قصص وروايات مريم نصار

قصص وروايات مريم نصار: المدونة الرسمية للكاتبة والروائية المصرية مريم نصار. هنا تقرئين حكايات تلمس القلب وتشبه تفاصيل حياتنا: روايات وقصص تجمع بين الرومانسية والدراما والتشويق، بأسلوب قريب من القارئ وشخصيات تعيش معك بعد الفصل الأخير. تُنشر كل رواية فصلًا بفصل بترتيب منظم ومريح للقراءة، وتقدرين تتابعين الفصول الجديدة أولًا بأول. أهلًا بك في عالم مريم نصار.

الفصل الثامن عشر. زاد الآسمر


 


الفصل الثامن عشر

زاد الأسمر – الجزء الثاني


لأول مرة في حياته، كان رضوان يدخل قسم الشرطة بهذه الصفة.


لا كشاهد، ولا كمبلّغ، ولا لمساعدة أحد...


بل كشخص تحيط به الشبهات.


توقفت السيارة أمام مبنى القسم، ونزل منها رضوان برفقة القوة المرافقة. كان يحاول التماسك، لكن القلق الذي ينهش صدره لم يكن سهلًا؛ رفع عينيه إلى المبنى للحظة.


وشعر بانقباض في صدره.


لم يكن يعرف ماذا ينتظره في الداخل.


لكنه كان يدرك أن حياته لم تعد كما كانت قبل ساعات.



بعد دقائق، كان يجلس أمام ضابط المباحث داخل مكتبه. وضع الضابط محضر الضبط أمامه، ثم رفع عينيه إليه متفحصًا ملامحه.


ــ اسمك بالكامل؟


ــ رضوان قاسم العطار.


ــ سنك كام؟ وبتشتغل إيه؟


ــ تسعه وتلاتين سنة، محاسب في مصنع، وعندي مكتبة صغيرة.


دوّن الضابط بعض البيانات، ثم سأله:


ــ ليك أي علاقة بتجارة الأدوية أو المواد المخدرة؟


رفع رضوان عينيه إليه باستغراب واضح.


ــ لأ طبعًا. أنا عمري ما اشتغلت في حاجة زي دي.


ــ طيب، خلينا نبدأ من الأول. الصندوق اللي اتضبط معاك ده وصل لك إزاي؟


أخذ رضوان نفسًا عميقًا، وبدأ يشرح:


ــ أنا كنت خارج من شركة الحسيني، وقابلت واحد اسمه شادي. قال لي إنه ممرض في المستشفى اللي الدكتور فارس مديرها، وإن فيه أطفال مصابين ومحتاجين أدوية ومستلزمات طبية بشكل عاجل. كان متوتر جدًا، وقال إن فيه نقص في بعض الحاجات، وطلب مني أساعده في توصيل الصندوق للمستشفى.


قاطعه الضابط:


ــ استنى عندك... إنت بتقول إنه طلب منك تساعده في توصيل الصندوق، ولا طلب منك تتوسط له عند حد يوصله؟


تردد رضوان لحظة قبل أن يجيب:


ــ هو طلب مني اتوسطلة، بس أنا كنت رايح المستشفى أصلًا، فقلت آخده معايا.


ــ يعني إنت اللي قررت تنقله بنفسك؟


ــ أيوه.


ــ مع إنك أول مرة تشوف الراجل ده؟


ــ أيوه، بس هو قال إنه شغال في مستشفى الدكتور فارس. وأنا عندي علم بالحادثة مجاش في تفكيري أنه يكون نصاب. 


مال الضابط قليلًا إلى الأمام.


ــ وإنت تعرف كل العاملين في المستشفى؟


ــ لأ طبعًا.


ــ يبقى إيه اللي خلاك تثق في كلامه؟


تنهد رضوان وقال:


ــ أنا ما كانش عندي سبب أشك فيه. الراجل كان بيتكلم عن أطفال مصابين واحتياج المستشفى للأدوية، وأنا كنت رايح هناك فعلًا.


ــ طيب، شادي ده تعرف عنه إيه غير اسمه الأول وإنه قال لك إنه ممرض؟


ــ ولا حاجة. ما أعرفوش نهائي.


ــ طلبت منه أي بيانات تقدر توصلنا له بيها؟ رقم تليفون، عنوان، اسم كامل؟


ــ لأ يا باشا.


سجل الضابط إجاباته، ثم رفع عينيه إليه مجددًا.


ــ أوصفهولي.


حاول رضوان استرجاع ملامح الرجل.


ــ شاب، في أواخر العشرينات أو أوائل التلاتينات تقريبًا... مش فاكر تفاصيل كتير.


ــ قابلته فين بالظبط؟


ــ الأول جوه الشركه بعدها خدت منه الصندوق بره الشركة.


ــ فيه أي حاجة لفتت نظرك وقتها؟ عربية، أشخاص، أي تفصيلة ممكن تساعدنا نوصله؟


هز رضوان رأسه.


ــ لأ يا باشا. ما ركزتش في أي حاجة.


تأمله الضابط للحظات، ثم انتقل إلى نقطة أخرى.


ــ الصندوق كان مقفول لما استلمته؟


ــ أيوه.


ــ فتحته؟


ــ أيوه، فتحته قبل ما أتحرك.


ــ وشوفت إيه؟


ــ علب أدوية ومستلزمات طبية عادية. ما شفتش حاجة غريبة.


ــ فتحت علب الأدوية نفسها؟


ــ لأ، أنا شوفت العلب من بره.


ــ يعني إنت شوفت شكل العبوات، لكن ما تحققتش من محتواها؟


أطرق رضوان قليلًا قبل أن يجيب:


ــ أيوه، ما فتحتش كل علبة. ما كانش عندي سبب أعمل كده.


أغلق الضابط القلم بين أصابعه، وقال بجدية:


ــ ودي نقطة مهمة يا رضوان. لأن المعاينة الأولية للصندوق كشفت عن وجود مواد مخدرة مخبأة داخل عبوات أدوية عادية. يعني اللي ظاهر من بره مش بالضرورة يكون هو اللي جواها.


اتسعت عينا رضوان بصدمة.


ــ أنا والله ما أعرف يا باشا. أنا شوفت أدوية عادية، ولو كنت أعرف إن فيه حاجة زي دي ما كنتش لمست الصندوق أصلًا.


ــ أنا بسألك عن اللي حصل، مش بطلب منك تكرر إنك ما تعرفش. عايز أفهم تصرفاتك بالتفصيل.


ثم سأله:


ــ شادي كان عارف إنك هتفتح الصندوق؟


ــ أيوه، كان موجود وأنا بفتحه.


ــ واعترض؟


ــ لأ.


ــ قال لك ما تفتحوش أو حذرك من حاجة جواه؟


ــ لأ خالص.


دوّن الضابط الإجابة، ثم عاد إلى نقطة أخرى:


ــ إنت اتصلت بالدكتور فارس قبل ما توصل المستشفى، صح؟


ــ أيوه.


ــ ليه؟


ــ علشان أبلغه إني في الطريق، وإن معايا الطلبية اللي استلمتها من الممرض.


ــ وهو كان عارف إن فيه طلبية جاية؟


ــ لأ، اتفاجئ لما كلمته.


ــ يعني الشخص اللي سلّمك الصندوق قال لك إنه تابع للمستشفى، لكن مدير المستشفى نفسه ما كانش عنده أي علم بالشحنة؟


ظهر الارتباك على وجه رضوان.


ــ أنا ما كنتش أعرف إنه مش عارف. أول ما اتصلت بيه وفهمته، هو قال لي إنه ما طلبش حاجة.


ــ وساعتها عملت إيه؟


ــ قلت له إني جاي له، ويمكن الادراة نسيت تبلغه لأنه كان مشغول بسبب الحادثه. 


ــ وليه ما رجعتش الصندوق للشخص اللي سلّمهولك؟


ــ أنا كنت اتحركت بالفعل، وكمان ما كانش عندي سبب أرجع له. كنت هروح للدكتور فارس وأفهم منه الموضوع.


ظل الضابط ينظر إليه دون تعليق، ثم سأله:


ــ أخدت أو اتفقت على أي مقابل مادي؟ أو طلب منك تسليم الصندوق لشخص بعينه؟


ــ لأ يا باشا. قال لي أوصله للمستشفى وبس.


ــ طيب، هل سبق ونقلت أدوية أو مستلزمات طبية للمستشفى قبل كده؟


ــ لأ، دي أول مرة.


أعاد الضابط فتح محضر الضبط، وراجع بعض البيانات قبل أن يقول:


ــ بص يا رضوان، أنا هراجع كاميرات الشركة ومكان المقابلة والطريق، وهنتحقق من شخصية شادي وعلاقته بالمستشفى. كمان هنسمع أقوال الدكتور فارس، ونراجع سجل المكالمات بينك وبينه. لكن لازم تفهم إن وجود الصندوق في حيازتك، وبداخله مواد مخدرة، بيخلّي الواقعة جدية ولازم نحقق فيها كويس.


رد رضوان بسرعة:


ــ وأنا مش معترض على التحقيق يا باشا، بس أنا مظلوم. أنا ما أعرفش الراجل ده، ولا أعرف إيه اللي كان جوه الصندوق.

ولو الكاميرات جابت شادي وهو بيسلمني الصندوق، ده مش هيثبت إني ما كنتش أعرف اللي جواه؟


أجابه الضابط بهدوء:


ــ هيثبت إنك استلمته منه، وده جزء من الواقعة. لكن مسألة علمك بمحتواه دي محتاجة أدلة وقرائن تانية. أنا مش هقدر أحكم من دلوقتي، لا لصالحك ولا ضدك.


ثم أضاف وهو ينظر إلى الملف:


ــ وفيه سؤال لسه محتاج إجابة: ليه شادي اختارك إنت بالذات؟ شخص غريب عنك، وإنت كمان غريب عنه، ومع ذلك سلّمك صندوق بالشكل ده علشان توصله لمستشفى من غير أي مستندات أو بيانات؟


هز رضوان رأسه بعجز.


ــ والله ما أعرف يا باشا. هو اللي طلب مني، وأنا وافقت علشان كنت رايح هناك. ما جاش في بالي إن الموضوع ممكن يكون فيه حاجة بالشكل ده.


ظل الضابط صامتًا للحظات، ثم أغلق الملف أمامه.


ــ تمام. هنثبت أقوالك زي ما قلتها، وهنستكمل التحريات ونراجع الكاميرات. ولو افتكرت أي تفصيلة عن شادي، أو مكان مقابلته، أو أي حاجة قالها لك، لازم تبلغنا بيها.


ثم أشار إلى المحضر.


ــ امضي على أقوالك.


تناول رضوان القلم، كان يشعر أن كل إجابة قالها قد تُفهم بأكثر من طريقة، وأن الحقيقة التي يعرفها وحده لا تكفي لإثبات براءته ما لم يتمكنوا من الوصول إلى شادي.


وبعد انتهاء التحقيق الأولي، اتُّخذت الإجراءات القانونية اللازمة تمهيدًا لعرضه على النيابة العامة، بينما ظل رضوان جالسًا في انتظار استكمال الإجراءات.


لم يكن يفكر في نفسه بقدر ما كان يفكر في حبيبة.


لقد وعدها أن يذهب إليها، ولا بد أنها تنتظره الآن.


******


في هذه الأثناء، كان فارس يترجل من سيارته أمام القسم، ليجد نادر واقفًا بجوار سيارته ينتظره. تبادلا نظرة سريعة، ثم اتجها إلى الداخل بخطوات متعجلة.


راحا يسألان هذا وذاك عن رضوان، متنقلين بين المكاتب والممرات الضيقة، حتى لمح نادر فجأة باب أحد المكاتب يُفتح، ويخرج منه رضوان بصحبة أحد العساكر.


أشار إليه على الفور وقال:


ــ رضوان هناك.


التفت فارس في الاتجاه الذي أشار إليه، وما إن وقعت عيناه على رضوان حتى اندفع نحوه بسرعة.


توقف أمامه مباشرة وقال بقلق واضح:


ــ إيه اللي حصل يا رضوان؟


رفع رضوان رأسه إليه.


كان يبدو في حالة يُرثى لها.


وجه شاحب، وعينان تائهتان، وكأن عقله ما زال عاجزًا عن استيعاب ما جرى.


ثم قال بصوت خافت مرتبك:


ــ أنا نفسي مش عارف يا فارس... إيه اللي بيحصل. الظاهر كده إني وقعت.


هز فارس رأسه فورًا رافضًا تلك الفكرة.


ــ ما تقولش كده. أكيد ده سوء تفاهم... وهيتصلح.


ابتسم رضوان ابتسامة باهتة خالية من أي أمل حقيقي.


وقال:


ــ يا ريت يا فارس... يا ريت.


