر، بينما جلس فريد منفردًا على الأريكة الكبيرة.


مسترخي الجسد في الظاهر.


لكن عقله كان في مكان آخر تمامًا.


أما عيناه...


فكانتا غارقتين في شرود عميق.


شرود جعل كل ما حوله يبدو وكأنه غير موجود.


ولا يستحق حتى أن يلتفت إليه.


في الجهة المقابلة...


كانت سما تراقبه منذ دقائق طويلة.


ترتدي ثوبًا جريئًا اختارته بعناية.


وتعمدت أن تظهر بأفضل هيئة ممكنة.


لكن دون فائدة.


منذ عودته في الليلة الماضية...


وهو لا يراها أصلًا.


حتى حين دخل إلى الفيلا.


لم يبادلها حديثًا حقيقيًا.


ولم ينظر إليها كما اعتاد.


وكأن وجودها من عدمه لا يساوي شيئًا.


ابتسمت ابتسامة مصطنعة.


ثم التقطت كأسًا.


وتقدمت نحوه بخطوات هادئة.


وقدمت له الكأس.


فأخذه منها دون أن يرفع عينيه إليها.


ثم جلست إلى جواره.


وقالت وهي تحاول كسر حالة الصمت:


ــ وبعدين يا فريد؟


لم يجب.


ولم يصدر عنه أي رد فعل.


فقالت بضيق خافت:


ــ انت هتفضل ساكت وسرحان كده؟


ظل يحرك الكأس بين أصابعه في هدوء.


وكأنه لم يسمعها أصلًا.


فتابعت وهي تحاول أن تخفي غيرتها:


ــ مش معقول كده.


ــ برضه امبارح جيتلي وعقلك مش هنا.


ــ زي ما يكون انت في عالم تاني.


ــ لدرجة إنك نمت هنا في الصالة وسيبتني.


أخيرًا...


رفع عينيه إليها.


نظرة قصيرة.


باردة.


خالية من أي اهتمام.


ثم قال:


ــ عايز هدوء يا سما.


ابتسمت ابتسامة باهتة.


وحاولت الاقتراب أكثر.


وقالت بنبرة ناعمة:


ــ حبيبي... مش أنا سما حبيبتك.


ــ عرفني طيب إيه اللي شاغل عقلك؟


ــ وأنا هفكر معاك ونشوفله حل.


ــ صدقني أنا هنصفك.


نظر إليها طويلًا.


طويلًا بصورة جعلتها تبتلع ريقها دون إرادة.


وعدّلت جلستها في توتر.


كانت تعرف تلك النظرة جيدًا.


وتعرف أنها لا تعني خيرًا في أغلب الأحيان.


وبعد لحظات قال ببرود قاتل:


ــ مش مطلوب منك غير شوية صمت.


ــ سكون.


ــ مش عايز وجع دماغ.


ثم أضاف دون أن يرفع صوته:


ــ ده لو بتفهمي.


تصلب وجه سما.


لكنها أخفت غيظها سريعًا.


ولوت فمها في ضيق.


ثم همست بصوت بالكاد سُمع:


ــ واضح إن زاد هانم شايفه شغلها معاك اليومين دول.


ــ ما إنت حالك مش بيتبدل كده غير بسببها.


ــ أنا مش عارفة هفضل لحد كده إمتى.


في اللحظة نفسها...


اشتدت أصابع فريد حول الكأس.


حتى كاد الزجاج ينفجر داخل يده.


وأغمض عينيه ببطء.


رؤية واحدة فقط من غضبه كانت كافية لتشعر سما بالخوف.


فتراجعت قليلًا في جلستها.


وابتعدت عنه دون شعور.


ثم قالت بسرعة:


ــ خلاص... سوري.


ــ هسكت خالص.


ــ ومش هفتح بُقي.


فتح فريد عينيه فجأة.


ثم رزع الكأس فوق الطاولة بعنف.


فاهتزت الطاولة كلها تحت الضربة.


ونهض واقفًا.


وأمسك جاكيته الموضوع على الأريكة.


فقالت سما بسرعة:


ــ إيه؟


ــ هتمشي؟


ثم أضافت بضيق واضح:


ــ هو أنا مش عارفة أتكلم معاك؟


لكن فريد لم يرد.


لم يلتفت إليها أصلًا.


التقط مفاتيحه.


وعلبة سجائره.


ثم اتجه نحو الباب.


وبعد لحظات...


كان قد غادر الفيلا بالكامل.


وظلت سما تنظر إلى الباب المغلق بغيظ متصاعد.


حتى احتقن وجهها بالكامل.


ثم انتفضت من مكانها بغضب.


وصعدت السلالم بسرعة.


ودخلت غرفتها.


وأغلقت الباب خلفها بقوة.


اتجهت مباشرة نحو أحد الأدراج.


وأخرجت منه الهاتف الآخر.


الهاتف الذي لا يعلم فريد بوجوده.


فتحته بسرعة.


ودخلت إلى تطبيق واتساب.


ثم فتحت نافذة المحادثة التي تنتظرها منذ أيام.


لتتجمد ملامحها أكثر.


لا رد.


ولا حتى قراءة للرسائل.


ما زالت جميع رسائلها معلقة كما هي.


كأن الطرف الآخر اختفى من الوجود.


ضغطت على أسنانها بغيظ.


ثم كتبت رسالة جديدة.


وأرسلتها.


وأغلقت المحادثة فورًا.


لكن ذلك لم يهدئها.


بل زادها غضبًا.


وبعد لحظات من التفكير...


بحثت عن رقم آخر.


ثم ضغطت عليه.


ورفعت الهاتف إلى أذنها.


وبعد ثوانٍ جاءها الرد.


فقالت مباشرة:


ــ زيات... ممكن نتقابل؟


استمعت إلى رده في صمت.


ثم قالت:


ــ خلاص.


ــ هشوف الوقت المناسب وأبلغك.


ــ أوكي... سي يو.


أنهت المكالمة.


وألقت الهاتف فوق السرير.


ثم استندت إلى ظهر المقعد خلفها.


وأغمضت عينيها للحظات.


قبل أن ترتسم فوق شفتيها ابتسامة باردة.


ابتسامة لم تحمل أي شيء من الراحة...


بل حملت مزيجًا غريبًا من الحقد.


والغيرة.


والشر.


وكأن شيئًا ما بدأ يتشكل داخل رأسها...


وشيئًا أسوأ بكثير كان في طريقه إلى الحدوث.


*************


كان الغروب يزحف ببطء فوق سماء الفيلا.


والشمس تستعد لوداع يوم جديد.


بينما كان حسين يجلس وحده أمام المسبح في حديقة المنزل.


غارقًا في صمت طويل.


وصمت أثقل منه عمرًا.


جلس فوق مقعده الخشبي المعتاد.


وقد ازدادت ملامحه شحوبًا خلال الشهور الأخيرة.


وتعمقت التجاعيد حول عينيه أكثر من السابق.


كأن الأيام لم تكتفِ بما أخذته منه.


بل أصرت أن تنتزع ما تبقى أيضًا.


اقتربت منه الخادمة.


وضعت الدواء فوق الطاولة الصغيرة المجاورة له.


ثم ناولته كأس الماء.


تناول حبوبه بصعوبة.


وكانت يده ترتجف بوضوح.


حتى إن بعض قطرات الماء انسكبت فوق أصابعه.


رفع رأسه إليها بإشارة بسيطة.


ففهمت مقصده.


وانسحبت في صمت.


ليعود هو مجددًا إلى وحدته.


ووحدته كانت أخف وطأة من أفكاره.


فما إن اختفت الخادمة...


حتى عاد عقله إلى ذلك اليوم.


إلى اليوم الذي انهارت فيه الحقيقة فوق رأسه دفعة واحدة.


اليوم الذي اكتشف فيه الوجه الحقيقي لفريد.


***


عاد حسين يومها من الخارج كعادته.


