الفصل التاسع عشر. زاد الآسمر
الفصل التاسع عشر.
زاد الأسمر – الجزء الثاني
لم يتحرك فريد في البداية.
ظل واقفًا أمامها، رافعًا عينيه إليها ببطء، بينما مرر طرف لسانه على موضع الصفعة من داخل فمه، ثم حرّك فكه في هدوء، وكأن الألم لم يكن أكثر من تفصيلة عابرة لا تستحق الاهتمام.
لم يرفع يده إلى وجهه، ولم يندفع نحوها، ولم تظهر على ملامحه ثورة الغضب التي توقعتها زاد. بل ارتسمت على شفتيه ابتسامة صغيرة باردة، جعلت قلبها ينقبض أكثر مما لو صرخ في وجهها.
تأملها لثوانٍ، ثم قال بصوت منخفض للغاية:
ـ إنتِ عارفة إنتِ عملتي إيه يا زاد؟
لم تنتظر أن يمنحها فرصة للإجابة، بل اقترب منها خطوة، وأبقى عينيه معلقتين بعينيها، ثم أضاف:
ـ واضح إنك سمعتي كلام كتير... بس شكلك لسه ما فهمتيش إنتِ عايشة مع مين.
رفعت زاد ذقنها، رغم الارتجافة التي حاولت إخفاءها، ونظرت إليه بعينين امتلأتا بالغضب والدموع.
ـ فهمني... لأني عايزة أفهم إنت مين بالظبط؟ كنت فاكرة إني اتجوزت راجل، لكن واضح إني عايشة مع إنسان ما يعرفش يعني إيه رحمة، ولا يعرف يعني إيه حدود. إنت شايف نفسك فوق الناس بفلوسك؟ فاكر إنك تقدر تعمل أي حاجة، وتشتري أي حد، وتكسر أي بني آدم يقف في طريقك؟
لم تتغير ملامحه، فأكملت وهي تشير إليه:
ـ أنا عايزة مبرر واحد. مبرر واحد يفسر اللي عملته في رضوان. إيه اللي وصلك إنك تلفق له قضية بالشكل ده؟ إيه اللي يخليك تحط إنسان بريء في مواجهة مصير ممكن يضيع عمره كله؟!
رفع حاجبه، ثم قال:
ـ إنتِ متأكدة إنك عايزة تعرفي الحقيقة؟
ـ أنا عايزة أعرف إنت عملت كده ليه!
ظل ينظر إليها في صمت قصير، قبل أن يميل برأسه قليلًا، وكأن كلماتها لم تثر فيه سوى قدر من الفضول.
ـ المشكلة إنك فاكرة إنك عرفتي الحقيقة لمجرد إن فارس حكى شوية كلام. كل اللي رسمتيه في دماغك ده ما يساويش حاجة جنب اللي ممكن تعرفيه عني. فالأحسن ليكي إنك ما تكمليش في السكة دي.
لم تتحرك.
بقيت مكانها، تحدق فيه بقوة، بينما راحت دموعها تنساب على خديها دون أن تحاول إخفاءها. كان في داخلها سؤال واحد يطغى على كل شيء، سؤال لم تعد قادرة على تأجيله.
ـ إنت ليه سجنت رضوان؟! وإيه جريمته؟ إيه تهمته اللي تخليك تفكر بالطريقة المؤذية دي؟! مفيش مبرر ولا منطق يفسر جريمتك.
تبدلت نظرات فريد قليلًا، وظهرت على شفتيه ابتسامة ساخرة.
ـ إيه؟ خايفة عليه؟ زعلانة علشان حبيب القلب اتسجن؟ عموماً أنا قلت إني ماليش يد في أي حاجة. واحد مجرم ولازم يتسجن وياخد عقابه.
انفلتت من زاد ضحكة قصيرة، خالية من أي مرح. ثم صفقت بيديها مرتين، وهي تهز رأسها بسخرية مريرة.
ـ لا، برافو عليك يا فريد.برافو.... حتى الكذب بقيت بتقوله بمنتهى الثقة. يعني أنا المفروض أصدق إنك ما تعرفش حاجة؟ أصدق إن كل التهديدات اللي كنت بتهددني بيها برضوان ملهاش علاقة باللي حصل؟!