ثم سكت للحظة قبل أن يرفع عينيه إليه.


كانت نظرة ممتلئة برجاء موجع.


نظرة إنسان يتمسك بآخر خيط من الطمأنينة.


وقال بصوت متحشرج:


ــ يا رب ما تكونش دي النهاية.


شعر فارس بوخزة في صدره.


فربت على كتفه بحزم وقال:


ــ متقلقش.


ثم أضاف قبل أن ينطق رضوان بأي سؤال:


ــ حبيبة بخير.


اتسعت عينا رضوان قليلًا.


وسأله بسرعة:


ــ عرفت؟


أجابه فارس بهدوء:


ــ لا... هى ما تعرفش أي حاجة.


ثم نظر إليه بتركيز وأردف:


ــ وأنا مش عايزك تفكر في أي حاجة تشتت تركيزك دلوقتي. عايزك بس تحكيلي... إيه اللي حصل معاك بالظبط؟


تنهد رضوان بتعب.


وقال:


ــ ما أنا قلتلك كل حاجة يا فارس.


اقترب فارس منه خطوة وقال بنبرة جادة:


ــ لأ يا رضوان. أنا قصدي قبل اللي حصل. الأيام اللي فاتت... لاحظت حاجة غريبة؟ حد تواصل معاك؟ حسيت إن حد بيراقبك مثلًا؟


أطلق رضوان ضحكة قصيرة ساخرة، خالية من أي مرح.


ثم قال بيأس:


ــ ومين أنا في الدنيا دي علشان حد يراقبني يا فارس؟ أنا واحد ماشي جنب الحيط... ومليش مشاكل مع أي حد.


رأى فارس مقدار الإحباط المنعكس في عينيه.


ذلك الانكسار الذي يحاول صاحبه إخفاءه عبثًا.


فقال محاولًا بث الطمأنينة داخله:


ــ طيب... بصلي هنا.


رفع رضوان عينيه إليه.


فأكمل فارس بثبات:


ــ أنا مش عايزك تقلق. أنا جنبك، وكل حاجة إن شاء الله هتتحل.


تدخل نادر مؤيدًا:


ــ اطمن يا رضوان. كل مشكلة وليها حل. وإن شاء الله هتخرج منها على خير.


أطرق رضوان برأسه يتمتم:


ــ يا رب يا نادر... يا رب.


في تلك اللحظة اقترب العسكري منهم.


حرك يده مشيرًا إلى رضوان المقيد بالأصفاد وقال بعملية:


ــ يلا يا أستاذ... امشي معايا.


ساد الصمت للحظة.


نظر رضوان إلى الاثنين وقال بصوت مختنق:


ــ انا هفضل في الحجز هنا لحد ما يخلصوا الإجراءات... وبعدها هيعرضوني على النيابة؟


ضاقت ملامح فارس تأثرًا بما يسمعه.


لكنه أخفى مشاعره سريعًا وقال:


ــ اطمن... ومتخافش.


ثم أردف بثقة:


ــ أنا هطلع على الشركة وأراجع الكاميرات. وشادي هيتجاب. متشغلش بالك. وكمان هقوملك أكبر محامي.


ظل رضوان ينظر إليه لثوانٍ.


وكأنه يحاول أن يتمسك بكلماته قبل أن يُسحب بعيدًا.


ثم قال:


ــ حبيبة يا فارس...


رفع فارس عينيه إليه مباشرة.


وقال دون تردد:


ــ في أمانتي يا رضوان.


ثم أضاف بحزم:


ــ فكر في نفسك بس.


هز رضوان رأسه بامتنان.


قبل أن يتحرك مع العسكري مبتعدًا.


وبقي فارس يتابعه بنظراته حتى اختفى خلف أحد الممرات.


***


بعد ذلك أدلى فارس بأقواله في المحضر، وأجاب عن كل الأسئلة المطلوبة، ثم خرج أخيرًا من القسم بصحبة نادر.


توقف الاثنان بجوار سيارة فارس.


كانت ملامح القلق والإرهاق بادية على وجهه بوضوح.


تنهد نادر وسأله:


ــ والعمل يا فارس؟ ناوي على إيه؟


أطرق فارس رأسه للحظة.


ورفع يده يفرك مقدمة أنفه بين أصابعه في محاولة لترتيب أفكاره المبعثرة.


ثم قال بحيرة:


ــ لازم أطلع على الشركة.


وسكت لثوانٍ قبل أن يكمل:


ــ وبرضه لازم أكون في المستشفى جنب حبيبة.


تنهد بعمق وأردف:


ــ مش عايزها تعرف.


نظر إليه نادر نظرة واقعية.


وقال:


ــ هو اللي إنت بتقوله ده ممكن يا فارس؟ صعب إنها ما تعرفش.


ظل فارس صامتًا للحظات.


فهو أكثر شخص يعرف أن الوقت لا يعمل لصالحه.


الإجراءات ستأخذ وقتًا.


والأخبار تنتشر أسرع مما ينبغي.


لكنه رغم ذلك تمسك بأمله الأخير.


وقال:


ــ سيب كل حاجة لوقتها.


ثم رفع عينيه إليه وأضاف:


ــ المهم دلوقتي... شوفلي المحامي واتواصل معايا أول بأول يا نادر.


وأردف بإصرار:


ــ أنا عايز رضوان يخرج في أسرع وقت ممكن.


حرك نادر رأسه موافقًا.


ــ حاضر. بس أنا جاي وراك الشركه. 


بعدها استقل كلٌ منهما سيارته.


انطلق فارس أولًا مسرعًا، وكأن كل دقيقة تمر تزيد من شعوره بالاختناق.


أما نادر فظل واقفًا لثوانٍ قبل أن يدير محرك سيارته.


لكن عينيه توقفتا فجأة على شيء في الجهة المقابلة.


شيء جعله يقطب حاجبيه بشدة.


ثبت نظره للحظات.


ثم ضاقت عيناه وهو يحاول التأكد مما رآه.


ظل يحدق في مكانه بصمت...


هل كانت مجرد صدفة؟


أم أن ما حدث لم يكن عشوائيًا كما بدا؟


********


وفي مكانٍ آخر...


كانت سيارة سوداء تقف غير بعيد عن بوابة فيلا حسين.


ساكنة تمامًا، كأنها قطعة من الظلام اندمجت داخله.


وخلف المقود جلس فريد صامتًا، وعيناه مثبتتان على البوابة الخارجية للفيلا دون أن تحيدا عنها.


يتأملها في سكونٍ غريب...


وكأن شيئًا ما ينتظره هناك.


أو ربما...


شخصًا بعينه.


كان الشوق ينهشه على نحوٍ لم يعتده.


شوق امتزج بالتملك.


بالرغبة.


وبذلك الإحساس المريض الذي لا يعرف كيف يتخلى عنه أبدًا.


زاد.


كل ما كان يفكر فيه الآن هو رؤيتها.


أن تقع عيناه عليها.


أن يتأكد أنها ما زالت هناك.


وأنه ما زال قادرًا على الوصول إليها متى أراد.


وقبل أن يترجل من السيارة...


أضاءت شاشة هاتفه.


ظهرت صورة الجيار.


تأمل الاسم لثانية، ثم رفض المكالمة.


وسرعان ما ضغط على الاتصال المرئي.


ظهرت الصورة أمامه.


مكان خالٍ بعيد عن العمران.


شادي واقف في المنتصف.


وبالقرب منه تايسون والجيار.


كانوا يتبادلون الكلمات والضحكات القصيرة.


أما شادي...


فلم يكن يعلم أنها آخر لحظات حياته.


ظل فريد يشاهد بصمت.


دون أن يرمش.


ودون أن يظهر على وجهه أي انفعال.


وفجأة...


رفع الجيار سلاحه.


ودوى صوت الطلقة.


اتسعت عينا شادي بصدمة، وترنح للخلف قبل أن يسقط على الأرض بلا حراك.


صريعًا.


في لحظة واحدة.


ظل فريد يتابع المشهد كمن يشاهد أمرًا عاديًا لا يستحق الاهتمام.


بينما انحنى الجيار قليلًا، وأعاد السلاح إلى جيبه، ثم رفع رأسه نحو الهاتف وقال:


ــ حصل يا كبير... كده الدليل الوحيد لبراءة رضوان اختفى.


لم تتغير ملامح فريد.


بل أجاب ببرودٍ مخيف:


ــ ولعوا في الجثة.


وأخفوه من الوجود يا جيار.


ساد الصمت لثانية.


بينما تبادل تايسون والجيار نظرة سريعة.


لم تعجب أيًّا منهما نبرة فريد.


لكن الاعتراض لم يكن خيارًا.


حرك الجيار رأسه بالموافقة، وبدأ هو وتايسون في تنفيذ الأوامر.


كل ذلك...


أمام عيني فريد.


الذي ظل يشاهد المشهد كاملًا دون أن يهتز له جفن.


كأن الرجل الملقى على الأرض لم يكن روحًا أُزهقت منذ لحظات.


بل مجرد أثر يجب التخلص منه.


ثم أغلق الاتصال.


وأعاد الهاتف إلى جيبه.


وترجل من السيارة.


عدل ياقة بدلته بهدوء، ثم رفع عينيه نحو الفيلا.


واتجه إلى الداخل.


*******


في الداخل...


كانت زاد تجلس على الأرض مع قاسم.


تحيط بهما الأقلام والألوان وأوراق الرسم.


وكان الصغير يضحك بحماس وهو يستعرض رسوماته عليها.


أما هي...


فكانت تبتسم رغم كل ما يدور داخلها.


لكن ساعات اللعب الطويلة بدأت تغلبه.


فمال رأسه إلى الخلف أكثر من مرة وهو يحاول مقاومة النعاس.


ابتسمت بحنان، ثم نادت على الخادمة وطلبت منها اصطحابه إلى غرفته.


وبعد أن غادر قاسم...


جلست وحدها.


وأمسكت هاتفها تتصفح ما عليه بهدوء.


وقد بدأت تشعر بشيء من الراحة لأول مرة منذ سنوات.


لكن تلك الراحة لم تدم.


اختفت ابتسامتها فجأة حين شعرت بظلٍ يمتد فوقها.


تجمدت.


ورفعت عينيها ببطء.


فريد.


كان يقف أمامها.


يتقدم نحوها بخطوات هادئة.


ثابتة.


كأن المكان كله يفسح له الطريق.


جف حلقها.


وأغلقت شاشة الهاتف بسرعة.


ثم حاولت النهوض.


لكن الكلمات اختنقت داخلها.


أما هو...


فاكتفى بابتسامة صغيرة.


واقترب أكثر، ثم جذبها إليه دفعة واحدة وأطبق ذراعيه حولها.


ضامًا إياها إلى صدره بصورة امتلكت أنفاسها.


حتى إنها لم تعرف كيف تبتعد.


ولا كيف تتحرك.


وانخفض صوته بالقرب من أذنها:


ــ مفاجأة... مش كده؟


ابتلعت ريقها بصعوبة.


ثم دفعت نفسها للخلف أخيرًا فخرجت من بين ذراعيه.


بينما ظل هو يتأملها.


وكأن غيابها زاده تعلقًا بها.


ازدادت ابتسامته اتساعًا، وقال:


ــ أنا جيت خلاص.


جيت أخدك على بيتنا.


توترت أكثر.


وحاولت التماسك.


ــ حمد لله على سلامتك يا فريد.


مش كنت تتصل قبل ما تيجي تعرفني؟


رفع حاجبه.


ثم ابتسم.


ــ هو....مجيّتي لمراتي محتاج إذن ولا إيه؟


هزت رأسها بسرعة.


ــ مش قصدي...


قصدي إني مش مجهزة حاجتي للرجوع.


ممكن نخليها وقت تاني؟


قاطعها بإشارة بسيطة من رأسه.


وكأن الأمر حُسم بالفعل.


ــ يلا يا زاد.


يلا على البيت.


انقبض قلبها.


وقالت محاولة إيجاد أي مبرر:


ــ بس بابا مش هنا.


المفروض أستناه.


رفع يده.


وأمسك وجهها بين كفيه.


ثم نظر مباشرة إلى عينيها.


وقال بابتسامة أربكتها أكثر:


ــ أنا مبسوط أوي النهارده يا زاد.


مبسوط...


ومش عايز أي حاجة تغيّر مزاجي.


اطلعي البسي.


خمس دقايق تكوني قدامي.


أنا محضرلك مفاجأة...


هتعجبك أوي.


***


في الوقت نفسه...


داخل مكتب حسين المالكي.


انفتح الباب فجأة.


ودخل زيدان بخطوات سريعة دون استئذان.


ــ حسين باشا!