وكان يجلس في المقعد الخلفي لسيارته.


شارد الذهن.


منهك الجسد.


حين رن هاتفه.


نظر زيدان إلى الشاشة.


ثم التفت إليه قائلًا:


ــ عواطف عايزة سيادتك يا باشا.


مد حسين يده وأخذ الهاتف.


ووضعه على أذنه.


ــ أيوه يا عواطف.


جاءه صوتها مضطربًا.


لاهثًا.


ومرتجفًا بصورة أقلقته فورًا.


ــ حسين بيه... لازم أشوفك ضروري.


اعتدل في جلسته على الفور.


وقال بقلق:


ــ مالك يا عواطف؟


ــ زاد بنتي؟


ــ حصل لها حاجة؟


سارعت إلى نفي ذلك.


ــ ست زاد بخير.


ــ بس أنا عايزاك ضروري.


ــ ومينفعش أشوفك هنا.


شعر حسين بانقباض غامض في قلبه.


وكانت نبرتها وحدها كفيلة بزرع الخوف داخله.


فقال سريعًا:


ــ أنا راجع البيت دلوقتي.


ــ تعالي يا عواطف.


ــ خلاص.


ــ مسافة السكة وأكون عندك.


أغلقت الخط.


وبقي هو ممسكًا بالهاتف.


وقلبه يزداد اضطرابًا مع كل دقيقة تمر.


***


وبعد أقل من ساعة...


كانت عواطف تجلس أمامه في مكتبه.


مرتبكة.


وخائفة.


وعيناها ممتلئتان بالدموع.


بينما جلس حسين أمامها ينتظر.


قلبه يكاد يقفز من مكانه.


قبل أن تقول وهي ترتجف:


ــ أنا هقولك على كل حاجة.


ــ أنا مبقتش قادرة أسكت أكتر من كده.


قال حسين بلهفة وفزع:


ــ اتكلمي يا عواطف.


ــ نشفتي دمي ووقعتي قلبي.


وأخذت عواطف تحكي.


تسرد كل شيء.


كل ما رأته.


وكل ما سمعته.


وكل ما عاشته زاد داخل فيلا فريد.


من أول يوم دخلتها...


حتى تلك اللحظة.


وكانت الكلمات تخرج من فمها...


كطلقات متتالية.


أما حسين...


فكان يستمع.


فقط يستمع.


وعيناه تتسعان أكثر مع كل حقيقة جديدة.


حتى شعر وكأن الأرض تسحب من تحته ببطء.


هوى بجسده على الأريكة.


مثلما هوى قلبه تمامًا.


ولم ينطق بكلمة واحدة.


حتى انتهت.


لكنها لم تكتفِ بذلك.


بل أكملت بصوت باكٍ:


ــ واللي خلاني أتكلم...


ــ مش إني مبقتش أتحمل وجع ست زاد وبس.


ــ ده كمان جبروت فريد تعدى الحدود.


ــ وسمعته بوداني النهارده وهو خارج من أوضة قاسم.


ــ لما كان قاعد جنب زاد وهي سخنة.


ــ وأقسم إنه هينهي حياة رضوان.

 

ثم أكملت. وهى تمسح دموعها.


ــ ده من جبروته مفكر تعبها والسخونية اللي هي فيها بسبب رضوان.


ــ منه لله.


رفع حسين رأسه إليها.


وعيناه تمتلئان بالدموع.


وقال بحسرة:


ــ كل ده زاد بنتي بتعانيه؟


ثم نهض فجأة.


وأمسك ذراعيها بقوة.


وقال بعتاب موجوع:


ــ كل ده مخبياه عني يا عواطف؟


ــ أمال أنا بعتك ليها ليه؟


ــ خليتك تقربي من بنتي علشان إيه؟


ــ بقى تعرفي إنها متدمرة وتخبي عليا؟


انفجرت عواطف بالبكاء.


وقالت:


ــ غصب عني والله يا حسين بيه.


ــ زاد كانت مانعاني أقولك أي حاجة.


ــ هو مهددها بيك وبقاسم.


ــ وهي اختارت تضحي علشانكم.


صك حسين على أسنانه.


وغامت الدنيا أمام عينيه.


واشتعل الغضب داخله بصورة لم يعرفها من قبل.


ثم فجأة...


وقعت عيناه على الخزنة.


فتغير وجهه بالكامل.


وتحرك نحوها بسرعة.


وفتحها بعصبية.


وهو يتمتم:


ــ لازم أخلص عليه.


ــ لازم أدفعه التمن.


***


شهقت عواطف.


ولطمت وجهها.


حين رأته يخرج المسدس من داخل الخزنة.


وصرخت بفزع:


ــ يا لهوي!


ــ والنبي يا حسين بيه لأ!


ــ إنت هتعمل إيه؟


وفي اللحظة نفسها...


اندفع زيدان إلى المكتب.


وتجمد مكانه وهو يرى السلاح في يد حسين.


ثم أسرع نحوه.


واعترض طريقه.


ــ حسين بيه!


قال حسين بغضب:


ــ ابعد من وشي يا زيدان.


حاول زيدان تهدئته.


ــ حسين بيه.


ــ ممكن تهدى؟


ــ كل مشكلة وليها حل.


لكن حسين كان خارج السيطرة.


ــ حل إيه؟


ــ فريد دمر بنتي.


ــ فريد مد إيده على بنتي اللي عمرها ما اتذلت.


ــ ذلها!


ــ هقتله.


ــ وأروح فيه في داهية.


اقترب زيدان منه بحذر.


وقال:


ــ كده مش حل.


ثم استغل لحظة تردده.


وانتزع المسدس من يده.


كان حسين ينهج.


بعنف.


وقلبه يكاد ينخلع من صدره.


ثم أمسك صدره فجأة.


وقال بصوت مختنق:


ــ لازم أشرب من دمه.


ــ وأريح بنتي من جبروته.


ــ سيبني.


ــ أبعد يا زيدان.


***


لكنه لم يكمل.


ففي اللحظة التالية...


اختل توازنه.


وسقط أرضًا.


فصرخت عواطف.


واندفع زيدان نحوه.


ورفعه بسرعة.


بينما كانت هي تبكي وتلطم وجهها خوفًا.


***


وبعد وقت...


استفاق حسين داخل غرفته.


كانت عواطف تبكي إلى جواره.


ويقف زيدان بالقرب من السرير.


قالت عواطف بدموع غزيرة:


ــ أهو علشان كده زاد مكنتش عايزة تتكلم.


ــ يا ريتني ما اتكلمت.


ــ أنا خوفي عليها وعلى رضوان.


ــ لو جراله حاجة أنا هشيل ذنبه.


ــ وزاد مش هتسامح نفسها.


ثم انفجرت بالبكاء وهي تقول:


ــ وهو برضه ياحبة عيني.


ــ رضوان عمل إيه علشان فريد ينوي يأذيه؟


كانت عينا حسين تائهتين.


مكسورتين.


ومحمّلتين بألم أب أكبر من احتمال أي إنسان.


ساعده زيدان على الجلوس.


فنظر إليه حسين وقال زيدان...


ــ عامل إيه دلوقتي؟


 انكسرت نبرته.


ــ يا ريتني مت قبل اليوم ده.


ــ أنا أسوأ أب في الدنيا.


ــ أنا أوحش أب في الدنيا.


ــ بنتي بتعاني... تحت جناحي..


ــ وأنا ما قدرتش أحميها.


مسح دموعه.


ونظر إلى زيدان.


ثم قال:


ــ لازم فريد يموت يا زيدان.


قال زيدان بقلق:


ــ هتودي نفسك في داهية وتضحي بسمعتك...علشان واحد زي ده؟


أجاب حسين:


ــ السمعة ما بقتش تهمني.


ــ خلاص.


ــ اللي يهمني بنتي.


ــ أنا مش هعيش أكتر من اللي عشته.


ثم أكمل بحرقة:


ــ بنتي في خطر مع فريد.


