الفصل الثاني. نوفيلا كِتارا
نوفيلا كِتارا.
#عندما يخطط الشيطان
#حياة المسلم بما فيها من مسرة ومضرة كلها خير وأجر عند الله ••••
عن صهيب بن سنان رضي الله عنه
عن النبي #ﷺ قال : عجبا لأمر المؤمن إن أمره كله له خير، وليس ذلك لأحد إلا للمؤمن: إن أصابته سراء شكر فكان خيراً له، وإن أصابته ضراء صبر فكان خيراً له . #رواه_مسلم ••••
ππ÷ππ÷ππ÷ππ÷ππ÷ππ÷ππ÷ππ÷ππ÷ππ
بسم الله نبدأ
موسى والد كِتارا داخل القسم يجري زي المجنون بعد ما وصله خبر وفاة بنته منتح*رة، وأنه لازم يجي علشان يستلم أحفاده إلياس وايلين، ومش مصدق اللي حصل!!! وصل عند مكتب شهاب ودخل بعد الإذن ليه بالدخول، عيونه كانت تايهه، دموعة متحجرة مستحيل تكون بنته ما*تت وانتهت!!! شافه شهاب في الحاله دي لكن لازم ياخد الإجراءات اللازمة ويستجوبه وقال:- السيد موسى والد المنت*حره كِتارا موسى؟
رد موسى بغضب وقال:- بنتي مش منت*حره، بنتي ضحيه، مجني عليها، كِتارا أتقت*لت، مستحيل بنتي تنت*حر أبدا.
شهاب:- طيب ياريت تهدا و اتفضل استريح، وقول كل اللي انت عايزه وأنا هسمعك.
موسى بقلب منحور:- بنتي ما*تت غدر؛ واللي قت*لها مفيش غيره، هو جوزها سراج.
شهاب بيولع سجاره وقال:- طيب وايه السبب!! وايه دليلك وفين الاثبات على كلامك واتهامك ده؟!!!
موسى بشر كبير ونار قايده في قلبه:- انا عايز اشوف سراج هو فين؟! أبوس إيدك خليني اشوفه.
شهاب فكر لثواني وهز راسه بالموافقه وقال للعسكري يجيب سراج من الحبس؛ وجه وكان منزل راسه والحزن واضح عليه، اول ما شافوا موسى انقض عليه ومسكه من ياقته واتكلم بشر واضح:- أنت مجرم؛ أنت قت*لت بنتي؛ انا هاقت*لك، أنت جانيت عليا.
شهاب بتحذير:- ممكن تهدا يا سيد موسى؟!
موسى لشهاب:- اهدا؟!!! اهدا ازاااي؟ ازاااي وانا كنت عارف ان كل ده هيحصل لبنتي من الأول باختياراتها الغلط في كل مرة وخصوصاً الحيو*ان ده.
شهاب شاف إن ده الوقت المناسب يمكن يعرف أكتر، وإن إنفجار موسى؟ يوصله لدليل قوي؛ وساب مساحه لموسى يتكلم مع سراج براحته وقال بتساؤل:- سراج! ايه ردك على الكلام ده يا سراج؛؛ والد مراتك موجه ليك التهمه؟
سراج بدفاع عن نفسه:- انا ماقت*لتش كِتارا، انا عمري ما افكر اقت*ل؛ الفكره نفسها مرفوضه؛ وحتى لو الفكره موجوده!!!! لكن مستحيل اقت*ل مراتي؛ دي مراتي يا ناس!!! ام اولادي انتوا ازاي بتفكروا كده؟ وايه مصلحتي في اني اقت*لها؟!!!
صفعه قويه نزلت على وش سراج من موسى واتكلم بنبره تحمل الشر والكره:- طول عمري رافض العلاقه اللي بتربط بنتي بيك؛ وياما نصحتها انك واحد مستهتر معدوم الاخلاق والضمير، لفيت على كِتارا وغوتها بحُبك المزيف، اتجوزتها بعد ما عرفت انها عندها فلوس تعيشك لسنين قدام، وكنت طبعا طمعان فيها أكيد، الكارثة انها عصت اوامري وعصت اوامر والدتها، وضحت بينا احنا علشانك انت!!!! والكارثة الأكبر إن بعد جوازك منها ما فيش سنتين بس!!!! ونعرف انها حطت الوديعه وإنك أنت الوحيد اللي ليك الحق في انك تكسر الوديعه بعد موتها ؛! دائما كانت بتفكر فيك، وأنت دلوقتي بتسألني و بتقول إيه مصلحتك؟؟!! مصلحتك واضحه للأعمى، فلوس باسمك مقيده، لكن وفاة كِتارا الحل الانسب والاسهل،والخلاص منها بطريقه ذكيه، انها تكون منت*حره وانت تعيش حياتك وتتمتع بفلوس بنتي،، بنتي اللي راحت ضحية شيطان مثلك خطط ودبر وقت*ل، وفي الآخر تقول مصلحتك إيييه؟ أنت المذنب الوحيد في قت*ل بنتي كِتارا.