رفع حسين رأسه باستغراب وقال:


ــ مالك يا زيدان؟


وإيه اللي جابك هنا؟


وسبت شغلك هناك ليه؟


خرجت الكلمات من فم زيدان متوترة:


ــ رضوان...


رضوان اتقبض عليه يا باشا.


وقف حسين دفعة واحدة.


واتسعت عيناه بذهول.


ــ إنت بتقول إيه؟


رد زيدان بسرعة:


ــ اللي حصل يا باشا.


رضوان اتعمل له كمين...


وخدوه على القسم.


جلس حسين ببطء.


وكأن الصدمة سحبت القوة من جسده.


ــ مستحيل...


مستحيل.


ثم رفع رأسه فجأة وقال:


ــ إزاي؟


أنا مكلفك بمراقبته!


حماية رضوان كانت مهمتك يا زيدان!


إزاي يتمسك؟


فاهمني؟


لم يجد زيدان ما يقوله.


لكن حسين لم يكن يسمعه أصلًا.


فجأة...


شحبت ملامحه.


وهمس:


ــ زاد...


زاد بنتي.


أخرج هاتفه بسرعة.


واتصل بها.


مرة.


ومرة ثانية.


ولا رد.


فانتقل مباشرة إلى هاتف المنزل.


وجاءه صوت الخادمة:


ــ أيوه يا حسين بيه.


ــ زاد ما بتردش عليا ليه؟


تردد صوت المرأة للحظة.


ثم قالت:


ــ الست زاد مشيت يا حسين بيه.


تجمد حسين في مكانه.


ــ مشيت؟


مشيت فين؟


ــ فريد بيه جه خدها...


ومشيوا.


سقط الهاتف من بين أصابعه.


ووقف على الفور متجهًا نحو الباب.


لكن زيدان اعترض طريقه.


وأشار برأسه بالنفي.


ــ لا.


رفع حسين عينيه إليه.


وكان وجهه قد فقد ألوانه كلها.


هز رأسه بعدم تصديق.


وكأنه يرى الخطر يقترب أمامه خطوة بعد أخرى.


***


وفي شركة الحسيني...


كان فارس ونادر يجلسان أمام شاشة المراقبة.


يراجعان التسجيلات للمرة التي لا يعرفان عددها.


أعاد فارس أحد المقاطع.


فتوقف المشهد عند ظهور رضوان بالقرب من المصعد.


كان وجهه واضحًا للكاميرا.


أما شادي...


فكان يتعمد إبقاء ظهره في معظم اللقطات.


لكن الحذر لم يكن كافيًا.


بعد عدة دقائق من المراجعة، نجح فارس في التقاط أكثر من زاوية أظهرت ملامحه.


ثم أعاد التسجيل إلى الوراء.


ليظهر شادي وهو يركن سيارته بكامل هدوئه.


دون أي علامة تدل على عطلٍ أو أزمة.


دخل بعدها إلى الشركة.


وتحرك بحذر واضح، محاولًا تجنب الكاميرات كلما استطاع.


لكن بعض اللقطات كانت كافية.


ضغط فارس على إيقاف الصورة.


محدقًا في وجهه.


بينما مسح نادر وجهه بإرهاق وقال:


ــ دي مشكلة كبيرة لوحدها يا فارس.


أجابه فارس دون أن يرفع عينيه عن الشاشة:


ــ دي مصيبة... مش مشكلة.


تنهد نادر.


ــ بس الكاميرات جايبة إن رضوان هو اللي طلع وراه لحد العربية بنفسه.


وجايبة إنهم واقفين بيتكلموا عادي.


وكأنهم يعرفوا بعض.


وكمان سلّموا على بعض جوه الشركة.


ربنا يستر.


طيب وبعدين؟


ظل فارس صامتًا لحظة.


ثم قال:


ــ لازم نقابل المحامي في أسرع.


هو الوحيد اللي يقدر يفيدنا دلوقتي.



تردد نادر لحظة، وكأنه يزن كلماته قبل أن ينطق بها.


ثم قال:


ــ على فكرة يا فارس... في حاجة لاحظتها عند القسم، ومش عارف إذا كان تفكيري صح ولا غلط.


انعقد حاجبا فارس فورًا.


وقال بتركيز:


ــ إيه هي؟


عدل نادر وقفته وهو يسترجع ما رآه.


ثم قال:


ــ قبل ما أنت توصل القسم، أنا وصلت قبلك وكنت مستنيك.


ولما انت وصلت، شوفت عربية بعيدة شوية بتركن وراك.


ساعتها ما حطتش الموضوع في دماغي وقلت عادي.


صمت لحظة.


ثم أكمل ببطء:


ــ بس لما طلعنا من القسم، وأنت مشيت بعربيتك... لقيت نفس العربية دي اتحركت ومشيت وراك.


ساد الصمت مرة أخرى.


لكن هذه المرة كان أثقل.


أثقل بكثير.


شرد فارس للحظات وهو يسترجع كل ما حدث منذ بداية الأزمة.


ثم شبك أصابعه أمامه وضغط عليها بقوة.


وقد ازدادت ملامحه قتامة.


وقال بصوت منخفض:


ــ واضح إن الموضوع أكبر بكتير مما إحنا متخيلين يا نادر.


تبادل الاثنان نظرة قصيرة.


نظرة امتلأت بالقلق والشكوك.


لأن الاحتمالات التي بدأت تتشكل أمامهما لم تكن مطمئنة على الإطلاق.


إذا كان رضوان قد تعرض فعلًا لكمين مدبر...


وإذا كان هناك من يراقب تحركاته...


فمن يضمن أن الأمر سيتوقف عنده؟


شعر فارس بانقباض مفاجئ في صدره.


وفجأة قفز إلى ذهنه شخص واحد.


حبيبة.


اعتدل في وقفته سريعًا.


وكأن فكرة مخيفة داهمته دفعة واحدة.


ثم أخرج مفاتيح سيارته وقال بحدة:


ــ لازم أرجع المستشفى حالًا.


******


أما في فيلا فريد...


فكانت زاد تعبر الباب الرئيسي بخطوات بطيئة.


مترددة.


مثقلة.


كأنها لا تعود إلى منزل.


بل إلى سجن.


وكان فريد هو السجّان.


توقف بجوارها.


ثم مال نحوها هامسًا:


ــ اطلعي فوق.


وأنا شوية وطالع.


استائت من نبرته الآمرة.


لكنها لم تعلق.


وفي تلك اللحظة اقتربت إحدى الخادمات منها.


ورحبت بها بحرارة.


فابتسمت زاد مجاملة.


تحاول إخفاء ما يعتصر صدرها من خوف ورفض.


ثم استدارت.


وصعدت الدرج.


درجة...


ثم أخرى...


متجهة إلى غرفتها.


بينما كانت تشعر في أعماقها...


أن شيئًا ثقيلًا للغاية ينتظرها في الأعلى.


وما إن دفعت الباب ودخلت حتى توقفت للحظة.


جالت عيناها في أرجاء الغرفة.


نفس الأثاث.


نفس الجدران.


نفس التفاصيل التي قضت بينها أشهرًا طويلة.


لكن الغريب أنها لم تشعر بأي ألفة.


كأنها تدخل مكانًا غريبًا عنها.


مكانًا عاشت فيه كثيرًا...


لكنها لم تنتمِ إليه يومًا.


كان كل ركن فيه يذكرها بأوقات حاولت فيها التعايش مع واقع لم تختره.


وبحياة فُرضت عليها أكثر مما عاشتْها بإرادتها.


زفرت ببطء.


ثم وضعت حقيبتها فوق السرير.


وفتحتها.


وبدأت في إخراج ملابسها وترتيبها داخل الخزانة.


تحاول إشغال نفسها بأي شيء.


أي شيء يبعد عقلها عن وجوده في المنزل.


لكنها انتفضت فجأة.


وتجمدت مكانها.


حين التفت ذراعان حول خصرها من الخلف.


واقترب صوته من أذنها هامسًا:


ــ وحشتيني.


أغمضت عينيها لثانية.


شاعرة بذلك النفور الذي بات مألوفًا لها كلما اقترب أكثر مما تحتمل.


لكنها أخفته سريعًا.


وحاولت التملص من الموقف.


فقالت وهي تبتعد قليلًا:


ــ أنا جعانة... إيه رأيك ننزل نتعشى؟


عرف فورًا أنها تهرب.


كعادتها.


لكنه لم يعلق.


بل استدار إليها.


وأدارها نحوه برفقٍ مريب.


ثم ثبت عينيه داخل عينيها وقال:


ــ وماله؟


نتعشى.


أنا كمان جعان أوي...


ونفسي مفتوحة قوي النهارده.


ابتسمت مجاملة لا أكثر.


وقالت:


ــ طيب أنا هروح أبلغ الشغالة بسرعة.


***


وبعد قليل...


كانا يجلسان إلى مائدة الطعام.


أمام أصناف كثيرة أُعدت على عجل.


جلس فريد في هدوءه المعتاد.


يتناول طعامه باستمتاع.


بينما كانت عيناه تراقبان زاد دون انقطاع.


أما زاد...


فكانت تحرك الطعام في طبقها أكثر مما تأكل.


تتظاهر بالانشغال.


وتتظاهر بالجوع.


وتتظاهر بالهدوء.


بينما لم تكن تشعر بأي شيء من ذلك.


لاحظ فريد الأمر.


فقال بنبرة ساخرة خافتة:


ــ واضح إنك مش جعانة زي ما قلتي؟


انتبهت إليه.


ورفعت عينيها نحوه قبل أن تقول:


ــ أبدًا...


بس بفكر لو قاسم كان صاحي يقعد معانا شوية.


ارتشف قليلًا من الماء.


ثم قال بهدوء:


ــ مش مهم.


كشرت حاجبيها فورًا.


وقالت بعدم استيعاب:


ــ يعني إيه مش مهم؟


رفع كتفيه ببساطة.


ــ هشوفه بكرة.


مش هتفرق.


ازدادت دهشتها.


وقالت:


ــ معقول؟


المفروض والمتوقع منك بعد المدة دي يكون ابنك وحشك على الأقل.


استند إلى مقعده.


ثم نظر إليها نظرة مباشرة وقال:


ــ أنا ما وحشنيش غيرك وبس.


زائد إن قاسم نايم.


المفروض...


أعمل إيه؟


شبكت أصابعها أسفل ذقنها.


وقالت بجمود:


ــ المفروض إن المشاعر والأبوة دي تتحس من جواك...


مش أنا اللي أقولك المفروض تعمل إيه يا فريد.


ابتسم.


وأشار إليها بطرف إصبعه.


وقال بهدوء مخيف:


ــ وأنا مشاعري كلها قدامي هنا.


فهمت ما يقصده فورًا.


فأخفضت عينيها.


وأمسكت الشوكة.


وعادت للطعام بصمت.


بعد لحظات قال فجأة:


ــ ما سألتنيش إيه هي المفاجأة؟


رفعت نظرها إليه.


وقالت:


ــ لو سألتك هتجاوب؟


أكيد هتقولي لما ييجي وقتها.


ضحك بخفة.


وقال:


ــ لأ.


النهارده كل حاجة مباحة.


قولي واعملي اللي إنتِ عايزاه.


تأملته باستغراب.


ثم قالت:


ــ غريبة.


شكلك مبسوط فعلًا.


يا ترى إيه اللي مفرحك أوي كده؟


مخليك تتكلم طبيعي؟


ضحك هذه المرة أكثر.


وهز رأسه قائلًا:


ــ معقول إنتِ شايفاني مش طبيعي كل السنين دي؟


ثم ابتسم ابتسامة غامضة.

بس معلش...


أنا هعديها علشانك بس.


ثم أكمل وهو يقطع قطعة من الطعام:


ــ تعرفي؟


أكتر حاجة بتبسطني...


لما الدنيا ترجع كل واحد لمكانه الطبيعي.


نظرت إليه بعدم فهم.


كانت تشعر أن كلماته تحمل معنى خفيًا لا تدركه.


لكنها لم ترغب في الخوض أكثر في الحديث، فاكتفت بهزة خفيفة من رأسها وقالت:


ــ المهم إنك مبسوط.


ابتسم.

ـ جداً 


ثم قال:


ــ على العموم...


هقولك على المفاجأة اللي هى إني قريب هآخدك ونسافر الساحل.


أنا عايز أصفي دماغي.


وكل مشاغلي في حضنك هناك.


سكتت.


بينما ارتسمت ابتسامة صغيرة على شفتيه.


كان مستمتعًا بتوترها.


وفي أعماقه كان يشعر براحة غريبة.


كراحة صياد يعلم أن فريسته وقعت في المصيدة...


حتى وإن لم يسمع بعد صرخات سقوطها.


***


وفي أحد أركان الحجز...


جلس رضوان بصمت.


ظهره مستند إلى الجدار خلفه.