توقفت لحظة، ثم قالت بصوت مرتجف:
ـ أصدق إنك ما هددتنيش بأبويا؟ وإنك ما قلتليش إنك ممكن تأذيه لو ما سمعتش كلامك؟ أصدق إنك ما هددتنيش بابنك اللي لسه ما شافش الدنيا، وقلتلي إن مصيره في إيدك؟!
تبدلت نظرات فريد قليلًا، لكنه سرعان ما أخفى ذلك التغير خلف ملامحه الجامدة.
أما زاد، فكانت دموعها قد بدأت تنساب رغمًا عنها.
ـ إنت عايزني أنسى كل ده وأصدق إنك بريء؟ أنسى إنك من أول يوم وإنت بتحاصرني وبتختبرني وبتراقب كل نفس باخده؟ أنسى إنك كل ما تحس إني بفكر أخرج من الدايرة اللي رسمتها لي، تفتكرني إنك تقدر توجعني في أي حد قريب مني؟!
تأملها فريد طويلًا، ثم سألها بهدوء:
ـ يعني إنتِ مصدقة إني أقدر أعمل كل ده؟
لم تتراجع زاد، بل تقدمت نحوه خطوة، ورفعت وجهها إليه رغم دموعها.
ـ بعد اللي شفته منك، وسمعته من فارس، أصدق أي حاجة، ومهما كانت قذارتها تخرج منك إنت!
في لحظة خاطفة، تبدل هدوء فريد.
هبطت كفه على وجهها بصفعة قوية، ثم قبض على شعرها وشد رأسها نحوه، حتى أصبحت المسافة بين وجهيهما شبه معدومة.
تجمدت زاد من الألم، وانحبس نفسها للحظة، بينما انحنى فريد إليها، وعيناه مثبتتان في عينيها بنظرة قاسية.
قال بصوت خفيض، لكنه مشحون بالغضب:
ـ طيب لما إنتِ عارفة كده، بتقفي في وشي ليه؟ مش خايفة على نفسك؟
ظل ممسكًا بشعرها، بينما حاولت هي أن تستعيد أنفاسها. كان وجهها يؤلمها، وفروة رأسها تشدها قبضته، لكن شيئًا داخلها بدا وكأنه تجاوز مرحلة الخوف.
ضحكت.
ضحكة قصيرة، متقطعة، خرجت من بين ألمها ودموعها، ثم رفعت عينيها إليه وقالت باستفزاز:
ـ أخاف على نفسي؟! هي فين نفسي يا فريد؟ فين حياتي؟ من يوم ما اتجوزتك وأنا دفنتها معاك! إنت مفكر إني عايشة؟! بالعكس... أنا يوم ما حطيت إيدي في إيدك، كأني كنت بسلمها لعزرائيل، مش لبني آدم أبدًا! أخاف منك أكتر من كده؟! إنت أخدت مني كل حاجة يا فريد. أخدت راحتي، وأماني، وثقتي في نفسي، وحتى إحساسي إني إنسانة ليها حياة.
تصلبت ملامح فريد.
ظل ينظر إليها لحظة، ثم دفعها عنه بعنف.
اختل توازنها وسقطت على الأرض، فارتطمت يدها بالبلاط، وانسدل شعرها حول وجهها. رفعت رأسها إليه وهي تلتقط أنفاسها بصعوبة، بينما وقف فوقها، يشير إليها بإصبعه، وقال ببطء متعمد:
ـ اسمعيها مني كويس يا زاد. رضوان مش هيخرج من حساباتي. وطول ما أنا موجود، مش هسمح له يرجع يقف على رجليه ولا يظهر في حياتك، ولا حتى يفكر إنه يقدر يقرب منك.
اتسعت عيناها.
لم تكن تتوقع أن يسمعها هذا التهديد بهذه الصراحة، ولا أن يعلنه أمامها دون أن يحاول حتى إخفاء ما يضمره. استندت بكفها إلى الأرض، ونهضت بصعوبة، ثم صرخت فيه وقد انفجر ما تبقى لديها من قدرة على الاحتمال:
ــ إنت بتعمل كده ليه؟! عايز تجنني؟! مال رضوان ومالي؟! حياته بعيدة عن حياتي،عمره ما تخطى حدوده معايا ولا فكر يقرب مني. هو مش في حياتي يا فريد! ده طليقي، والحكاية انتهت من سنين، وإنت اللي مصمم تفتحها من جديد وتعاقبني على ماضي انتهى قبل ما أعرفك!