سراج بدفاع:- كذب، كل اللي انت بتقوله ده كذب، انا اتجوزت كِتارا عن حب اه حبيتها، ويستحيل أئذيها.
وكمل كلامه بنبرة اتهام وقال:- لكن بص لنفسك أنت الدور والباقي عليك ياحمايا، وياريت ماتنكرش انك كنت قاسي ع كِتارا ومعاملتك معاها كانت في منتهى الحقد والكُره انها نزلت على مصر واختارتني ووالدتها و اخواتها اتخلوا عنها وأنت قبل منهم، وبعدين ليه انت ما تكونش السبب في قت*لها؟
موسى عيونه كانت كلها دهشه وذهول من اتهام سراج ليه واتكلم بتيه وصدمه:- ايييييه أنت بتقول إيه؟ انت بتتهمني انا اني اق*تل بنتي!!!!
سراج بغضب:- ايوه تقت*لها تنكر انك هددتها قبل كده كتير انك مسيرك في يوم تتخلص منها؟ تنكر انك قدامي؛ قلتلها وهددتها انك هتق*تلها وإن الخلاص منها راحه ليك؟
موسى هز راسه وقال بهستريا:- انت مجنون!!!! انت فعلا اتجننت،انا ما شوفتش في جرائتك وبجاحتك انت بتتهمني انا!!!! انا ابوها واكتر واحد باتمنلها السلامه.
سراج بحده:- رد عليا تنكر انك هددتها؟
موسى:-----------------
سراج:- ما بتردش ليه؟! رد وقول انك كنت تتمنى مو/تها، ودلوقتي أنت اكيد اللي خططت ودبرت علشان تتخلص منها وفي توقيت مناسب علشان تخلص مننا إحنا الاتنين ،والفلوس تروحلك انت وتكون ضربت عصفورين بحجر، انت اللي قت*لت كِتارا، ما فيش غيرك.
موسى:------------صمت لثواني كأن لسانه عاجز عن الكلام.
شهاب كان متفرج والقضيه كده أخدت اكتر من مسار وسأل بهدوء وقال:- ايه رايك في اتهام سراج ليك يا سيد موسى؟
موسى قلبه دق بخوف واتكلم بصدمه:- رأيي ايه يا حضره الضابط؟؟ انت هتصدق كلام المجرم ده؟!
شهاب:- تنكر انك هددت بنتك بالق/تل؟
موسى:---------
شهاب:- تنكر انك قلت للدكتوره كِتارا خلاصك على ايدي؟!
موسى:----------------
شهاب هز راسه وضرب الجرس، العسكري دخل وشهاب قال بصيغة الأمر:- خد يابني المتهمين على الحبس.
موسى بصدمه:- مستحيل يا حضرة الضابط انا مستحيل اقت/ل بنتي؛ أنت معقول هتصدق كلام المجنون ده؟
شهاب:- انت مشتبه فيك بما انك هددت بنتك انت وسراج اللي ظهر في وقت مفاجئ وقت الحادثه، وفيصل اللي نزل من على السلم وقت وقوع الحادثه بالضبط، ولحد ما يطلع تقرير الطب الشرعي كلكم متهمين ومشتبه فيكم.
بعد وقت تليفون شهاب رن وكانت هاله ورد بإرهاق:- الو يا حبيبتي.
هاله:- عامل ايه يا حبيبي طمني عليك؟ وصلت لأي حاجه؟
شهاب مسح وشه بتعب وقال:- المسأله شكلها مطوله لحد ما التقرير يطلع.
هاله :- كلها أسبوع والتقرير يكون عندك، وانا كمان هحاول بأسرع وقت اكون قارنت مواصفات خط الإعتراف واشوفها متطابقه ولا لأ؟
شهاب:- إن شاء الله؛ المهم انتي فين دلوقتي؟
هاله :-انا رحت جبت يوسف من عند ماما وطالعه على البيت؛ انت هتتأخر؟!