ورأسه مطرق إلى أسفل.


كأن ثقل العالم كله استقر فوق كتفيه دفعة واحدة.


لم يرفع عينيه نحو أحد.


ولم يحاول حتى مجاراة الأحاديث الدائرة حوله.


فقد كان غارقًا في دوامة من الذهول والأسئلة التي لا يملك لها إجابة.


يعيد اليوم من بدايته للمرة التي لا يعلم عددها.


كل تفصيلة.


كل كلمة.


كل خطوة.


كان يفتش في ذاكرته كمن يبحث عن نجاةٍ بين الركام.


كيف حدث ذلك؟


كيف؟


أين أخطأ؟


ومتى؟


ومن يكون شادي أصلًا؟


أسئلة لا تنتهي.


ولا إجابة واحدة بينها.


وأخذ يفكر في الاحتمال الذي كان يرفض الاقتراب منه.


ماذا لو ثبتت التهمة؟


ماذا لو فشل في إثبات براءته؟


ماذا لو استيقظ ذات يوم ليجد حياته كلها قد انهارت؟


لكن أكثر ما كان يمزقه...


لم يكن نفسه.


ولا مستقبله.


ولا حتى الخوف من السجن.


بل حبيبة.


حبيبته الصغيرة.


أخته التي تركها خلفه تواجه العالم وحدها.


كانت تعبة.


منهكة.


ومكسورة أصلًا.


وهو الآن عاجز عن الوصول إليها.


أو طمأنتها.


أو حتى مسح دمعة إن احتاجت إليه.


مهما كان فارس بجوارها...


فهو يظل خطيبًا.


ليس أخًا.


وليس السند الذي اعتادت أن تلجأ إليه طوال عمرها.


اشتدت قبضته فوق يديه.


ولمعت عيناه بقهر موجع.


ثم أفلتت من إحداهما دمعة ساخنة.


هبطت ببطء فوق وجنته.


ورفع رأسه إلى الأعلى.


لتخرج من صدره تنهيدة طويلة.


ثقيلة.


كأنها تحمل من القهر ما يكفي لتحطيم العظام وسحق الأرواح.


***


ومرت الليلة...


ثقيلة على الجميع.


حبيبة ما زالت نائمة.


وفارس غلبه الإرهاق فنام على المقعد المجاور لسريرها.


بينما بقيت الممرضة في مكانها تتابع حالتها.


***


وفي مكان آخر...


جلس حسين داخل غرفته.


يحاول التفكير في أي حل.


أي مخرج.


أي خيط يمكن أن ينقذ ما يحدث.


لكن كلمات زيدان عن خطورة الموقف كانت تطارده بلا رحمة.


***


أما فريد...


فكان نائمًا في هدوء غريب.


مستكينًا.


كأن شيئًا لم يحدث.


كأن روحًا لم تُزهق.


وكأن حياة رجل لم تُدفع نحو الهاوية بسبب أوامره.


وبجواره...


كانت زاد مستلقية فوق الفراش.


وعيناها مفتوحتان نحو السقف.


لا تنام.


ولا تفكر في شيء واضح.


فقط تشعر بذلك الاختناق الغامض الذي يضغط فوق صدرها.


قبضة خفية لا تعرف مصدرها.


لكنها تخبرها أن هناك كارثة تقترب.


***


أما نادر...


فلم يستطع النوم.


ظل مستلقيًا يتقلب في فراشه.


وعقله عالق بصورة فارس.


وهو يدافع عن حبيبة.


ويتشبث بها.


ويحارب العالم كله من أجلها.


وتسللت إلى رأسه فكرة مؤلمة.


لو كانت تيماء مكان حبيبة...


هل كان سيفعل معها الشيء نفسه؟


تنهد.


ثم أمسك هاتفه.


ودخل إلى صفحتها.


بحنين لم يمت تمامًا.


لكن ما إن ظهرت الصور أمامه...


حتى اشتعل الغضب داخله من جديد.


كانت تيماء قد نشرت مقطعًا من الجونة.


ترقص مع مجموعة من الفتيات والشباب.


وتضحك.


وتعيش حياتها وكأن شيئًا لم يكن.


ضغط على أسنانه بقوة.


وأغلق الهاتف.


وهو يشعر أن آخر ما تبقى منها بداخله يتحطم.


وللمرة الأولى...


اتخذ قراره الحقيقي.


تيماء يجب أن تخرج من قلبه للأبد.


***


وهكذا...


مرت الليلة.


ممتلئة بالخوف.


والوجع.


والأسئلة التي لم تجد إجاباتها بعد.


وحين اقترب الفجر...


أشرقت الشمس بتكاسل.


كأنها متعبة هي الأخرى من قسوة تلك الليلة.


خرج ضوءها خافتًا.


باهتًا.


يزحف ببطء فوق الشوارع والأسطح.


بينما ظل الوجع كما هو...


يسكن قلب رضوان.


ويجاور سرير حبيبة.


وحسين ينتظر ضربة لا يعرف من أين ستأتي.


أما القدر...


فلم يكن قد قال كلمته الأخيرة بعد.


فما حدث الليلة...


لم يكن نهاية شيء.


بل بداية كل شيء.


**********


فتحت حبيبة عينيها ببطء.


كان رأسها ثقيلًا، وعقلها يحاول بصعوبة أن يستوعب أين هي.


رمشت عدة مرات متتالية وهي تحدق في السقف أمامها، ثم أدارت رأسها ببطء تنظر حولها.


توقفت عيناها فجأة عند الكنبة المقابلة.


فارس.


كان مستلقيًا عليها، غافيًا في وضعية غير مريحة، وكأنه لم يغادر مكانه منذ ساعات طويلة.


عقدت حاجبيها بتشوش.


للحظة ظنت أنها تتخيل.


فركت عينيها بقوة.


ثم أعادت النظر.


لكنه كان ما يزال هناك.


حقيقيًا.


وليس مجرد وهم.


في تلك اللحظة، فُتح الباب ودخلت الممرضة.


وما إن انتبهت إلى استيقاظها حتى ابتسمت قائلة:


ــ صباح الخير يا دكتورة... عاملة إيه دلوقتي؟


نظرت إليها حبيبة بتشتت وأجابت:


ــ صباح الخير.


ثم سألتها مباشرة:


ــ هو أنا فين؟


أطلقت الممرضة ضحكة خفيفة وقالت:


ــ إنتِ في مستشفى الدكتور فارس.


رفعت حبيبة يدها إلى رأسها محاولة استجماع أفكارها.


وهمست لنفسها:


ــ أنا لسه هنا بعمل إيه؟


ثم رفعت رأسها تسأل باستغراب:


ــ و ليه الدكتور فارس موجود هنا؟


أجابت الممرضة ببساطة:


ــ الدكتور فارس من إمبارح جنبك. والدكتورة زميلتك اسمها لبنى كانت هنا، لكن مشيت بعد فترة. وأنا والدكتور فضلنا معاكي. لكن الدكتور غلبه النوم.


ازدادت حيرتها أكثر.


ــ ليه كل ده؟ هو في إيه؟


سكتت لحظة ثم سألت:


ــ وبعدين... أنا ليه هنا أصلًا؟ المفروض رضوان جاي.


وفجأة انتبهت إلى ضوء الشمس المتسلل من خلف الزجاج.


استدارت تنظر إليه.


ثم سألت بقلق:


ــ إحنا تاني يوم... مش كده؟


ابتسمت الممرضة وأومأت:


ــ أيوة بالظبط.


شعرت حبيبة بشيء بارد ينساب داخل صدرها.


تمتمت باضطراب:


ــ رضوان...


رضوان.


ثم رفعت رأسها بسرعة.


ــ إمبارح قالي إنه جاي.


وبعدين...


أنا ليه ما روحتش معاه؟


وضغطت على رأسها محاولة تذكر ما حدث.


آخر ما تتذكره كان العشاء.


والمحلول الذي ركبه لها فارس.


وبعدها...


لا شيء.


فراغ كامل.


وفجأة اتسعت عيناها بصدمة.


وفي اللحظة نفسها كان فارس قد استيقظ على صوتها.


اعتدل جالسًا وهو يمرر يديه على وجهه بإرهاق واضح. 


لكنها لم تمنحه فرصة للكلام.


نهضت بسرعة واتجهت نحوه.


وجلست أمامه مباشرة.


وقالت بقلق متزايد:


ــ فارس... أنا هنا ليه؟


وإزاي فضلت هنا بعد ما رضوان كان جاي ياخدني؟


إزاي عدى يوم كامل؟


رفع عينيه إليها.


لكن الكلمات خانته.


فزاد اضطرابها أكثر.


وقالت بانفعال:


ــ إنت ساكت ليه؟


ثم التفتت حولها فجأة.


ــ تليفوني فين؟


رضوان أكيد اتصل عليا كتير.


إزاي يسيبني هنا كل ده؟


أشار فارس للممرضة بهدوء.


ففهمت الإشارة وخرجت تاركة لهما الغرفة.


تنهد ثم قال:


ــ حبيبة... ممكن تهدي شوية؟


نظرت إليه بحدة.


ــ أهدى إزاي؟


أهدى إزاي وأنا مش فاهمة حاجة؟


أمسكت هاتفه وفتحت الشاشة.


ثم نظرت إلى الوقت واتسعت عيناها.


ــ الساعة تسعة يا فارس!


طيب رضوان جه وما خدنيش معاه ليه؟


وليه أنا مش فاكرة حاجة؟


وليه حاسة إن قلبي مش مرتاح؟


وإزاي أنا فضلت هنا وإنت موجود هنا معايا في أوضة واحدة؟


أنا مش فاهمة حاجة.


حاسة إني متخدره ومش عارفة أفكر.


وفجأة لمحَت هاتفها بجوار محفظة فارس.


التقطته بسرعة.


وكان مغلقًا.


فتحته على عجل وهي تتمتم:


ــ يا لهوي... التليفون مقفول من إمبارح.


زمان رضوان قلقان عليا.


دي عمرها ما حصلت.


بدأت الرسائل تظهر أمامها تباعًا.


فتوقفت عند آخر رسالة.


وقالت بدهشة:


ــ آخر حاجة رضوان باعتلي كانت الساعة تمانية.


ولما كلمني إمبارح كان بعد الوقت ده تقريبًا.


ومن وقتها ما اتصلش تاني.


غريبة...


رفعت عينيها إلى فارس.


كان ما يزال صامتًا.


فزاد صمته خوفها أضعافًا.


وصاحت فيه:


ــ إنت ساكت ليه؟


فاهمني... إيه اللي بيحصل هنا؟


ضغطت زر الاتصال.


مرة.


واثنتين.


وثلاثًا.


وفي كل مرة...


الهاتف مغلق.


شعرت بقلبها ينقبض بعنف.


فنهضت واقتربت منه.


وقالت بصوت مرتجف:


ــ إنت ساكت ليه؟


هو رضوان تليفونه مقفول ليه؟


وليه بعد ما ركبتلي المحلول إمبارح ما حسيتش بنفسي؟


ودلوقتي إنت نايم هنا؟


ليه؟


خفض فارس رأسه.


وعجز للحظة عن النظر في عينيها.


فصرخت فيه:


ــ رضوان فين يا فارس؟!


أخذ نفسًا طويلًا.


ثم أمسك يدها وأجلسها بجواره.


وقال بهدوء:


ــ أنا عايزك تهدي... ممكن؟


هزت رأسها بعنف.


ــ متقوليش اهدي.


الكلمة دي بتعصبني.


قولّي رضوان جه ولا مجاش؟


وتليفونه مقفول ليه؟


مرر يده في شعره بتوتر.


ثم قال ببطء:


ــ حبيبة...


أنا محتاجك تهدي شوية وتسمعيني للآخر.


لأن اللي هقوله مش سهل.


ولو فضلتي بالحالة دي...


مش هعرف أوصلهولك.


شعرت ببرودة تضرب أطرافها.


وبلعت ريقها بصعوبة.


امتلأت عيناها بالدموع.


وفجأة اجتاحت عقلها عشرات الاحتمالات المرعبة.


همست برعب حقيقي:


ــ رضوان حصله حاجة؟


عمل حادثة؟


جراله حاجة؟


رفع فارس رأسه بسرعة وقال:


ــ لأ.


لأ.


رضوان بخير.


وصحته زي الفل.


والله.


إهدي.


تفكيرك راح لبعيد خالص.


أغمضت عينيها للحظة.


ووضعت يدها فوق قلبها.


وقالت بأنفاس مرتعشة:


ــ الحمد لله.


ثم نظرت إليه مباشرة.


ــ طيب قولّي في إيه؟


ما تسكتش كده أرجوك يا فارس.


نظر إليها طويلًا.


وأدرك أن إخفاء الأمر لم يعد ممكنًا.