تنهد زيدان.


وقال:


ــ زاد هانم طول ما هي تحت إيد فريد...


ــ مفيش خطر عليها.


نظر إليه حسين بدهشة.


فأكمل زيدان:


ــ بحكم حياتي اللي قضيتها في الجبل.


ــ وشوفت فيها كل أنواع الشر.


ــ أقدر أقول لحضرتك حاجة.


ــ اللي عند فريد ده تملك.


ــ بيحب زاد هانم بطريقة جنونية.


ــ ولو حد فكر يقرب منها مش هيتراجع إنه يخفيه من الدنيا.


ثم أردف:


ــ لكن طول ما هي موجودة معاه...


ــ اطمن.


ــ لأنه كده ضامن سلامتها. أمانها وهى مع فريد.. بس طبعاً لازم نفكر بهدوء. 


ظل حسين صامتًا.


ثم قال بحيرة:


ــ طيب والحل؟


ــ هسيب بنتي كده؟


ــ ورضوان؟


ــ دي بتقولك هيخلص عليه.


ــ ده مجنون.


أجاب زيدان بعد تفكير:


ــ أنا متأكد إنه مراقب رضوان من يوم الحفلة.


ــ وده السبب اللي فتح باب عداوة في قلب فريد.


ثم أكمل:


ــ بس لازم نفكر بهدوء.


ــ ونشوف هنعمل إيه.


ظل حسين يفكر طويلًا.


ثم رفع رأسه فجأة.


وقال:


ــ زيدان.


ــ نعم يا باشا؟


قال حسين بحسم:


ــ رضوان مهمتك الجاية.


ــ عايزه تحت عينيك أربعة وعشرين ساعة.


ــ من بيته لشغله.


ــ وعنده مكتبة.


ــ هديك عنوان كل حاجه.


ــ خلي عينك عليه.


ــ مش بعيد يعمل له كمين هناك.


أومأ زيدان فورًا.


ــ اعتبره حصل.


لكن حسين لم يهدأ.


بل قال بقلق أكبر:


ــ مش كفاية.


ــ أنا خايف عليه.


ــ وخايف على أخته كمان.


هنا قال زيدان:


ــ اطمن معاليك....وأنا عندي حل.


ــ هنركب كاميرات عند بيت رضوان ومكتبته.


ــ وهكلف ناس تمشي وراه في كل مكان.


ــ لأن أكيد فريد مراقبه.


ــ وبيحضر لحاجة.


ثم أكمل بثقة:


ــ اعتبر رضوان وأخته في أمان.


اقترب حسين من عواطف.


وقال بترجٍ موجوع:


ــ بنتي أمانة في رقبتك يا عواطف.


ــ خلي بالك منها.


ــ وحاولي تخليها ترجعلي.


ــ أنا عايز بنتي ترجعلي.


مسحت عواطف دموعها.


وقالت:


ــ حاضر يا حسين بيه.


أغمض حسين عينيه للحظة.


ثم قال بحسرة:


ــ أنا كل يوم هاجي أشوفها.


كل يوم هكون عندها.


أيوة...


مش هسيبها.


***


وفي يوم آخر...


وقبيل الفجر بقليل.


كان زيدان يقف أمام مكتبة رضوان.


تحركت أصابعه بخفة وخبرة فوق القفل.


حتى انفتح دون صوت تقريبًا.


دخل إلى الداخل بهدوء.


ثم بدأ يثبت كاميرات صغيرة في أماكن مدروسة بعناية.


أماكن تكشف المكتبة بالكامل.


ولا تترك زاوية واحدة خارج نطاق المراقبة.


وبعد ذلك...


بدأت المراقبة.


يومًا بعد يوم.


وساعة بعد ساعة.


حتى جاء اليوم الذي رأوه فيه.


الرجل الذي دخل بالطريقة نفسها.


وبالحذر نفسه.


وبدا كأنه يعرف جيدًا ما الذي يفعله.


راقبه زيدان من خلال التسجيلات في صمت.


وشاهده وهو يزرع الكاميرات.


ثم عاد مرة أخرى في وقت لاحق.


ليضع السلاح داخل المكتبة.


تمامًا كما توقع.


عندها فقط...


فهم زيدان حجم المصيبة القادمة.


وفهم أن رضوان يسير نحو فخ أُعد له بعناية.


لذلك لم ينتظر.


وفي الليل...


تسلل إلى المكتبة مرة أخرى.


وأخذ السلاح من مكانه.


لكنه لم يكتف بذلك.


كان يعلم أن اختفاء السلاح وحده لن يكفي.


بل قد يدفع الطرف الآخر إلى تغيير خطته بالكامل.


لذلك قرر أن يوصل رسالة مختلفة.


رسالة تقول إن المكان تعرض لسرقة.


تعمد بعثرة الكتب.


وفتح بعض الأدراج.


وأخذ هاتفًا قديمًا وبعض الإيرادات الموجودة داخل المكتبة.


حتى يبدو المشهد طبيعيًا.


وحتى يقتنع رضوان بأن ما حدث مجرد سرقة عادية.


وفي الوقت نفسه...


يصدم من خطط لذلك كله.


ويجعله يظن أن أحدًا سبقه إلى المكان.


بل وترك له إشارة واضحة.


إشارة تهز ثقته بنفسه.


وبسيطرته على الأمور.


ومنذ ذلك اليوم...


لم يتوقف زيدان عن مراقبة رضوان.


كان يراقب منزله.


والمكتبة.


وطريقه.


ويتابع تحركاته قدر استطاعته.


لكن رغم كل ذلك...


لم يكن هو ولا حسين يتوقعان أن تأتي الضربة من مكان آخر.


مكان أبعد.


وأخطر.


وأشد تأثيرًا.


مكان لم يخطر ببال أي منهما.


شركة الحسيني.


الشركة التي تحولت دون أن يدركا...


إلى السلاح الذي استُخدم لإنهاء مستقبل رضوان بالكامل.


***


عاد حسين من شروده ببطء.


وأخذ يحدق في مياه المسبح الممتدة أمامه.


بينما كانت السماء تتلون بألوان الغروب الأخيرة.


أغمض عينيه.


فانزلقت دمعة ثقيلة فوق وجنته.


دمعة رجل هزمه العجز أكثر مما هزمته السنين.


رجل يملك المال.


والنفوذ.


والاسم.


لكنه عاجز عن حماية أغلى ما يملك.


ابنته الوحيدة.


ورضوان الذي اعتبره يومًا كأحد أبنائه.


ارتجفت أصابعه فوق ذراع المقعد.


وشعر بثقل عمره كله يهبط فوق كتفيه دفعة واحدة.


ما قيمة الثروة...


إذا كانت عاجزة عن حمايتهم؟


وما قيمة النفوذ...


إذا كان لا يستطيع أن ينتزع ابنًا بريئًا من خلف القضبان؟


وما قيمة العمر كله...


إذا انتهى به الحال يشاهد أبناءه يتألمون وهو عاجز عن مد يده إليهم؟


رفع بصره نحو السماء.


وامتلأت عيناه بالدموع.


ثم أغمضهما من جديد.


وأخذ يناجي ربه في صمت.


بقلب أب أنهكه الخوف.


وأرهقه الندم.


واستنزفه العجز.


كان ينتظر معجزة.


أي معجزة.


تنقذ زاد.


وتنقذ رضوان.


وتنهي ذلك الكابوس الذي يزداد ظلامًا يومًا بعد يوم.

************


في تلك الليلة...


كانت زاد تجلس في الصالة.


وقاسم يدور حولها بضحكاته الطفولية البريئة.


يحمل إحدى لعبه الصغيرة.


ويتنقل بين الأريكة والطاولة وهو يثرثر بكلمات غير مفهومة.


أما هي...


فكانت تحاول مجاراته بابتسامات متقطعة.


بينما قلبها في مكان آخر تمامًا.