شهاب بحيره:- مش عارف.
هاله بشك:- مالك يا شهاب في حاجه مضايقاك؟ حاسه من صوتك انك مضايق.
شهاب:- والد كِتارا مشتبه فيه هو كمان يا هاله.
هاله بتفهم:- اممم، لأ فعلا شكل القضية مطوله زي ما أنت قولت، بس فين المشكله اللي ملخبطاك؟
شهاب:- اولاد كِتارا، مين اللي هيتكفل بيهم الفتره دي؟ جدهم مشتبه فيه ووالدة سراج سيده مسنه و والدت المجني عليها واخواتها برا مصر، ودول اطفال صغيرين قد يوسف مش عارف اعمل ايه اسلمهم للدار ولا.......!
هاله بتفكير:- حبيبي انت ممكن تضمنهم لحد ما نشوف حل يا ريت تجيبهم معاك؛ اهو يتسلوا مع يوسف حرام مامتهم وباباهم صدمه كبيره بالنسبه ليهم.
شهاب أبتسم:- خلاص يا حبيبتي حضري بقى العشا لاني لما ارجع هاكون جعان جداً.
هاله بإبتسامة:- وهو كذلك ي سياده المقدم، في الانتظار.
شهاب:- باي يا حبيبتي.
:- باي باي يا حبيبي.
شقة شهاب.
ساكن في الدور السابع، وصل شهاب ونزل من العربيه ومعاه اولاد كِتارا، الياس وايلين، اللي لحد دلوقت مش عارفين ايه اللي حصل وايه اللي تم وهما بيعملوا ايه مع شخص بالنسبه لهم غريب؟ واول مره يشوفوه طلع بيهم الاسانسير كانت البنوته دايما بتبص على شهاب والولد ساكت تماماً، ايلين ملامحها اغلبها كِتارا شعرها اصفر وعيونها عسلي فاتح اما إلياس شعره بني وعيونه بني قاتم تشبه سراج والده، شهاب ابتسم للبنت ولعب في شعرها وخرجوا من الاسناسير، بيفتح باب الشقه وقاطعه سؤال ايلين:- هو انت هتم*وتنا؟!
شهاب انتبه ولف لها بتركيز وقال بتعجب:- ليه بتقولي كده؟!
ايلين:- علشان حضرتك سرقتنا ممكن ترجعنا لماما؟!
شهاب بتنهيده نزل على رجليه ومسك كتافها وقال:- اولا انا عمو شهاب أبقى صاحب باباكي سراج، لكن انتوا ما تعرفونيش، ثانياً بقى أنا مش سرقتكم؛ أنا جايبكم معايا هنا علشان تتعرفوا على يوسف ابني هو قد الياس بالضبط.
الياس كان حاسس ان في حاجه غلط وسأل شهاب وقال:- هو ايه اللي حصل؟! وماما راحت فين؟!
شهاب حاول يبتسم مع انه زعلان عليهم وقال:- ندخل بس البيت لان الجو ساقعه ونتكلم براحتنا وهجاوبكم على كل اسألتكم ايه رايكم موافقين؟
الياس وايلين بصوا لبعض وهزوا راسكم بالموافقه لأنهم مجبرين.
هاله بترص اطباق الاكل على السفره وقالت:- يوسف يا حبيبي هات العيش من عندك وتعالى لان بابا على وصول.
يوسف شايل سبت صغير فيه العيش وبيجري وقال:- اتفضلي يا ماما.
الباب اتفتح ويوسف كان بيضحك لأن باباه ما شافوش من يومين لكن ابتسامته اختفت واتحولت لاستفسار مين اللي مع بابا دول؟ اول مره يشوفهم.
شهاب دخل وبيشاور لهم بالدخول وقفل الباب وقال:- تعالوا ياولاد هاعرفكم على يوسف وطنط هاله.
هاله كانت زعلانه علشانهم لكن ابتسمت وراحت سلمت على شهاب وقالت:-حمد لله على السلامه يا حبيبي.
شهاب بابتسامه الله يسلمك يا هاله.
وشاور ليوسف اللي جري يسلم عليه ويوسف في سؤال:- بابا مين دول؟!
شهاب مسك ايد ايلين والياس وقال:- دول يا سيدي اولاد واحد صاحبي وهيشرفونا كام يوم كده لحد ما يرجع، تعالى اعرفك،، الياس ده يوسف ابني ودي ايلين يا يوسف سلم عليهم.