عاجلًا أم آجلًا... كانت ستعرف.


تنهد بعمق وقال:


ــ بصّي يا حبيبة...أول حاجة عايزك تعرفيها إن رضوان بخير.


لم تختفِ ملامح الخوف من وجهها.


بل ازدادت.


وقالت بقلق متصاعد:


ــ وبعدين؟


تنهد فارس ببطء.


وكأنه يبحث عن الكلمات الأقل قسوة.


ثم قال بهدوء:


ــ رضوان حصل معاه مشكلة.


سوء تفاهم.


بس هيتحل.


صدقيني هيتحل.


عقدت حاجبيها.


وازدادت حيرتها.


ــ مشكلة إيه؟


وضح كلامك.


أنا مش فاهمة حاجة.


نظر إليها للحظات.


ثم أجاب بهدوء:


ــ بصّي يا حبيبة... امبارح رضوان حصل معاه موقف صعب، والإجراءات خلتهم ياخدوه على القسم. بس صدقيني، أنا واثق إن الحقيقة هتظهر.


بس فيه دليل قوي.


وهنشتغل عليه.


وهيطلع منها.


اتسعت عيناها تدريجيًا.


وبدا وكأن الكلمات تحتاج وقتًا حتى تستقر داخل عقلها.


ثم همست بصدمة، وكأنها غير مصدقة لما سمعته:


ــ أخويا...


في القسم؟


رضوان محبوس؟


أسرع فارس قائلًا:


ــ ممكن تهدي علشان خاطري؟


هبّت واقفة دفعة واحدة.


وصرخت فيه: 


ــ فارس!


اللي أنت بتقوله ده مستحيل يتصدق.


أخويا رضوان؟!


أخويا...


أنا محبوس؟!


اللي إنت قولته ده جنان رسمي.



اقترب منها بخطوة.


وحاول أن يحتوي انهيارها قبل أن يزداد.


وقال بهدوء:


ــ اقترب منها وقال بهدوء:


ــ علشان كده ماكنتش عايز أقولك دلوقتي.


ولا تعرفي من الأساس.


بس الإجراءات هتاخد وقت...


ورضوان هيخرج منها.


صدقيني.


هيخرج منها.


ثم أشار إليها برفق وأضاف:


ــ والمفروض دلوقتي...


إن رضوان محتاجنا.


نكون جنبه..


كانت تنظر إليه وعيناها ممتلئتان بالصدمة.


تحاول استيعاب ما تسمعه.


تحاول أن تجد ثغرة صغيرة تنفي كل كلمة قالها.


لكن ملامح فارس الجادة كانت كافية لتحطم آخر آمالها.


ذهب عقلها بعيدًا.


ولم تعد تسمع بقية حديثه.


انهمرت دموعها بعنف.


وأخذت تهز رأسها رفضًا للتصديق.


ثم قالت بنحيب:


ــ رضوان... أخويا.


ــ أنا عايزة أشوفه يا فارس.


عايزة رضوان. هموت لو مشفتوش.


ونهضت فجأة متجهة نحو الباب.


لكن فارس لحق بها سريعًا.


وأمسك ذراعها برفق.


وقال:


ــ ممكن تستني؟


بقولك اهدي.


استدارت إليه وهي تبكي.


وصاحت:


ــ لأ.


مش ههدى.


إلا لما أشوف رضوان.


هتوديني ليه ولا أتصرف أنا؟


نظر إليها للحظات.


ورأى في عينيها نفس الإصرار الذي يعرفه جيدًا.


فعرف أن إقناعها بالتراجع مستحيل.


ثم قال مستسلمًا:


ــ طيب.


هعمل محاولة وأخليكي تقابليه.


بس عايز أقولك حاجة.


توقفت وهي تلتقط أنفاسها بصعوبة.


فأكمل بنبرة هادئة:


ــ لو رضوان شافك ضعيفة بالشكل ده...


هيضعف أكتر.


سكتت.


فأردف وهو ينظر مباشرة إلى عينيها:


ــ هو مش فارق معاه حاجة قد ما إنتِ فارقة معاه.


وده الوقت اللي أخوكي محتاج يشوفك فيه سنده.


وقت ضعفه وشدته.


فهماني يا حبيبة؟


انزلقت دموعها في صمت.


وشعرت وكأن الحمل فوق صدرها ازداد أضعافًا.


لكنها أجبرت نفسها على التماسك.


ثم هزت رأسها ببطء.


بعجز.


وانكسار.

***


وبعد ساعة...


وصل الاثنان إلى قسم الشرطة.


تقدم فارس إلى الضابط المسؤول.


وعرفه بنفسه.


ثم طلب مقابلة رضوان لدقائق.


وبعد التحقق من هويتهما والرجوع إلى المسؤول عن الاحتجاز...


سُمح لحبيبة بمقابلة أخيها لفترة قصيرة تحت إشراف أحد أفراد الشرطة.


وقفت في الممر.


تضم يديها إلى صدرها.


وعيناها معلقتان بالباب.


لا ترى شيئًا سواه.


ولا تسمع شيئًا حولها.


فقط تنتظر.


وحين انفتح الباب أخيرًا...


وظهر رضوان برفقة العسكري...


لم تستطع الانتظار ثانية واحدة.


اندفعت نحوه فورًا.


وهي تبكي.


أما هو...


فما إن رآها حتى شعر وكأن حملًا ثقيلًا انزاح عن صدره.


فتح ذراعيه لها دون تفكير.


فضمته بكل قوتها.


وضمها هو أيضًا.


لا ليطمئنها فقط...


بل لأنه كان يحتاجها أكثر مما احتاجت هي إليه.


ظل محتضنًا إياها لثوانٍ طويلة.


وكأنه يتأكد أنها بخير.


وأنها ما زالت أمامه.


ثم أبعدها قليلًا.


ومسح دموعها بأصابعه.


وقال برقة:


ــ طمنيني عليكي يا حبيبة.


كانت تلك الجملة كفيلة بتحطيم ما تبقى من صمودها.


في عز أزمته...


كان أول ما يشغله هو هي.


عضت على شفتيها محاولة منع دموعها.


لكنها فشلت.


شهقت باكية.


وحدقت في وجهه وكأنها تتأكد أنه أمامها فعلًا.


ثم قالت بصوت مرتجف:


ــ إنت كويس؟


عملوا فيك حاجة؟


هز رأسه نافيًا.


فانفجرت دموعها أكثر.


وقالت:


ــ أنا مش مصدقة اللي بيحصل.


والله ما مصدقة.


إنت بريء يا رضوان.


إنت لا يمكن تعمل حاجة زي كده.



رفع رضوان عينيه نحو فارس.


وكان في نظرته عتاب واضح.


ففهم فارس السبب.


واقترب قائلًا:


ــ كان لازم تعرف يا رضوان.


لو مش دلوقتي...


أكيد بكرة هتعرف.


هز رضوان رأسه في صمت.


ثم أعاد احتضان شقيقته للحظة.


وقال وهو ينظر إلى فارس:


ــ الموضوع ده مدبرلي يا فارس.


عقد فارس حاجبيه.


فهو كان يشك في ذلك بالفعل.


لكنه سأل:


ــ إيه اللي خلاك متأكد؟


تنهد رضوان بعمق.


ثم قال:


ــ طول الليل أفكر.


وأعيد كل حاجة حصلت من أول اليوم.


وفي الآخر وقفت عند نقطة واحدة.


شادي.


رفع فارس عينيه إليه.


فأكمل رضوان:


ــ شادي عرف إزاي إني خارج من الشركة أصلًا؟


وعرف إزاي إني رايح المستشفى؟


وكمان جهز كل حاجة...


الأدوية.


والقصة.


وحكاية الأوتوبيسين.


كأن كل حاجة كانت متحضرة قبل ما أقابله.


سكت لحظة.


ثم قال وهو يزفر ببطء:


ــ الراجل ده ما كانش بيتصرف لوحده يا فارس.


في حد كان مرتب كل حاجة من وراه.


وفي حد كان عارف أنا هكون فين.


وإمتى.


خرجت حبيبة من بين ذراعيه.


ومسحت دموعها.


ثم سألت بصوت مرتجف:


ــ بس مين؟


مين هيكون له مصلحة يعمل كده؟


نظر رضوان أمامه طويلًا.


وعيناه تزدادان قتامة مع كل ثانية.


ثم قال ببطء:


ــ ده اللي بحاول أعرفه...


مرر فارس يده على وجهه بإرهاق، ثم قال وهو يحاول ترتيب أفكاره:


ــ ممكن السر يكون في الشركة يا رضوان.


رفع رضوان رأسه إليه فورًا.


وقد انعقدت الحيرة بين حاجبيه.


ــ تقصد إن حد في الشركة مراقبني ؟


هز فارس رأسه قليلًا.


ــ هنعرف كل ده بعدين. المهم... أنا قومت لك محامي شاطر جدًا، ومش عايزك تقلق من أي حاجة. أنا معاك.


تنهد رضوان.


والتفت ناحية حبيبة.


كانت تقف أمامه بعينين غارقتين في الدموع، وكأنها تحاول حفظ ملامحه خوفًا من أن يختفي.


مد يده وربت برفق على حجابها.


ثم قال بهدوء:


ــ حبيبة... إنتِ مينفعش تقعدي لوحدك الفتره دي. كلمي إيمان تقعد معاكي في البيت.


اهتزت شفتاها.


وسقطت دمعة جديدة من عينيها.


ثم قالت بصوت مخنوق:


ــ أنا مش هدخل البيت طول ما إنت مش فيه يا رضوان.


أنا هفضل في المستشفى.


أغمض رضوان عينيه للحظة.


وكأن كلماتها طعنته أكثر مما فعلت مصيبته كلها.


ثم قال محاولًا أن يبدو قويًا:


ــ بطلي جنان.


مش هينفع. 


وعايزك قوية.


وبعدين أنا اللي شاغل بالي دلوقتي مش نفسي...


إنتِ.


عايز أكون مطمن عليكِ.


واطمني...أنا هخرج.


أنا واثق.


من كلامي.


صدقيني.


انفجرت باكية.


وقالت وسط دموعها:


ــ يا رب يا رضوان...


يا رب.


أنا من غيرك مش عارفة أعيش.


ليه الدنيا بتعمل فيا وفيك كده يا رضوان؟ ليه الدنيا عايزه تحرمني منك. 


لمعت عينا رضوان.


وشد على أسنانه بقوة.


رافضًا أن يسمح لدموعه بالسقوط أمامها.


لكن الألم كان واضحًا في عينيه رغم محاولاته.


عندها تدخل فارس فورًا.


وقال بنبرة تنبيه هادئة:


ــ حبيبه... إحنا اتفقنا على إيه؟


أخذت حبيبة نفسًا مرتجفًا.


ثم خرجت من حضن رضوان ببطء.


وحاولت أن ترسم ابتسامة فوق وجهها رغم الدموع التي ما زالت تنساب على خديها.


وقالت:


ــ رضوان هيخرج.


أنا واثقة.


هستناك يا رضوان.


ابتسم رضوان ابتسامة باهتة.


وربت على حجابها بحنان.


لكنه لم يستطع الرد.


لأن الكلمات كانت عالقة في حلقه.


وفي تلك اللحظة...


اقترب العسكري منهم.


وقال بجمود معتاد:


ــ الزيارة انتهت.


تحرك رضوان مضطرًا.


ثم استدار.


وألقى نظرة أخيرة عليهما.


كانت حبيبة تقف مكانها.


تكتم فمها بيدها.


وتحاول أن تمنع شهقاتها من الخروج.


بينما كان فارس يسير بجوارها مهدئًا إياها.


لكن انتباهه انصرف فجأة عندما التقطت أذنه صوتًا قريبًا.


ــ لو سمحت... عايز أقابل رضوان العطار.


استدار بسرعة ناحية الصوت.


لتتسع عيناه قليلًا.


حسين المالكي.


كان يقف غير بعيد عنه.


تبدو على وجهه علامات القلق واللهفة بصورة واضحة.


فكر فارس بسرعة.


ثم التفت إلى حبيبة.


وقال:


ــ حبيبة.


مسحت دموعها بسرعة.


ونظرت إليه.


ــ أيوة يا فارس؟


ناولها مفاتيح السيارة.


وقال بهدوء:


ــ أسبقيني أنتِ...واستنيني في العربية.


شوية.وجاي.


نظرت إليه بقلق.


ــ هتروح فين؟


وتسيبني؟


قال وهو يطمئنها:


ــ هوصي على رضوان.


لازم يهتموا بيه.


هزت رأسها بسرعة.


وقالت برجاء:


ــ أيوة...


يا ريت.


يا ريت يا فارس.


غادرت حبيبة ببطء.


بينما اتجه هو مباشرة نحو حسين.