منذ خرج فريد من الفيلا قبل يومين...


وهي تعيش فوق جمر مشتعل.


لا تعرف ماذا قرر.


ولا إلى أي نتيجة وصل.


ولا ما إذا كان رضوان سيخرج...


أم أن الكابوس لم يبدأ بعد.


وفجأة...


انفرجت الستارة عند النافذة بعنف.


واندفعت عواطف إلى الداخل.


وعلى وجهها ملامح هلع واضحة.


وقالت بسرعة:


ــ فريد بيه وصل يا ست زاد.


شحب وجه زاد في اللحظة نفسها.


وتجمدت أصابعها.


ثم وقفت بسرعة.


وهي تفرك كفيها ببعضهما دون شعور.


كأنها تحاول السيطرة على ارتجافتهما.


وقالت بصوت حاولت أن تجعله طبيعيًا:


ــ طيب يا داده...


ثم التفتت إلى قاسم.


ونظرت إليه للحظة.


قبل أن تضيف:


ــ خدي قاسم على أوضته.


ــ وخليكي معاه.


اقتربت عواطف منها بقلق.


وقالت:


ــ بس أنا خايفة عليكي يا بنتي.


حاولت زاد أن تبتسم.


لكن ابتسامتها خرجت مكسورة.


مرهقة.


ومتعبة.


وقالت:


ــ متخافيش.


ــ إنتِ بس ابعدي قاسم بسرعة.


ــ ومتخليهوش يتقابل مع فريد.


ثم أطرقت برأسها وأكملت:


ــ أكيد ممكن يتعامل معاه بطريقة مش حلوة.


ــ وأنا مش عايزة قاسم يتأثر.


ــ أنا مصدقت إنه بقى كويس.


هزت عواطف رأسها باستسلام.


وأخذت الطفل.


ثم صعدت به إلى الأعلى.


وبقيت زاد وحدها.


تمامًا كما كانت دائمًا.


وحدها في مواجهة ذلك الرجل.


وحدها في مواجهة قراراته.


وغضبه.


وصمته.


ونظراته.


وكل ما يجعل وجوده مرعبًا حتى وهو ساكن.


شعرت فجأة أن الأمر قد يصل فعلًا إلى طريق مسدود هذه المرة.


فاستدارت بسرعة.


وصعدت إلى غرفتها.


وأغلقت الباب خلفها.


ثم وقفت أمام المرآة.


تراقب انعكاسها.


بينما كان صدرها يعلو ويهبط بعنف.


وقلبها يدق بسرعة مؤلمة.


خائفة.


من القرار.


من المواجهة.


ومن الثمن الذي قد يطلبه هذه المرة.


حاولت أن تتماسك.


أن تهدأ.


أن تبدو قوية.


لكنها لم تستطع.


وفجأة...


وصلتها خطواته.


خطوات بطيئة.


هادئة.


تقترب عبر الممر.


فوضعت يدها فوق قلبها.


ونظرت إلى مقبض الباب.


ورأته يتحرك.


في اللحظة نفسها انفجر النبض داخل صدرها.


وانفتح الباب.


ودخل فريد.


وكعادته...


رفعت عيناه نحوها مباشرة.


من أول لحظة.


وكأنه كان يعرف مكانها قبل أن يدخل.


أما هي...


فكانت تنظر إليه عبر المرآة.


ثوانٍ فقط.


ثم خفضت بصرها فورًا.


فارتسمت على زاوية فمه ابتسامة خافتة.


ابتسامة غامضة.


يصعب معرفة ما وراءها.


اقترب منها.


ثم خلع جاكيته بلا استعجال.


وألقاه فوق السرير.


وقال:


ــ مستنياني؟


ابتلعت ريقها بتوتر.


وقالت:


ــ ما حدش يعرف مواعيدك.


ــ بتخرج وترجع من غير ما أعرف حاجة.


رفع أحد حاجبيه.


ونظر إليها مطولًا.


ثم قال:


ــ إيه ده؟


وصمت لحظة.


قبل أن يضيف:


ــ قلقتي عليا ولا إيه؟


أغمضت عينيها للحظة.


لكنها لم تجب.


فأدارها نحوه ببطء.


حتى أصبحت واقفة أمامه مباشرة.


ثم أكمل:


ــ ولا مستعجلة...


ــ وعايزة تعرفي قراري؟


بقيت صامتة.


فأمسك يدها فجأة.


ونزل ببصره إلى معصمها.


إلى مكان الخدش الصغير الذي تركه نصل الخنجر قبل يومين.


فتغيرت ملامحه قليلًا.


وعقد حاجبيه.


ثم رفع يدها إلى مستوى عينيه.


وأخذ يتأمل ذلك الأثر.


قبل أن يميل برأسه ويطبع قبلة بطيئة فوقه.


دون أن يرفع عينيه عنها.


انتفض جسدها كله.


وحاولت سحب يدها فورًا.


لكنه أحكم قبضته عليها.


ثم حرك رأسه بالنفي.


بهدوء مخيف.


كأنه يقول لها إنها لن تفلت.


لا من يده.


ولا من سلطته.


ولا من عالمه كله.


أغمضت زاد عينيها للحظة.


وحاولت السيطرة على نفسها.


ثم قالت في داخلها:


اسألي.


ما تخافيش. هو بيلعب بأعصابك...


حياة رضوان أهم.


فتحت عينيها.


ونظرت إليه.


وسألته مباشرة:


ــ قررت إيه يا فريد؟


ترك يدها.


ثم اتجه إلى السرير.


وجلس على طرفه.


وكأنه لم يسمع السؤال أصلًا.


فاشتدت أعصابها أكثر.


وقالت:


ــ بلاش لعب بالأعصاب.


ــ إن كنت فاكر إن هروبك اليومين اللي فاتوا هينسيني عملتك في سجن شخص مظلوم...


ــ فأنت غلطان.


ــ أنا لسه عند قراري.


رفع عينيه إليها.


ثم جذبها فجأة من معصمها.


لتسقط فوق ساقيه.


شهقت في صدمة.


وحاولت النهوض.


لكن ذراعه أحاطت بخصرها بإحكام.


وقال بهدوئه المعتاد:


ــ خروجي من البيت اليومين اللي فاتوا...


ــ كان حماية ليكي يا زاد.


توقفت عن المقاومة للحظة.


فأكمل:


ــ لأن لو كنت رجعت يومها...


ــ كان ممكن أخسر فيها أكتر حاجة أملكها.


اقترب أكثر.


وهمس:


ــ وإنتِ من ممتلكاتي.


تصلب جسدها فورًا.


وكأن الكلمة صفعتها.


كانت تكره تلك الكلمة.


تكرهها منذ سنوات.


لأنها كانت دائمًا تشعرها أنها شيء يُقتنى.


قطعة أثاث.


قطعة أثرية.


شيئًا يملكه.


لا إنسانة لها روح ومشاعر وحق في الاختيار.


حاولت النهوض مجددًا.


لكنه وضع إصبعه فوق شفتيها.


وقال:


ــ هيخرج يا زاد.


وفي اللحظة نفسها...


توقفت.


وسكنت.


واسترخت مقاومتها بالكامل.


وكأن الكلمات سحبت كل القوة من جسدها.


لاحظ فريد ذلك.


وأغمض عينيه للحظة قصيرة.


فأستوعبت هى وقالت بسرعة:


ــ كويس.


ــ خطوة كويسة.


ــ علشان ما تخسرش نفسك.


فتح عينيه.


وتأملها طويلًا.


ثم قال:


ــ أفهم من رد فعلك ده...


ــ إنك خايفة عليا؟


ثم مال نحوها أكثر.


وأضاف:


ــ مش مبسوطة لخروج رضوان؟


جفت شفتاها.


وقالت بصعوبة:


ــ أنا ما أحبش جوزي يظلم حد.


ــ وكونك هتخرج واحد مظلوم...


ــ فده يرجع لأن قلبك طيب.