يوسف سلم على الياس وقال:- ازيك يا الياس تحب تلعب باللعب بتاعتي انا عندي رشاشات كتير.
ايلين بتتاوب بنعاس وقالت:- انا عايزه ماما.
هاله عيونها لمعت وحضنتها وقالت:- يا حبيبتي يا بنتي.
ايلين :-حضرتك طنط هاله؟! انتي حلوه قوي.
هاله بابتسامه:- ياروحي وانتي قمر، تعالوا بقى اتعشوا وبعدين ادخلوا ناموا.
هاله اتحركت خطوه لكن ايلين مسكت ايدها وقالت بخوف:- هي ماما ما*تت؟
نزلت هاله على ركبها وضمتها بدموع وقالت:- مين اللي قالك الكلام ده يا حبيبتي.
ايلين ببراءه:- عمو اللي هناك قالي مامتك ما*تت راحت عند ربنا.
إلياس بغلظه:- بس يا ايلين متقوليش كده تاني ماما عايشه، هي بس في الشغل وبابا رجع سافر وهيرجعوا وعمو ده كداب لو سمعتك بتقولي كده تاني انا مش هاتكلم معاكي..
ايلين ببكاء:- عمو هو اللي قالي كده يا الياس انا عايزه ماماااا، عايزه مامااااا
رق قلب شهاب وهاله لهم وحاولوا يحتووهم وشهاب قال:- طيب اللي هيتعشى وياكل كويس هاخليه يتكلم مع ماما وبابا ايه رأيكم؟! ديل كويس أهو.
ايلين مسحت دموعها وضحكت بأمل وقالت:- بجد يا عمو شهاب؟!
:-بتنهيده اكتفى بهز راسه ليهم واخدهم عند السفره،كانوا بيتعشوا في صمت شهاب غرقان في افكاره، وهاله محتاره وزعلانه علشان خاطر الاطفال البريئه اللي اتيتموا في لحظه، بعد كده النوم غلبهم الياس وايلين وكمان يوسف ناموا في اوضه الأطفال، هاله رايحه لشهاب في اوضتهم وكان بيشرب سجاير وقهوته وشكله مخنوق وجواه افكار كتير وهي قالت:- وبعدين يا شهاب حاول تروق هي يعني اول قضيه؟!
شهاب:- لأ يا هاله لأ، مش اول قضيه، بس المشكله ان مفيش بصمات ما فيش علامه ولا دليل قوي، الشقه ما فيهاش اي شيء يشكك في اي حاجه، كل الادله عباره عن كلام شفهي مفيش دليل قاطع، والاغرب من كده انها معترفه انها هتنتحر بإرادتها.
هاله:- عندك حق بس كلها أسبوع وتقرير الطب الشرعي يظهر ولو في سبب حقيقي وقتها هنعرف.
شهاب نفخ بحيره:- طيب والاولاد انت هتقدري تخليهم الكام يوم دول وهتتحمليهم؟
هاله:- ما تقلقش طول ما ماما موجوده، أنت عارف أنها قد إيه بتحب الأطفال وخصوصاً في عمر يوسف ولو عرفت حكايتهم أكيد هتزعل علشانهم دي مش بعيد كمان تقولي أنها هتتبناهم ههههه، ما تقلقش كل حاجه هتكون تحت السيطره.
شهاب:- إن شاء الله
بعد كام يوم في القسم.
العسكري خبط ودخل قال:- تمام يا فندم.
شهاب:- في ايه يا عسكري؟
العسكري:- والد المجني عليها مش ساكت يا فندم وعامل دوشه في الحبس ومش بيبطل صياح. وفيصل، ده غير المتهم سراج كل شوية بيسأل عن ولاده نعمل إيه سعادتك؟
شهاب هز راسه وقال:- سيبهم شويه، كلها كام يوم ونوصل للحقيقه.
هاله في المعمل بتكشف بين تطابق الخط وقلعت النضاره وقالت بحزن:- نفس الخطين متطابقين للاسف كِتارا كده منت*حره مش مجني عليها.
حطت الورقه قدامها بتأفف وجت تحت ضوء الكشاف وجت تلف ضهرها لكن لمحت حاجه خلتها تلف بسرعه وبصت على الامضاء بتركيز كويس قوي، كشرت عينيها وقالت:- X -----------يتبع
كِتارا بقلم:- مريم نصار
غلاف:- زهرة

تعليقات✍️ أضف تعليقًا
إرسال تعليق