وتوقف خلفه.


ــ حسين باشا.


التفت حسين.


وكان القلق ظاهرًا على وجهه.


لكن ما إن عرفه حتى ضيق عينيه.


وقال بقلق:


ــ فارس الحسيني.


تنهد فارس.


ثم قال:


ــ معلش اعذرني.


أنا سمعتك بالصدفة بتسأل عن رضوان.


توتر حسين قليلًا.


وقال:


ــ أيوة...


لأ.... أصل...


قاطعه فارس مباشرة:


ــ تسمح بكلمتين على انفراد؟


تبادل حسين النظر مع زيدان للحظة.


ثم تحركا إلى جانب بعيد نسبيًا.


وظل زيدان واقفًا بجوار حسين.


أما فارس فدخل في صلب الموضوع دون مقدمات.


ــ موضوع رضوان لسه طازة.


محدش سمع بيه.


ممكن أعرف حضرتك عرفت إزاي؟


رفع حسين حاجبه باستغراب.


ثم قال:


ــ هو حضرتك بتحقق معايا؟


انا ورضوان معرفة قديمة.


أومأ فارس.


ــ عارف.


وعارف إنه طليق بنتك.


ولكن ممكن أعرف سبب وجودك هنا؟


ازداد توتر حسين.


وأخذ شهيقًا عميقًا.


لكن فارس سبقه قائلاً:

ــ بما إنك عرفت بالموضوع بسرعة بالشكل ده...


يبقى أكيد فيه حاجة في الصورة أنا مش شايفها.


وأيًا كانت الحاجة دي...


أنا محتاج أعرفها.


لأن أي تفصيلة ممكن تنقذ رضوان.


ظل حسين صامتًا.


واكتفى بالنظر إليه.


أما فارس فراقب ملامحه باهتمام.


كان هناك شيء ما.


شيء يحاول الرجل إخفاءه.


فمال برأسه قليلًا، وقال بنبرة هادئة تحمل قدرًا من الضغط:


ــ حسين بيه...


إنت عايز رضوان يخرج؟


ولا حضرتك جاي بنية تانية؟


انتفض حسين فورًا.


وكأن الكلمات أصابته في مقتل.


ثم نظر إليه بحدة وقال:


ــ إيه التلميح الغبي ده؟


أنا ما اسمحلكش.


رضوان ده ابني.


ويهمني أثبت براءته قبل منك.


ابتسم فارس ابتسامة خفيفة.


لم تكن ابتسامة راحة.


بل ابتسامة شخص يحاول استفزاز الحقيقة للخروج.


وقال:


ــ حلو.


وأنا كمان نفس نظريتك.


بس حاليًا مفيش دليل واحد على براءة رضوان.


شهق حسين بعدم تصديق.


وهز رأسه بقوة.


ــ مش معقول.


مفيش جريمة كاملة.


زفر فارس بضيق.


ومرر يده في شعره قبل أن يقول بمرارة:


ــ حللّي بقى.


العربية مش عليها نمر.


والشاب اختفى.


والمخدرات كانت في حيازة رضوان.


يعني متلبس.


صدقني...


لو التهمة ثبتت عليه، الموضوع ممكن يبقى كارثة حقيقية. وممكن توصل للإعدام.


سقطت الكلمات كالصاعقة على حسين.


وتغيرت ملامحه بوضوح.


بينما بدأت عيناه تتحركان في شرودٍ قصير.


كأن عقله دخل في معركة مع نفسه.


لاحظ فارس ذلك فورًا.


فازدادت قناعته بأن الرجل يعرف أكثر مما يقول.


فتقدم خطوة نحوه.


وقال بصوت خافت يحمل رجاءً حقيقيًا:


ــ أرجوك يا حسين بيه.


لو تعرف أي حاجة...


أي حاجة مهما كانت صغيرة...


قولها.


أنا مش بطلبها لنفسي.


أنا بطلبها علشان رضوان.


علشان أقدر أطلعه من المصيبة دي.


اقترب زيدان من حسين قليلًا.


وهمس قرب أذنه:


ــ بلاش تحكي له حاجة يا باشا.


ده صاحب فريد.


ما تنساش.


ظل حسين صامتًا.


ينظر إلى فارس طويلًا.


يدرس ملامحه.


ويحاول أن يقرر إن كان يثق به أم لا.


ثم سأله فجأة:


ــ إنت بجد يهمك رضوان يا فارس؟


تنهد فارس.


وثبت عينيه داخل عينيه مباشرة.


وقال دون تردد:


ــ صدقني.


أنا بيك أو من غيرك هثبت براءة رضوان.


بس خليك فاكر حاجة واحدة...


لو إنت تعرف خيط واحد وساكت عنه...


يبقى إنت من غير ما تقصد بتقرب حبل المشنقة من رقبته.


ساد الصمت بينهما.


صمت ثقيل.


حتى أغلق حسين عينيه لثوانٍ.


وكأنه اتخذ قراره أخيرًا.


ثم فتحهما من جديد.


وقال بصوت منخفض:


ــ حصلني على عربيتي.


بس بعد ما أخرج.


علشان لو حد مراقبنا.

***

بعد ثوان...


كان حسين قد رفع الكمامة على وجهه، وأخفض القبعة فوق رأسه قليلًا حتى أخفى جزءًا كبيرًا من ملامحه.


بينما تحرك زيدان بجواره.


حاملًا مظلة فوق رأسه حتى لا يلفت الانتباه.


تابعهم فارس بعينيه.


ثم التفت نحو سيارته.


فرأى حبيبة جالسة داخلها.


رأسها مستند إلى الخلف.


وعيناها شاردتان في الفراغ.


شعر بوخزة في صدره.


لكنه أجبر نفسه على التماسك.


فالوقت لم يكن مناسبًا للانشغال بأي شيء آخر.


انسحب بهدوء.


ثم اتجه إلى سيارة حسين.


وصعد إلى جواره.


وما إن أغلقت الأبواب حتى التفت إليه مباشرة.


ــ اتفضل.


أنا سامعك.


نظر حسين إليه طويلًا.


وكأنه يحاول أن يقرأ ما خلف ملامحه.


ثم وضع يده على كتفه.


وقال ببطء:


ــ الكلام اللي هقولهولك ده...


لو نيتك صادقة.


هنوصل لبر الأمان.


ولو نيتك غير كده...


ما حدش هيدفع الثمن غيري أنا.


وبنتي.


وقبلنا رضوان.


قطب فارس حاجبيه.


وقال بإصرار:


ــ أقسم لك.


أنا يهمني براءة رضوان.


ما تنساش إنه أخو خطيبتي.


وصديقي..


زائد أنه مظلوم.


ظل حسين صامتًا لثوانٍ.


كأنه يحسم صراعًا داخليًا مريرًا.


ثم أخرج زفرة طويلة.


وقال:


ــ لو قلتلك إن رضوان ما وقعش صدفة؟


عقد فارس حاجبيه فورًا.


واعتدل في جلسته.


ــ يعني إيه؟


رفع حسين عينيه إليه.


وقال ببطء:


ــ يعني اللي حصل له كان متخطط له.


من بدري.


تصلب جسد فارس.


فهو كان يشك من البداية.


لكن لم يخطر بباله أن الأمر وصل إلى تخطيط مسبق بهذا الشكل.


وقال فورًا:


ــ تقصد شادي؟


هز حسين رأسه.


وقال بحزم:


ــ شادي أو غيره دول مجرد أداة.


في حد أكبر منه.


في حد كان عايز يوصل رضوان للنقطة دي.


ساد الصمت داخل السيارة.


صمت ثقيل.


قبل أن يسأل فارس بصوت خافت:


ــ مين؟


نظر حسين إليه مباشرة.


ثم قال:


ــ فريد.


اتسعت عينا فارس.


ولم يستطع إخفاء صدمته.


ــ فريد؟!


فريد الشامي؟!


إنت متأكد من كلامك؟


ضحك حسين ضحكة قصيرة خالية من أي مرح.


وقال بمرارة:


ــ للأسف.


أكتر مما تتخيل.


ومتأكد كمان إنه مش أول مرة يحاول يأذي رضوان.


أنا عرفت إنه كان بيدبر له مصيبة من فترة.


وإنه سبق وحاول يورطه في قضية تانية.


لكن المرة دي واضح إنه كان ناوي يدمّره تمامًا.


انعقد حاجبا فارس بقوة.


وشعر بأنفاسه تثقل شيئًا فشيئًا.


ثم سأله بحدة:


ــ وإنت عرفت الكلام ده منين؟


أطرق حسين لحظة.


ثم قال:


ــ عرفت من مصدر قريب جدًا من فريد.


شخص شاف وسمع حاجات بنفسه.


مش هقدر أحكيلك كل التفاصيل دلوقتي.


لكن صدقني يا فارس...


فريد هو اللي ورا كل اللي حصل لرضوان.


ظل فارس ينظر إليه مذهولًا.


وعقله يعمل بأقصى سرعة.


يربط الأحداث ببعضها.


ويعيد ترتيب كل شيء من البداية.


تذكر نظرات فريد الحادة نحو رضوان يوم المطعم.


وتذكر زيارته للشركة.


وإصراره الغريب على الاستغناء عنه.


وتذكر طريقته المستفزة وهو يتحدث عنه.


وقتها ظن أن الأمر مجرد كراهية أو غيرة قديمة.


أما الآن...


فبدأ يدرك أن الأمر كان أكبر بكثير مما تخيل.


قطع حسين أفكاره وهو يقول بأسى:


ــ بس صدقني...


ما كنّاش متوقعين إنه يورطه بالشكل ده.


وفي قلب شركتكم كمان.


ولا إن تفكيره يوصل للدناءة دي.


ساد الصمت لثوانٍ أخرى.


بينما استعاد فارس كلمات رضوان قبل قليل.


كلمات لم يهتم بها وقتها بالشكل الكافي.


شادي.


والكمين.


وموعد خروجه من الشركة.


والمصادفة المستحيلة التي جمعتهما معًا.


وفجأة...


بدأت الصورة تكتمل أمامه.


قطعة وراء الأخرى.


فريد ربما استغل شركتهم لمراقبة رضوان.


أو استعان بمن يفعل ذلك.


ثم عرف تحركاته.


ورتب كل شيء مسبقًا.


إلى أن وقع رضوان داخل المصيدة.


اشتدت عضلات فك فارس.


وانعقدت أصابعه بقوة.


واشتعل الغضب في عينيه.


لم يعد الأمر مجرد محاولة لإيذاء رضوان.


بل تحول إلى مؤامرة قذرة استُخدمت فيها شركته نفسها دون أن يعلم.


نظر إلى حسين للحظات.


وظل صامتًا يفكر فيما سمعه.


ثم زفر ببطء وقال:


ــ بما إنك قولت إن فيه خطر عليك...


وعلى بنتك...


وعلى رضوان...


فأنصحك ما تظهرش في الصورة دلوقتي.


لأنك قريب من فريد.


ارجع على بيتك.


وأنا هتصرف.


عقد حسين حاجبيه.


وقال بقلق:


ــ وإنت؟


رد فارس دون تردد:


ــ أنا اسمي موجود في الموضوع من الأول.


ومفيش حاجة أخسرها أكتر من اللي حصل.


أما إنت...


فلو فريد عرف إنك بتتحرك ضده بنفسك.


ممكن الأمور تخرج عن السيطرة.


ظل حسين يتأمله لثوانٍ.


بينما أكمل فارس بنبرة حاسمة لا تقبل النقاش:


ــ ارجع لزاد.


وخليك جنبها.


وسيب رضوان عليا.


ظل حسين يحدق فيه للحظات.


كأنه يحاول أن يتأكد من صدق ما يسمعه.


ثم أومأ ببطء.


دون أن يقول شيئًا.


أما فارس...


فقد كان قراره قد حُسم بالفعل.


فتح باب السيارة بعنف.


وترجل منها.


وقد غلى الغضب في صدره.


ولم يعد عقله يفكر إلا في شيء واحد.


فريد.


لأول مرة...


بدأ يرى الوجه الحقيقي لذلك الرجل.


الوجه الذي ظل مختبئًا خلف الأقنعة لسنوات.


ولأول مرة...


أدرك حجم الشر الذي يحمله داخله.


فاشتعلت عيناه بعزمٍ مخيف.


وأقسم في قرارة نفسه...


أنه لن يترك ما فعله فريد يمر دون حساب.

**************


ألقت سما هاتفها فوق الأريكة بضيق، ثم وقفت في منتصف الصالة، تعقد ذراعيها أمام صدرها وتذرع المكان ذهابًا وإيابًا، بينما كانت الغيرة تشتعل داخلها مع كل دقيقة تمر.


زفرت بعنف، ثم توقفت فجأة وهي تنظر إلى الهاتف الموضوع على الأريكة.