ساد الصمت.


ثم فجأة...


ضحك فريد.


ضحكة قصيرة.


تبعتها أخرى.


ثم تحول الضحك إلى قهقهة عالية أثارت ارتباكها أكثر.


حتى إنها رمقته باستغراب حقيقي.


قبل أن يقول:


ــ أنا طيب؟


ثم هز رأسه.


وابتسامته لا تزال فوق شفتيه.


ــ أممم...


وصمت.


قبل أن يرفع عينيه إليها من جديد.


ويقول:


ــ أنا ما مش هَخرجه علشانك يا زاد.


ــ أنا هَخرجه لمزاجي.


ثم أكمل بصوت منخفض:


ــ وإنك مستعدة ترجعي زي ما أنا عايز.


ــ وتمشي على قواعدي...


ــ قاعدة قاعدة.


ثم مال نحوها.


وأردف:


ــ ومفيش رجوع لورا.


ــ علشان متشوفيش الطيبة بتاعتي اللي بجد.


بلعت ريقها.


ودق قلبها بقوة.


ثم وقفت فجأة.


وقالت:


ــ كفاية بقى يا فريد.


ــ طريقتك دي تخوف بجد.


فوقف أمامها.


ونظر إليها بثبات.


ثم قال:


ــ أول قاعدة...


ــ حجزتلك بنفسي عند دكتور النسا.


ــ تشيلي الوسيلة.


اتسعت عيناها بصدمة.


ــ تاني قاعدة.


ــ والأهم.


ثم ثبت عينيه عليها ببرودٍ أربكها، وأمال رأسه قليلًا قبل أن يكمل:


ــ حاضر.


ــ اللي تشوفه.


ــ رأيك صح.


ــ إنت صح.


ــ تحت أمرك.


ــ مفيش نقاش. 


ضغطت على شفتيها بقوة.


حتى لا تنهار.


أما هو فسألها بهدوء:


ــ فين ردك يا هانم؟


ــ فين اتفاقك معايا؟


ــ إنت مستعدة تعملي كل حاجة؟


رفعت رأسها إليه.


وقالت:


ــ وأصدقك إزاي؟


وفجأة...


هبطت كفه على وجهها.


صفعة قوية.


مزقت الصمت.


فارتطم رأسها جانبًا.


وانجرحت شفتها.


وسال خط رفيع من الدم.


اقترب منها فورًا.


وقال بصوت منخفض مرعب:


ــ وأنتِ مين علشان أكدب عليكِ؟


ــ خايف منك؟


انسابت الدموع من عينيها.


فاقترب أكثر.


ومسح الدم عن شفتيها.


ثم جفف دموعها بإبهامه.


ونظر داخل عينيها مباشرة.


وقال:


ــ زاد...


وسكت لحظة.


قبل أن يكمل:


ــ زمام الأمور في إيدي.


ــ أي فعل.


ــ وأي كلمة.


ــ متعجبنيش...


ــ هسيبه يعفن في السجن.


في تلك اللحظة...


شعرت بالبرد.


برد مرعب.


برد الوحدة.


برد الإنسان الذي لم يعد يملك فيه أحد كتفًا يضع رأسه عليه.


حبيبة كانت تملك أخاها.


وتملك فارس.


وتملك أصدقاءها.


أما هي...


فلم يبق لها أحد.


لا أحد.


كانت تقف وحدها في هذا العالم.


وحدها في مواجهة رجل يمكنه أن يهدم حياة أي شخص تحبه بكلمة واحدة.


وسقطت دموعها بغزارة.


ورفعت عينيها الحمراوين إليه.


وقال بصوت مكسور:


ــ احضني يا فريد.


تجمد فريد للحظة.


صدمة حقيقية مرت في عينيه.


وكأنه لم يتوقع تلك الكلمة أبدًا.


ــ إيه؟


لكنها لم تكررها.


انهارت فقط.


واندفعت نحوه.


وارتمت بين ذراعيه.


لا حبًا.


ولا اشتياقًا.


ولا غفرانًا.


بل احتياجًا.


احتياج إنسانة غرقت طويلًا في الخوف.


وتحتاج لأي شيء يشبه الأمان.


حتى لو كان زائفًا.


حتى لو كان داخل حضن الرجل الذي أخافها أكثر من أي أحد.


تعلقت به.


وأخذت تبكي.


وهي تردد:


ــ حاضر يا فريد.


ــ هعمل كل حاجة.


ــ بس أرجوك...


ــ كفاية أذى.


ــ أنا تعبانة.


ــ محتاجة شوية أمان.


ــ أرجوك.


أغمض عينيه.


وضمها بقوة أكبر.


كأنها حقًا الشيء الوحيد الذي يريد الاحتفاظ به في هذا العالم.


ثم همس بجوار أذنها:


ــ عرفتي يا زاد؟


وتشبث بها أكثر.


وأكمل:


ــ عرفتي إنك ملك فريد وبس؟


وقال بذلك الهدوء البارد المرعب:


ــ إنتِ من ممتلكات فريد الشامي...


*********

بعد يومين...


كان رضوان يقف أمام مكتب الضابط.


بملامح أكثر هدوءًا مما ينبغي.


لكن آثار الأيام الماضية كانت واضحة عليه.


شحوب خفيف يكسو وجهه.


إرهاق متراكم خلف عينيه.


وذقن نمت على غير عادتها.


ورغم ذلك...


بقي واقفًا بنفس قامته المستقيمة.


ونفس الثبات الذي دخل به إلى تلك المحنة منذ بدايتها.


رفع الضابط عينيه عن الأوراق الموضوعة أمامه.


ثم نظر إليه بابتسامة خفيفة وقال:


ــ مبروك يا رضوان، التحريات الجديدة كشفت حقيقة اللي حصل، وثبت إنك مالكش علاقة بالموضوع. إجراءات إخلاء سبيلك خلصت، وتقدر تخرج.


حرّك رضوان رأسه بثبات، وقال بهدوء:


ــ الحمد لله.


ابتسم الضابط وهو يتأمله، ثم قال بنبرة مازحة:


ــ بس إنت شكلك غالي أوي عند الناس يا عم رضوان! ده اللي يشوفك يقول إنك من كُبرات البلد.


عقد رضوان حاجبيه قليلًا، فاستطرد الضابط:


ــ فارس الحسيني، وفريد الشامي، وحسين المالكي... كل دول بيتابعوا التحقيقات بتاعتك!


اتسعت عينا رضوان قليلًا.


وتوقفت أفكاره عند الاسم الأخير تحديدًا.


اسم لم يكن يتوقع سماعه هنا.


ثم سأله:


ــ حسين المالكي؟!


هز الضابط رأسه مؤكدًا:


ــ طبعًا! ده كل يوم يبعت حد يوصّي علينا نهتم بيك. مش بقولك اللي يشوفك كده يقول إنك حتة تقيلة في البلد!


شرد رضوان للحظات.


تسللت إلى رأسه عشرات الأسئلة دفعة واحدة.


حسين المالكي؟


ولماذا؟


وكيف عرف أصلًا؟


وما الذي دفعه لمتابعة الأمر بهذا الاهتمام؟


لكن شيئًا في داخله أخبره أن الوقت لم يحن بعد للإجابات.


فعاد يرفع نظره إلى الضابط في صمت.


بينما ظل الأخير يتأمله مبتسمًا.


ثم أشار إلى متعلقاته الموضوعة على المكتب قائلًا:


ــ يلا يا عم رضوان، خد حاجتك واتكل على الله. ولا الحجز عجبك وعايز تشرفنا شوية؟


انتبه رضوان إليه.


وارتسمت على شفتيه ابتسامة باهتة.


ــ لا يا باشا، الحمد لله إنها جت على كده. وربنا يكفينا شر الحجز واللي فيه.


ثم تردد لحظة قبل أن يسأل:


ــ بس سؤال معلش يا باشا... إنتوا مسكتوا شادي إزاي؟


رفع الضابط حاجبيه.


ثم أجابه:


ــ لأ، مش شادي اللي مسكناه. إحنا وصلنا للشخص اللي كان ورا توصيل الصندوق ليك.


قطّب رضوان جبينه، وسأله:


ــ طيب كانوا عايزيني أوصل الأدوية لشركة الحسيني ليه؟ عايزين يضروا فارس ومهاب ليه؟


أجابه الضابط بنبرة عملية:


ــ لا يا سيدي، دي كانت الحجة اللي عملوها علشان يوقعوك. فكروا إنك بحكم شغلك في شركة الحسيني هتقدر تعدّي الصندوق من الكمين من غير ما حد يشك فيك، وبعدها كانوا هيعترضوا طريقك وياخدوا منك الصندوق. يعني إنت كنت مجرد وسيلة في خطتهم.


ثم أكمل: 


ــ كده كل حاجه وضحت. 


ساد الصمت.


صمت قصير...


لكنه كان كافيًا لأن يعيد ترتيب أشياء كثيرة داخل عقل رضوان.


قطع متناثرة.


ومواقف متفرقة.


وشكوك.


كأنها بدأت أخيرًا تجد مكانها الصحيح.


وعندها فقط...


قال بهدوء:


ــ فعلًا... كده كل حاجة وضحت.


أشار الضابط إلى متعلقاته مرة أخرى.


وقال:


ــ يلا يا رضوان، مستني إيه؟ اتفضل، حمد الله على السلامة.


مد رضوان يده وجمع متعلقاته ببطء.


أخذ هاتفه.


ومحفظته.


وباقي أغراضه.


ثم استقام واقفًا.


لكن عينيه لم تكونا كما دخل بهما إلى هنا.


كان فيهما شيء جديد.


شيء أكثر حدة.


وأشد خطورة.


شيء ولد خلال الأيام الماضية.


وكبر بصمت.


وبدأ يفرض وجوده الآن.


لم يكن الغضب وحده.


ولم يكن مجرد رغبة في الانتقام.


بل يقين.


يقين بأن ما حدث لم يمر مرور الكرام 


وأن الحساب...


لم يبدأ بعد.


رفع رأسه ببطء.


ثم اتجه نحو الباب.


وفي اللحظة التي امتدت فيها يده إلى المقبض...


انعكس ضوء الشمس المتسلل من الخارج فوق عينيه.


عيني رجل خرج من الحجز.


لكنه لم يخرج كما دخله.


رجل سُلبت منه طمأنينته.


ووُضعت أمامه أسئلة كثيرة.


ورجل أدرك أخيرًا...


أنه...


لن يقف متفرجًا بعد اليوم.


بينما كانت في عينيه نظرة واحدة فقط...


نظرة رجل بدأ يفهم اللعبة أخيرًا.



************


خرج رضوان من القسم أخيرًا.


تاركًا خلفه أيامًا ثقيلة لم يكن يتمنى أن يعيشها يومًا.


لكنها حدثت.


وتركته شخصًا مختلفًا عمن دخل إلى هناك.



ما إن تجاوز البوابة حتى أخرج هاتفه من بين متعلقاته.


كانت البطارية على وشك النفاد.


لكنه لم يهتم.


فتح الهاتف بسرعة.


وبحث عن اسم واحد فقط.


فارس.


ضغط على زر الاتصال.


ولم تكد تمر ثوانٍ حتى جاءه صوته:


ــ رضوان؟! إنت بتكلمني من تليفونك؟! إنت خرجت؟!



تحرك رضوان ببطء على الرصيف وهو يجيب:


ــ أيوة... لسه خارج حالًا.



تنفس فارس براحة واضحة.


وقال سريعًا:


ــ طيب خليك عندك. أنا جاي أخدك بالعربية.



هز رضوان رأسه رغم أنه لا يراه.


ــ لا، خليك. أنا هركب تاكسي.


ثم صمت لحظة قبل أن يسأل:


ــ بس عايز أعرف... حبيبة فين دلوقتي؟



أجابه فارس فورًا:


ــ حبيبة في المستشفى، وهتخرج الساعة خمسة.



نظر رضوان إلى ساعته وكانت الثانية عشرة ظهراً.


ثم قال:


ــ تمام. أنا هطلع البيت أظبط نفسي... وأروح لها على هناك.

ــ هتيجي؟


ابتسم فارس دون أن يشعر.

وأدخل يده في جيبه وقال:


ــ طبعًا.


ــ لازم أشوف لحظة اللقاء بنفسي.


حرك رضوان رأسه.


ــ تمام.


وقبل أن يغلق الخط...


جاءه صوت فارس من جديد:


ــ رضوان.



ساد الصمت للحظة.


فقال فارس بهدوء صادق:


ــ حمد لله على سلامتك.


تنهد رضوان.


ثم قال:


ــ الله يسلمك يا فارس.


وأغلق الخط.



***


في الجهة الأخرى...


ظل فارس ممسكًا بالهاتف بعد انتهاء المكالمة.


واقفًا أمام النافذة الزجاجية في مكتبه.


ينظر إلى المدينة الممتدة أمامه.


لكن تفكيره كان في مكان آخر تمامًا.



خفض الهاتف ببطء.


ثم عاد ورفعَه مرة أخرى.


واتصل بالمحامي.



وما إن جاءه الرد حتى قال مباشرة:


ــ عايز أعرف رضوان خرج إزاي؟ ومين خرجه؟



استمع في صمت.


دون أن يقاطع.


وتغيرت نظراته تدريجيًا مع كل كلمة يسمعها.


حتى انتهت المكالمة.



فأنزل الهاتف من على أذنه ببطء.


وغرق في شروده.


ثم تمتم بصوت منخفض:


ــ يا ترى إيه التمن...


إللي اندفعلك قصاد خروج رضوان يا فريد ياشامي؟



ضيق عيناه ببطء.


ــ إنت اتحركت أكتر مما توقعت.


وصمت.


ثم أردف:


ــ ويا ترى... فريد قالك إيه يا رضوان؟


 خلاك بالجمود ده؟


ظل واقفًا مكانه للحظات.


ثم عاد ببصره إلى الخارج.


بينما الأسئلة تتكاثر داخل رأسه واحدة تلو الأخرى.


***


أما رضوان...


فكان يقف أمام مرآة الحمام في منزله.


يحلق ذقنه في صمت.


وعقله بعيد.


بعيد جدًا.



حتى إنه لم ينتبه للموس وهو يجرح جانب وجهه.


انتبه متأخرًا.


فتوقف.


وأغمض عينيه للحظة.


ثم غسل وجهه بالماء.



وبقي منحنيًا فوق الحوض عدة ثوانٍ.


قبل أن يرفع رأسه من جديد.



نظر إلى صورته في المرآة.


لكن ما رآه لم يكن نفسه فقط.


كانت هناك كلمات أخرى.


تتردد.


وتتكرر.


وتستعاد.


كأن صاحبها ما يزال واقفًا أمامه.


وكأن المقابلة لم تنتهِ بعد.



أطبق فكيه.


ثم تناول المنشفة وجفف وجهه سريعًا.


وخرج.



بعد دقائق...


كان قد استحم.


وارتدى ملابس نظيفة.


واستعاد شيئًا من مظهره المعتاد.


لكن التعب ما زال يسكن عينيه.



أما الشوق...


فكان أقوى من كل شيء.


فأخته كانت أول ما يريد رؤيته.


وأول ما اشتاق إليه.


ولذلك غادر البيت سريعًا.



*******


وبعد وقت...


كانت حبيبة داخل قسم الأطفال.


تحاول العمل.


أو على الأقل تحاول أن تبدو كذلك.


لكن تركيزها كان يتسرب منها في كل مرة.


تمسك بالملف.


ثم تعيد قراءته.


ثم تكتشف أنها لم تفهم منه شيئًا.


فتعيده مرة أخرى.