ـ كده يا فريد؟! رحت جبت الهانم ورجعتها البيت، وعشان كده مجتش عندي ولا بترد عليا من امبارح؟!


التقطت الهاتف مجددًا، وضغطت على اسمه.


انتظرت.


رن الهاتف طويلًا.


لكن دون رد.


أعادت الاتصال مرة أخرى.


ثم مرة ثالثة.


وفي كل مرة كانت النتيجة واحدة.


لا شيء.


اشتعل الغضب في عينيها، وألقت الهاتف على الأريكة بعنف أكبر.


ـ ماشي يا فريد... ماشي!


بقى أنا اللي كنت معاك وتحت رجليك طول الفترة اللي فاتت، ولما مراتك تظهر في الصورة، ترميني على جنب كأني ولا حاجة؟!


قبضت على يديها بقوة، حتى ابيضت مفاصل أصابعها.


لم تكن غيرتها من زاد وحدها ما ينهشها.


بل ذلك الشعور المهين الذي يطاردها منذ فترة.


شعور بأنها مهما اقتربت من فريد...


ومهما فعلت لأجله...


ستظل مجرد امرأة يمكن الاستغناء عنها وقتما يشاء.


أما زاد...


فهي الاستثناء الوحيد.


الوحيدة التي لا يستطيع تجاوزها أو استبدالها.


ارتسمت على شفتيها ابتسامة باردة خالية من أي دفء.


ـ فاكر نفسك هتفضل تتحكم فيا يا فريد؟!


فاكر إنك تقدر تستخدمني وقت ما تحتاجني، وترجع تجري ورا الهانم كأن مفيش غيرها في الدنيا؟!


ثم استدارت فجأة.


واتجهت نحو الدرج بخطوات سريعة.


صعدت إلى غرفة النوم، ودفعت الباب خلفها.


اتجهت مباشرة إلى الكومود المجاور للسرير.


فتحت أحد الأدراج.


وأخرجت علبة صغيرة كانت تخفيها بعناية.


ظلت تحدق بها للحظة.


ثم فتحتها ببطء.


وأخرجت منها هاتفًا آخر لم تستخدمه منذ فترة طويلة.


جلست على طرف السرير.


وضغطت زر التشغيل.


وبينما أضاءت الشاشة أمامها، بدأت تعد ما تنوي فعله داخل رأسها.


انتهى الهاتف من العمل.


فثبتت تطبيق الواتساب.


ثم أدخلت رقمًا تحفظه عن ظهر قلب.


وتوقفت للحظة أمام خانة الرسائل.


لم تكن تريد مكالمة قد تُسجل أو تُسمع.


ولم تكن تريد كلمات مباشرة يمكن أن تُستخدم ضدها لاحقًا.


كل ما أرادته...


هو تحريك المياه الراكدة.


وفتح باب صغير يكفي للطرف الآخر أن يفهم ما وراءه.


بدأت أصابعها تتحرك ببطء فوق الشاشة.


وكتبت:


"يبدو إن فيه لاعب جديد قرر يدخل الملعب، من غير ما يعرف مين أصحاب اللعبة الأصليين، ولا إيه تمن الخسارة فيها... والسؤال، ياترى هنسيبه يتعلم ويكبر لوحده، ولا نفكّره بحجم المكان اللي قرر يدخله؟"


أعادت قراءة الرسالة مرة.


ثم مرة أخرى.


تتأكد من كل كلمة فيها.


ومن المعنى المختبئ خلفها.


ثم ضغطت زر الإرسال.


واختفت الرسالة من أمامها.


لتصل إلى الشخص الذي أرادت أن تلفت انتباهه.


ظلت تحدق في الشاشة لعدة ثوانٍ.


قبل أن تطفئ الهاتف.


وترفعه أسفل ذقنها وهي تستند إلى ظهر السرير.


ابتسامة خبيثة بدأت تتسلل إلى ملامحها شيئًا فشيئًا.


كانت تعلم أن بعض الكلمات القليلة قد تشعل حرائق كاملة.


وأن الرسالة التي أرسلتها كافية لتثير فضول من وصلت إليه.


رفعت عينيها نحو المرآة المقابلة.


وتأملت انعكاس وجهها للحظة.


ثم قالت ببطء:


ـ أبقى وريني بقى يا فريد...


هتعمل إيه من غيري!


أطلقت ضحكة قصيرة.


باردة.


وخالية من أي مرح.


ثم أعادت الهاتف إلى العلبة من جديد.


وأغلقت الدرج بهدوء.


هذه المرة...


لم تكن تنتظر اتصالًا منه.


ولم تكن تنتظر أن يمنحها اهتمامه.


فقد قررت أن تتحرك بنفسها.


وبطريقتها الخاصة.

*********

في المساء...


كان فريد يقف أمام المرآة يعدّل رابطة عنقه في هدوء، بينما انتشرت رائحة عطره الفاخر داخل الغرفة. بدا في كامل أناقته، يتفحص هيئته بعناية، وكأن خروجه هذا المساء لا يحمل أي شيء استثنائي.


على الفراش، كانت زاد تتابعه بعينيها في صمت.


ومنذ عودتها إلى الفيلا وهي تشعر أنه مختلف.


ليس أكثر لطفًا.


ولا أكثر قسوة.


بل أكثر هدوءًا.


وهو أمر كان يزعجها أكثر من أي شيء آخر.


فريد حين يهدأ بهذه الصورة لا يمنح من حوله شعورًا بالراحة، بل يتركهم في حيرة أمام ما يدور خلف ذلك الهدوء. كانت تعرف أن ابتسامته لا تعني بالضرورة رضاه، وأن صمته قد يخفي وراءه ما هو أسوأ من غضبه.


التقط فريد زجاجة العطر ورش منها قليلًا، ثم قال وهو ينظر إلى انعكاسها في المرآة:


ــ لو العشاء كان رجالة وستات أكيد كنت هاخدك معايا.


بس أنا مش هتأخر.


ساعتين وراجعلك.


أخفت زاد ارتياحها بصعوبة.


فآخر ما كانت تتمناه أن تضطر لمرافقته.


وقالت بنبرة عادية:


ــ خد وقتك.


ارتفعت زاوية فمه بابتسامة صغيرة.


ثم نظر إليها من خلال المرآة وقال:


ــ طيب...


مش هتنزلي معايا توصليني؟


عقدت حاجبيها باستغراب.


كان يتصرف بطريقة غريبة منذ الأمس، وكأن مزاجه الجيد الزائد يخفي شيئًا لا تعرفه. لم تستطع فهم ما يريده منها، ولا سبب إصراره على استدراجها إلى حديث يبدو عاديًا في ظاهره، لكنه لا يخلو من اختبار مبطن.


تنهدت في سرها.


ثم قالت:


ــ كده كده كنت هنزل أشوف قاسم.


أنا هسبقك.


في لحظة...


اختفت الابتسامة من وجه فريد.


استدار إليها ببطء، وتبدلت نظراته في لمح البصر. لم يحتج إلى أكثر من ذكر اسم قاسم حتى انقلب مزاجه الهادئ إلى شيء آخر.


اقترب منها، وقبض على ذراعها فجأة، بقوة جعلتها تشهق من الألم.


مال برأسه نحوها ببطء، مثبتًا عينيه داخل عينيها، وكأنه يتعمد أن يتركها تشعر بقبضته قبل أن ينطق بكلمة واحدة.


ثم قال:


ــ بتتفنني في الرد يا زاد.


توترت ملامحها فورًا، وحاولت أن تسحب ذراعها من قبضته.


وقالت:


ــ في إيه يا فريد؟


سيب دراعي.


ظل ينظر داخل عينيها لثوانٍ طويلة، دون أن يطرف له جفن. كانت قبضته تزداد إحكامًا، بينما راحت ملامحها تنكمش من الألم، لكنه لم يبدُ مكترثًا بذلك.


ثم ضغط على ذراعها أكثر قبل أن يبتسم فجأة.


ابتسامة هادئة...


باردة.


ومخيفة.


ــ وماله.


خليكي براحتك.


أفلتها أخيرًا.


فسحبت يدها سريعًا، وضمتها إلى جسدها، ثم خرجت من الغرفة دون أن تضيف كلمة واحدة.


بينما بقي فريد يراقب الباب بعد خروجها، وعيناه تتابعان حركته حتى اختفت خلفه.


ثم ارتسمت على شفتيه ابتسامة غامضة.


كان في مزاج ممتاز.


مزاج لم يشعر به منذ فترة طويلة.


وربما...


لأن هناك شخصًا آخر في هذه اللحظة كان يدفع ثمن معركة لم يفهم حتى سبب دخوله فيها.


تنهد براحة، والتقط مفاتيحه من فوق الطاولة، ثم اتجه إلى الخارج.


***


في الطابق السفلي...


كانت زاد قد وصلت إلى الصالة، وما زالت تشعر بألم قبضته حول ذراعها، حين نزل فريد خلفها بخطوات هادئة.


لكن قبل أن يتجها إلى الباب...


ظهر أحد الحراس مسرعًا، وتوقف أمام فريد قائلًا:


ــ فريد باشا...


الدكتور فارس الحسيني طالب يقابلك ضروري.


رفعت زاد رأسها فورًا، والتفتت نحو الحارس، ثم انتقلت عيناها إلى فريد تترقب رد فعله.


الغريب...


أن ابتسامة فريد لم تختفِ.


بل ازدادت هدوءًا.


وكأن اسم فارس لم يفاجئه بقدر ما أثار فضوله.


وقال ببساطة:


ــ وماله.


خليه يتفضل.


***


بعد دقائق...


دخل فارس.


بملامح جامدة، وعينين قاسيتين، وخطوات ثابتة لا تحمل أي تردد. لم يكن في هيئته ما يوحي بأنه جاء لزيارة ودية، ولم يحاول إخفاء ما يحمله من غضب.


حتى إنه لم يلتفت إلى زاد.


ولم يسلم على أحد.


توقف أمام فريد مباشرة وقال:


ــ عايز أكلمك على انفراد.


ولا تحب نتكلم هنا؟!


ارتفع حاجب فريد ببطء، وانتقلت عيناه بين فارس وزاد، ولم تغب عنه نظرة الاستفهام التي ظهرت على وجهها.


أما هو، فاكتفى بالابتسام، وكأن الطريقة التي دخل بها فارس لم تثر فيه أي انفعال.


وقال:


ــ واضح إنه موضوع مهم.


خلاك متسلمش حتى.


بس اتفضل.


نتكلم في المكتب.


***


دخل الاثنان إلى المكتب.


وأُغلق الباب خلفهما.


جلس فريد خلف مكتبه بأريحية كاملة، وأسند ظهره إلى المقعد، بينما وضع فارس يده على مسند المقعد المقابل وجلس دون أن يزيح عينيه عنه.


لم يكن فارس في عجلة من أمره. كان يعرف أن فريد يجيد المراوغة، وأن الدخول معه في مواجهة مباشرة دون ترتيب قد يمنحه فرصة للالتفاف حول الكلام. لذلك فضّل أن يترك له مساحة يتحدث فيها، ويراقب ردود أفعاله عن قرب.


قال فريد:


ــ ها؟


تشرب إيه؟


قهوة ولا عصير؟


أنا عارف مالكش في الفودكا.


لم يتغير تعبير فارس، ولم يبدُ عليه أنه التقط المزحة أو أراد مجاراته فيها.


وقال مباشرة:


ــ رضوان اتقبض عليه.


رفع فريد حاجبيه، وأظهر دهشة مثالية، ثم مال برأسه قليلًا.


ــ إيه ده؟


معقول؟


رد فارس:


ــ آه.


تخيل.


أطرق فريد رأسه لحظة، وأخذ نفسًا هادئًا قبل أن يرفع عينيه إليه.


ثم قال:


ــ أممم...


سبحان الله.


ابتسم فارس دون مرح، وظلت عيناه مثبتتين عليه.


وقال:


ــ فعلًا...


سبحان الله.


اعتدل فريد في جلسته، ووضع كفيه فوق سطح المكتب، ثم قال بنبرة تحمل شيئًا من اللوم المصطنع:


ــ قلتلك قبل كده يا فارس.


أبعدوه ومتثقوش فيه.


شوفت آخرة الثقة؟


أهو طلع تاجر مخدرات.


ساد الصمت لثانية.


لم يتعجل فارس الرد، بل ظل يتأمل وجهه قليلًا، وكأنه يمنحه فرصة لاستيعاب ما قاله.


ثم قال بهدوء شديد:


ــ غريبة.


أنا مقولتش نوع التهمة.


ولا الشبهة.


أنت عرفت إزاي؟


توقفت يد فريد للحظة.


لحظة قصيرة جدًا.


لكنها لم تفلت من عين فارس.