حتى شعرت بالدوار.


وحركت رأسها بتعب.


ثم قالت:


ــ لبنى؟



التفتت إليها لبنى فورًا.


ــ نعم يا حبيبتي؟



مدت حبيبة الملفات نحوها.


وقالت بإرهاق:


ــ ممكن تراجعي الحالات دي؟


أنا مش مركزة.


وخايفة أخد أي إجراء غلط من ناحية الأطفال.



ابتسمت لبنى بحنان.


ــ خلاص روحي إنتِ ارتاحي.


وأنا هكمل.



تنهدت حبيبة براحة.


وسلمتها الملفات.


ــ شكرًا.



ثم خرجت من القسم.


تسير في الممر بهدوء.


ويداها داخل جيبي معطفها.


وخطواتها بطيئة.


وعيناها شاردتان.



كانت تسير بلا هدف تقريبًا.


مجرد محاولة للهروب من أفكارها.



وفجأة...


سمعت اسمها.


وكأن أحدًا ناداها.



التفتت بلا وعي.


ثم ابتسمت بحسرة.


وأكملت سيرها.


مقنعة نفسها أنها تخيلت الصوت.


لكن هذه المرة...


جاءها أوضح.


وأقرب.


ــ دكتورة حبيبة!



توقفت مكانها.


والتفتت ببطء.


ثم...


تجمدت.



اتسعت عيناها.


وتوقفت أنفاسها.


وكأن عقلها رفض التصديق.



فركت عينيها.


مرة.


ثم مرة أخرى.



لكن المشهد لم يختفِ.


بل ظل كما هو.



رضوان.


واقف أمامها.


وبجواره فارس.



رمشت عدة مرات.


غير مصدقة.



أما رضوان...


فكان قلبه يخفق بقوة لأول مرة منذ خروجه.



ونظر إليها مبتسمًا.


وقال:


ــ إيه؟ لمضة؟


ما وحشتكيش؟



في تلك اللحظة فقط...


استوعبت حبيبة الحقيقة.



وصرخت بفرحة انفجرت من أعماقها:


ــ رضوان!



ثم ركضت نحوه.


وركض هو نحوها.



والتقت خطواتهما في المنتصف.


لتلقي بنفسها بين ذراعيه.


دفعة واحدة.



وكأنها تعوض غيابه كله في لحظة.


رمت كل همومها في حضنه.


وكل خوفها.


وكل وحدتها.


وكل ما حملته الأيام الماضية فوق كتفيها.



وأغمضت عينيها.


تتنفس الأمان من جديد.



بينما ضمها رضوان بقوة.


وأخذ يمسد فوق حجابها بحنان.


كأنه يطمئن نفسه عليها قبل أن يطمئنها.



وقالت وهي مغمضة العينين:


ــ رضوان... إنت معايا بجد يا رضوان؟



أبعدها قليلًا.


وأمسك وجهها بين كفيه.


وتأمل ملامحها.


وعيناه تلمعان بدموع لم يسمح لها بالسقوط.



ثم حرك رأسه بالإيجاب.


وقال:


ــ خلاص.


الكابوس خلص يا بيبو.


أنا معاكي.


أنا قدامك أهو.



وكان في الخلف...


 فارس يتابع المشهد في صمت.


وقد أزاح كل ما يشغله جانبًا.


واكتفى بالمشاهدة.


يشاهد أختًا استعادت أخاها.


وأخًا استعاد روحه.



أما حبيبة...


فكانت تضحك وتبكي في الوقت نفسه.


وهي تهز رأسها باستمرار.


ــ أنا كنت عارفة.


والله كنت عارفة إنك بريء.


رضوان أخويا أحسن واحد في الدنيا.


رضوان أخويا أجمل حد في الدنيا.


رضوان ما يعملش أي حاجة وحشة أبدًا.


ثم عادت تحتضنه من جديد.


وقالت من بين دموعها:


ــ الحمد لله يا رب...


الحمد لله.



ضحك رضوان.


ثم قال:


ــ خلاص علشان خطيبك بيغير.



حركت رأسها بالرفض سريعًا.


وقالت:


ــ يغير من الدنيا كلها إلا أنت.


ـ آمان الدنيا كلها بين إيديك يا رضوان إنت وبس.



ابتسم رغمًا عنه.


ثم قالت فجأة بلهفة:


ــ خرجت إزاي؟


عرفوا المجرم ابن الجزمة اللي وقعك في الورطة دي؟


مين هو؟


مين؟ اسمه إيه قولي؟



ابتسم رضوان وقال:


ــ مش وقته.


كل حاجة هحكيهالك.


بس بعدين.


أنا دلوقتي مصدع وتعبان.



قالت بسرعة:


ــ خلاص.


لينا قعدة مع بعض يا برو وتحكيلي كل حاجة؟


أنا فرحانة أوي يا رضوان.


مبسوطة موت.


أنا جعانة...


جعانة أوي.


اقترب فارس أخيرًا وقال:


ــ طيب سلمي عليا.


أنا عارف إن أخوكي فتح نفسك.


بس بلاش تهميش يا دكتورة.



اتسعت عينا حبيبة بإحراج.


واختبأت تلقائيًا في كتف رضوان.



فضحك هو.


بينما هز فارس رأسه مبتسمًا.



ثم اقترب من رضوان وربت على كتفه.


ــ بجد نورت من تاني يا رضوان.


أختك حبيبة رجعت لطبيعتها أهي.



نظر إليه رضوان بامتنان حقيقي.


وقال:


ــ حبيبي يا فارس.


أنا مش هنسى اللي إنت عملته معايا.



لوح فارس بيده معترضًا.


ــ اركن كلامك ده على جنب.


ثم أشار إلى حبيبة.


ــ وبالمناسبة الحلوة دي...


وبما إن خطيبتي جعانة...


أنا عازمكم على الغدا.



قاطعه رضوان مبتسمًا:


ــ أنا مش هقدر يا فارس.


أنا بقالي كام يوم متبهدل.


عايز أنام.


بجد محتاج أروق دماغي وأنام.



نظر إليه فارس جيدًا.


ورأى الإرهاق الحقيقي على وجهه.


فأومأ متفهمًا.


ــ تمام.


زي ما تحب.



رمقت حبيبة أخاها بنظرة طفولية معاتبة.


فضحك وقال:


ــ إنت خد حبيبة واعزمها على أحلى غدا.



فتحت عينيها بفرحة:


ــ بجد يا رضوان؟



وضع يده على كتف فارس.


وقال:


ــ أنا كنت بين اربع جدران يا حبيبة.


وفارس قالي كلمة عمري ما أنساها.


"حبيبة في أمانتي."


وصان الأمانة.


شكرًا بجد يا فارس.



ابتسم فارس بخجل خفيف.


ــ يا عم أنا معملتش حاجة تشكرني عليها.


إنت أخويا.


وحبيبة خطيبتي.


أنا عملت واجبي وبس.



أغمضت حبيبة عينيها متأثرة.


ثم نظرت إلى رضوان وقالت:


ــ حمد الله على سلامتك يا حبيب قلب أختك.


ربت على رأسها بحنان.


ــ الله يسلمك يا حبيبتي.



ثم نظرت إليه بمكر طفولي:


ــ يعني مش هتزعل إني هروح من غيرك؟



ابتسم.


وقال:


ــ ونزعل ليه والدنيا فيها حبيبة؟



كانت تلك الجملة وحدها كفيلة بأن تعيد الحياة إلى قلبها من جديد.



وبعد دقائق...


استأذن رضوان.


وغادر.


أهم شيء بالنسبة له كان قد تحقق.


لقد رأى أخته.


واطمأن عليها.



أما فارس...


فظل واقفًا يراقب حبيبة.


ثم قال بملامح جادة:


ــ أنا راجع المستشفى.


لو احتجتي أي حاجة كلميني.



رمشت باستغراب.


ــ إيه ده؟


إنت مش هتعزمني على الغدا؟



رفع أحد حاجبيه.


ــ إنتِ خايفة على زعل رضوان لو خرجتي معايا؟ وهو الأمان. 


يبقى ملهاش لازمة.


كشرت في وجهه بعدم فهم.


بينما استدار هو وتحرك عدة خطوات.



فاتسعت عيناها بغيظ.


وأخرجت هاتفها بسرعة.


وكتبت له رسالة:


"إن كان رضوان أماني...


فأنت حمايتي وحبيبي.


بحبك بجد يا فارس. 



وصلت الرسالة إلى هاتفه.


فتوقف مكانه.


وأخرج الهاتف.


وقرأها.



ثم ابتسم.


ابتسامة هادئة.


صادقة.



رفع رأسه.


فوجدها تعطيه ظهرها وتمشي.



فقال بصوت مرتفع وصل إلى أذنيها:


ــ خمسة بالظبط هكون هنا...


وتنهد وقال: 


وأنا كمان بحبك.


**********

في تلك اللحظة...


كانت زاد جالسة في غرفتها.


تحتضن الصمت.


وتحتضن خوفها.


وتحاول للمرة الألف أن تقنع نفسها بأن كل شيء سينتهي بخير.


لكن قلبها لم يكن يصدق.


منذ أيام وهي تعيش بين القلق والانتظار.


تستيقظ على اسمه.


وتنام على اسمه.


وكل فكرة تمر بعقلها كانت تنتهي إليه.


إليه هو.


إلى رضوان.


قطع شرودها صوت الباب وهو يُفتح بهدوء.


فرفعت رأسها.


لتجد عواطف تدخل إليها.


توقفت عواطف لبرهة.


وهي تتأمل وجهها.


ذلك الوجه الذي أنهكته الدموع والسهر والخوف.


ثم اقتربت منها بهدوء.


فشعرت زاد فورًا أن هناك شيئًا ما.


شيئًا مختلفًا هذه المرة.


فنهضت من مكانها بسرعة.


وقالت بقلق:


ــ في إيه يا دادة؟


لكن عواطف لم تستطع إخفاء ابتسامتها.


ولا الفرحة التي ظهرت في عينيها.


وقالت:


ــ رضوان خرج يا بنتي.


تجمدت زاد للحظة.


وكأنها لم تستوعب ما سمعته.


حدقت فيها عدة ثوانٍ.


كأن عقلها يحتاج وقتًا ليستوعب المعنى.


ثم اتسعت عيناها فجأة.


وقالت بفرحة عارمة:


ــ بجد يا دادة؟ بجد؟ رضوان خرج؟ أنتِ متأكدة؟


ابتسمت عواطف.


وقالت:


ــ والله يا بنتي خرج بالسلامة.


شهقت زاد.


وشعرت وكأن جبلًا كاملًا أزيح فجأة عن صدرها.


وكأن هواءً نقيًا دخل رئتيها للمرة الأولى منذ أيام.


ثم سألت بسرعة ولهفة:


ــ عرفتِ إزاي؟ قصدي مين قالك؟ واتأكدتِ إزاي؟


توترت عواطف قليلًا.


وقالت محاولة صرف انتباهها:


ــ إنتِ اللي يهمك دلوقتي مين قال؟ ولا رضوان خرج ورجع بيته بالسلامة؟


لكن زاد لم تعد تسمع شيئًا.


كانت فرحتها أكبر من أن تسمح لأي سؤال بالبقاء.


وأكبر من أن تجعلها تنتبه لذلك التوتر العابر.


فابتسمت بعفوية.


وهزت رأسها بسرعة.


وقالت:


ــ عندك حق... رضوان اللي يهمني. إنه خرج بالسلامة.


ثم اندفعت نحو عواطف.


واحتضنتها بقوة.


كطفلة تلقت أجمل هدية في حياتها.


وقالت وسط ضحكة امتزجت بالدموع:


ــ أنا فرحانة أوي يا دادة.


فرحانة أوي.


ربتت عواطف على ظهرها بحنان.


وقالت:


ــ ربنا يفرح قلبك دايمًا يا بنتي.


ظلتا هكذا للحظات.


قبل أن تغادر عواطف الغرفة بهدوء.


وتترك زاد وحدها.


لكنها لم تعد تلك الفتاة المنهكة التي كانت تجلس هنا قبل دقائق.


كأن الحياة عادت تسري في عروقها من جديد.


وكأن روحها التي ظلت معلقة بين الخوف والانتظار عادت إلى مكانها أخيرًا.


التقطت وسادة من فوق السرير.


وضمتها إلى صدرها.


ثم أخذت تدور بها داخل الغرفة.


غير عابئة بشيء.


تضحك.


وتبكي.


وتدور.


كأنها عادت فجأة سنوات طويلة إلى الخلف.


إلى ذلك العمر الذي كانت فيه الفرحة بسيطة.


وصافية.


وكاملة.


ثم توقفت.


واتجهت نحو النافذة.


وأزاحت الستارة بسرعة.


فاندفعت أشعة الشمس إلى داخل الغرفة.


وامتلأ المكان بالضوء.


وأضاءت وجهها.


وارتسم فوق ملامحها شيء افتقدته طويلًا.


الطمأنينة.


رفعت وجهها نحو السماء.


وأغمضت عينيها للحظة.


تشعر بدفء الضوء فوق بشرتها.


وكأن الحياة كلها تحتضنها في تلك اللحظة.


ثم فتحت عينيها ببطء.


وكانت ابتسامة جميلة وصادقة تزين وجهها.


الابتسامة نفسها التي غابت طويلًا.


وتسللت دمعة صغيرة إلى طرف عينها.


لكنها لم تكن دمعة حزن هذه المرة.


بل دمعة راحة.


وطمأنينة.


وامتنان.


ظلت تنظر إلى السماء لثوانٍ طويلة.


كأنها تشكر الله بصمت.


قبل أن تهمس أخيرًا.


بصوت دافئ.


ممتلئ بالحب.


ومحمل باشتياق أيام كاملة:


ــ حمد الله على سلامتك يا رضوان.


وأغمضت عينيها مرة أخرى.


بينما ظلت ابتسامتها مضيئة فوق وجهها.


لأول مرة منذ أيام...


لم تكن خائفة.


ولم تكن تنتظر كارثة جديدة.


كل ما كانت تشعر به...


أن رضوان عاد إلى الحياة من جديد.


وأن قلبها...


عاد معه.

يتبع...


© قصص وروايات مريم نصار — جميع الحقوق محفوظة. يُمنع نسخ هذا الفصل أو إعادة نشره كليًا أو جزئيًا دون إذن كتابي مسبق من الكاتبة.

🔔 عجبك الفصل؟ تابعي المدونةعشان توصلك الفصول الجديدة أول بأول🔔 متابعة المدونةاضغطي، سجّلي بحساب جوجل، وخلاص ✔

تعليقات✍️ أضف تعليقًا

  1. تحفه تحفه تحفه ♥️♥️♥️♥️

    ردحذف
  2. مفاجاتك يا برنسيسه بجد تحفه

    ردحذف
  3. احلى مريومه فى الدنيا ❤️❤️

    ردحذف
  4. تسلم ايدك يا حبيبتي الحلقه روعه روعه جدا 🎉🎉🎉🎉🎉🎉🎉🎉

    ردحذف
  5. توحفه يامريوم تسلم ايدك

    ردحذف
  6. تسلم ايدك يا مريومه ❤️❤️🥹

    ردحذف
  7. روعه تسلم ايدك يا قلبي ❤️ ❤️ ❤️ ❤️

    ردحذف
  8. تسلم ايدك يا ملكه تسلمي بجد علي كل احساس لمسنا من جوه❤️❤️🥀

    ردحذف
  9. امتى الفصل الجديد؟🥲🤍🤍

    ردحذف

إرسال تعليق

بحث هذه المدونة الإلكترونية