لم تتغير ملامح فريد كثيرًا، وإنما رفع حاجبه وكأن السؤال لا يستحق كل هذا الاهتمام، ثم قال:


ــ مش محتاجة ذكاء.


واحد متشرد زي ده هيتمسك في إيه؟


أكيد يا تجارة يا تعاطي يا سرقة.


رد فارس فورًا، دون أن يرفع صوته:


ــ وليه ما اخترتش السرقة؟


ليه خمنت إنها مخدرات؟


ابتسم فريد، وأراح ظهره على المقعد، متعمدًا أن يبدو غير مكترث.


ــ أديك قولتها اهو.


خمنت.


عمومًا مش شغلي.


بس أكيد أنت مصدوم فيه بعد الثقة اللي ادتهاله.


رفع فارس عينيه نحوه، ومال برأسه قليلًا، قبل أن يقول ببطء:


ــ فعلًا.


أنا مصدوم فيك يا فريد.


اختفت الابتسامة من وجه فريد قليلًا، لكنه لم يفقد هدوءه.


ــ أنا ليه؟


ــ لأني للأسف كنت بثق فيك.


ــ وده إيه علاقته بكلامك؟


أنا مش فاهم حاجة.


هز فارس رأسه، وأطلق زفرة قصيرة، ثم شبك أصابعه أمامه.


وقال:


ــ مع إنك أكتر واحد فاهم.


بس ما علينا.


هفهمك.


وسكت لحظة.


ثم قال:


ــ رضوان.


ضحك فريد بسخرية خفيفة، وكأنه وجد أخيرًا ما يفسر له الزيارة المفاجئة.


ــ إشمعنى؟


مال فارس للأمام، وثبت عينيه داخل عينيه، واختفت أي لمحة من الابتسام عن وجهه.


وقال بنبرة حادة:


ــ زي ما حطيت رجله في القضية دي...


تطلعه منها.


ساد الصمت.


لم يبدُ على فريد الارتباك، بل تراجع إلى الخلف ببطء، وكأن الاتهام لم يزد الأمر لديه على مجرد فضول لمعرفة ما سيقوله فارس بعد ذلك.


وقال بهدوء بارد:


ــ أنا مش فاهم معنى كلامك.


تقصد إيه؟


إني لفقت له التهمة دي؟


ابتسم فارس لأول مرة.


لكنها كانت ابتسامة بلا دفء.


ــ بدأت تفهمني؟


رفع فريد حاجبه، وأمال رأسه قليلًا.


ــ أنا شايف كلامك كله ثقة.


أقدر أعرف مصدرها؟


ظل فارس ينظر إليه للحظات، ثم أجابه ببرود:


ــ مش موضوعنا.


ومش شغلي.


في حاجات أهم لازم تعملها.


أهم من كلامك عن الثقة.


ضحك فريد، وأدار قلمه بين أصابعه.


ــ إنت مصمم بقى.


رفع فارس رأسه، واستقر في جلسته، ثم قال بثقة شديدة:


ــ طلع رضوان.


من التهمة دي يا فريد.


زي ما حطيت رجله في القضية دي...


طلعه منها.


نظر إليه فريد طويلًا، ثم وضع القلم فوق المكتب، وأطبق شفتيه قبل أن يسأله:


ــ وأنا هعمل كده ليه؟


وإيه اللي خلاك تشك فيا؟


هو رضوان يخصني في إيه علشان أورطه توريطة زي دي؟


في تلك اللحظة، وقعت عين فارس على صورة موضوعة فوق المكتب.


صورة لزاد وقاسم.


تأملها لثوانٍ، ثم مد يده إليها وعدلها ببطء، متعمدًا فعلته، قبل أن يرفع عينيه إلى فريد.


لم يكن بحاجة إلى شرح طويل؛ فالصورة وحدها كانت كافية لتذكير فريد بما يحاول إنكاره.


وقال:


ــ إنت عارف كويس إيه الدافع ورا عملتك دي يا فريد.


تصلبت ملامح فريد للحظة.


كانت ومضة عابرة، لكنها كشفت أنه فهم المغزى فورًا. ومع ذلك، لم يمنح فارس متعة رؤية ارتباكه، بل استعاد هدوءه سريعًا، ونظر إليه بعينين ثابتتين.


ــ وعندك دليل؟


قال فارس:


ــ إنت أكتر واحد عارف الدليل كويس.


وزي ما ورطته...


هتطلعه منها.


ابتسم فريد ابتسامة صغيرة، وأراح كفيه فوق المكتب.


ــ إنت مش من حقك تتهمني طول ما معكش دليل.


وأنا آخر واحد أفكر أأذي حد.


لأن مفيش سبب إني أأذيه.


لم يرد فارس فورًا.


اكتفى بالنظر إليه، ثم مد يده إلى جيب سترته، وأخرج عدة أجهزة صغيرة، ووضعها أمام فريد فوق سطح المكتب، ودفعها نحوه قليلًا.


وقعت عينا فريد عليها.


وللمرة الأولى منذ بداية اللقاء، خانه هدوؤه للحظة، وتوقفت عيناه عند الأجهزة الموضوعة أمامه، قبل أن يرفع نظره إلى فارس محاولًا استعادة ثباته.


كان فارس يراقبه بدقة، وقد لاحظ تلك اللحظة القصيرة التي لم يستطع فريد إخفاءها.


ثم قال بنبرة حادة:


ــ تعرف دول إيه يا فريد؟


لم يُجبه فريد، وظل ينظر إلى الأجهزة أمامه.


فأكمل فارس:


ــ دي أجهزة تصنت، لقيناها موجودة في المكتب اللي كان رضوان بيستخدمه في الشركة... المكتب اللي كنت بتعرف منه تحركاته ومواعيد خروجه.


ثم مال بجسده إلى الأمام، وثبّت عينيه في عينيه، وقال بلهجة قاطعة:


ــ لسه عندك شك إني عارف إنت عملت إيه كويس؟


ظل فريد صامتًا للحظات، ثم رفع عينيه إليه من جديد. لم يسأله عن مصدر الأجهزة، ولم يحاول أن يبدو مندهشًا من وجودها بقدر ما حاول أن يستعيد زمام الحديث.


أما فارس، فقد نهض من مقعده ببطء، تاركًا الأجهزة أمامه، وكأن وجودها وحده بات كافيًا ليقول ما لم يقله.


ــ وأنا آخر واحد تقف قصاده وتتحداه يا فريد.


أشار فريد إلى أجهزة التصنت بطرف إصبعه، وارتسمت على شفتيه ابتسامة ساخرة، قبل أن يقول بهدوء:


ــ بعيدًا شوية عن اللعب اللي إنت جايبها دي، واللي كأنها سند قوي ضدّي... وبعيدًا عن اتهامك ليا، اللي أنا هعدّيه بمزاجي، وهعمل نفسي لا سمعت ولا شفت حاجة... لكن أنا مش فاهم.


أنا هاتحداك ليه؟


مفيش أي سبب إني أدخل معاك في عداوة.


إنت ومهاب أصدقائي.


ومش بس كده.


إنتوا أخواتي كمان.


نظر إليه فارس نظرة طويلة، ثم قال ببرود:


ــ رضوان أخويا التاني.


واللي يفكر يعاديه...


عداني.


ونصيحة...


رضوان يخرج.


علشان الدنيا ما تولعش.


رفع فريد حاجبه، ولمعت في عينيه نظرة غامضة.


ــ أعتبره تهديد؟


مال فارس بجسده فوق المكتب، وثبّت عينيه في عيني فريد، وقال بهدوء حاسم، دون أن يرفع صوته أو يغيّر نبرة حديثه:


ــ التهديد حصل من وقت ما حطيت رجلي في بيتك هنا يا فريد.


ومتنساش...


رضوان اللي إنت سجنته.


لو ما طلعش...


هطربق الدنيا عاليها واطيها.


ساد الصمت.


ظل فريد جالسًا في مكانه، يراقب فارس بعينين ثابتتين، بينما ارتسمت على شفتيه ابتسامة باردة لا تكشف عما يدور خلفها.


ثم قال:


ــ شرفت يا دكتور.


لم يرد فارس.


استدار فارس واتجه نحو الباب، ثم فتحه وتوقف فجأة حين وجد زاد واقفة أمامه، وعيناها متسعتان إلى آخرهما، وملامحها شاحبة من وقع ما سمعته.


تأملها للحظة، وأدرك أنها سمعت كل شيء.


لم يسألها، ولم يحاول أن يتحدث إليها؛ اكتفى بأن تبادل معها نظرة صامتة، ثم تجاوزها وغادر دون كلمة، تاركًا إياها واقفة في مكانها، عاجزة عن استيعاب ما سمعت.


ظلت زاد تنظر إلى الباب الذي غادر منه فارس، وكأن عقلها يرفض تصديق أن الرجل الذي تسبب فريد في إيذائه هو رضوان.


في الداخل، لم يبدُ على فريد أي اضطراب.


وقف أمام مكتبه، يعدّل ياقة سترته، ثم مرر يده على جاكيت بدلته في هدوء، وكأن شيئًا لم يحدث.


استدار بعدها ليتحرك، لكنه فوجئ بزاد واقفة أمامه مباشرة.


رفع عينيه إليها.


تلاقت نظراتهما.


كانت تحدق فيه بعينين متسعتين، تتزاحم داخلهما الصدمة والذهول والغضب.


ارتجفت شفتاها قليلًا، وانقبض وجهها في محاولة يائسة للتماسك، بينما أخذت أنفاسها تتلاحق بصورة غير منتظمة.


أما فريد، فظل ينظر إليها دون أن تتغير ملامحه كثيرًا.


وفي لحظة خاطفة، ارتفعت يد زاد وهوت على وجهه بصفعة قوية دوّى صداها في أرجاء المكتب.


مال رأسه إلى الجانب من قوة الضربة، وبقي ساكنًا للحظات.


أما هي، فظلت واقفة أمامه، ويدها ترتجف إلى جوار جسدها، وعيناها معلقتان بوجهه.


كانت ملامحها تحمل وجعًا أكبر من أن تصفه الكلمات؛ وجع امرأة اكتشفت أن الرجل الذي تعيش معه كان يخوض في الخفاء حربًا ضد إنسان آخر، إنسان لم تستطع يومًا أن تمحو أثره من قلبها.


ظل الصمت يخيّم على المكتب، بينما رفع فريد رأسه ببطء، وأعاد عينيه إليها.

يتبع........ 


© قصص وروايات مريم نصار — جميع الحقوق محفوظة. يُمنع نسخ هذا الفصل أو إعادة نشره كليًا أو جزئيًا دون إذن كتابي مسبق من الكاتبة.

🔔 عجبك الفصل؟ تابعي المدونةعشان توصلك الفصول الجديدة أول بأول🔔 متابعة المدونةاضغطي، سجّلي بحساب جوجل، وخلاص ✔

تعليقات✍️ أضف تعليقًا

  1. تحفه البارت بس متجيش على زاد كفايه اللى هيا فيه

    ردحذف
  2. تحفه يامريوم ان شاء الله رضوان يطلع وفارس يكون سبب في سجن فريد وكشفه يارب

    ردحذف
  3. جميل تسلم إيدك ❤️❤️❤️

    ردحذف
  4. الفصل روعه بدايه نهايه فريد وعرفنا مين اللي ساعد رضوان من الكمين الأول بالمكتب الأمور بلشت تتوضح لنا

    ردحذف
  5. الحلقه جامده اوي اوي تسلم ايدك يا قمر 🎉🎉🎉🎉

    ردحذف
  6. رووووعه بجد الروايه ملهاش حل ♥️

    ردحذف
  7. جميل جدا تسلم ايدك ومتحمسة كتير للبارت الجاي

    ردحذف
  8. تسلم ايدك يا مريوم تحفه قلبي وجعني على رضوان وخايفة جدا على زاد

    ردحذف
  9. يلهووووووي علي الجمال🤩🤩🤩

    ردحذف
  10. حقيقي مبدعة.انا نادرا لما اعلق ع حاجة قريتها..بس كتاباتك بتاخدني بعيد.وتفصلني عن كل حاجة...

    ردحذف
  11. تحفة بجد تسلم ايديك

    ردحذف
  12. فارس عالمي ❤️❤️
    فريد عاوز السلخ
    شكل سما هيا اللي عرفت حسين
    ربنا يسترها علي زاد هتتنفخ
    تسلم ايدك يا مريومه ❤️
    بس ياريت تعوضي رضوان وتفرحينا بقي 🫠

    ردحذف
  13. تسلم ايدك البارت تحفة
    وتسلم ايد زاد على القلم مع إن فريد عايز رصاصة مش قلم بس

    ردحذف

إرسال تعليق

بحث هذه المدونة الإلكترونية