وبعدين، أنا خنتك؟ خدعتك؟ كذبت عليك؟! ما أنا من الأول قلت لك إني كنت متجوزة قبلك! إنت ليه مصمم تكسرني؟! إيه اللي يخليك توصل لدرجة إنك تلفق تهمة لواحد بريء وتسجنه؟! إنت مدرك إنك ممكن تضيع حياته؟! إنت بقيت بتأذي أي حد لمجرد إنك شاكك فيه، من غير دليل ولا مبرر!
حاولت أن تلتقط أنفاسها، ثم رفعت إصبعها في وجهه.
ـ ليه كل ما أحاول أتنفس، تحسسني إن فيه مصيبة مستنياني؟! إنت إزاي عايش ومرتاح وإنت ممكن تكون السبب في ضياع حياة إنسان بريء؟! معندكش ذرة رحمة؟! وبقيت شايف إن من حقك تدمر أي حد لمجرد إنك شاكك فيه؟!
أقسم بالله، لو ما خرجتش رضوان، لأقتلك وأقتل نفسي وأخلّص من العيشة الهم دي! فاهم ولا لأ؟!
ارتفع صوت فريد للمرة الأولى، وانكسرت نبرة هدوئه المعتادة تحت وطأة غيرته وغضبه.
ـ وأنا هستنى لما تخونيني معاه؟! هستنى لما تضعفي وتروحي له؟! أنا فريد الشامي، مش أي حد، مش أنا اللي حد يضحك عليه! عايزاني أفضل أتفرج لحد ما في يوم حد يقولي: تعالى شوف مراتك عند عشيقها، نايمة في حضنه؟!
صرخت زاد في وجهه:
ـ اخرس! قطع لسانك! إنت إنسان مريض، واللي بتعمله أكبر دليل على إنك فاقد الثقة في نفسك! عارف إنت وصلت لكل ده ليه يا فريد؟! لأنك مش واثق في نفسك، لو كان عندك ذرة واحدة من الثقة، ما كنتش لجأت للقذارة دي، وما كنتش ظلمت إنسان مالوش ذنب، ولفقت له جريمة بشعة ممكن تضيّع عمره كله! وكل ده علشان إيه؟! علشان أوهام اخترعتها في دماغك وصدقتها، وقررت تعاقب الناس عليها؟!
اقترب منها فريد دون استعجال.
كان صوته قد عاد إلى هدوئه، لكن ملامحه أصبحت أكثر صلابة. مد يده وأمسك فكها بقوة، ضاغطًا عليه بأصابعه حتى أجبرها على رفع وجهها والنظر إليه.
ـ إنتِ ملكي يا زاد... فاهمة يعني إيه ملكي؟! أنا مش من النوع اللي يسمح لحد يقرب من حاجة تخصه، ولا هقبل إن أي حد، مهما كان، يفكر إنه ينازعني في حاجة أنا بعتبرها بتاعتي!
حاولت إبعاد يده عن وجهها، لكنها لم تستطع. كانت أنفاسها متلاحقة، وعيناها تلمعان بدموع لم تعد قادرة على حبسها.
قالت بصوت متهدج، وقد أنهكها الدوران في الدائرة نفسها:
ـ وهو مين قرب مني؟! حرام عليك. أنا زهقت... زهقت من كل حاجة. وآخر مرة هطلب منك فيها طلب: رضوان يطلع من السجن. حالًا.
ترك فكها ببطء، ثم اعتدل في وقفته، ورفع حاجبه ساخرًا.
ـ أعتبره أمر؟
لم تعد زاد تملك رفاهية التراجع. مسحت دموعها بظهر يدها، ثم قالت بإصرار يخالطه رجاء موجع:
ـ اعتبره زي ما تعتبره، مبقتش فارقة معايا! أنا مش هقدر أعيش وأنا شايفة إنسان بريء بيدفع تمن حاجة ما عملهاش. رضوان ذنبه إيه في كل ده؟! محدش خدعك، إنت كنت عارف كل حاجة من البداية، ووافقت تكمل معايا. يبقى بأي حق تحاسبه على ماضي انتهى من سنين؟ وبأي حق تفضل تطارده وتدمر حياته لمجرد إنه كان يوم جزء من حياتي؟!
اقترب فريد منها، وأمسك بذراعيها ضاغطًا عليهما بقوة، ثم قال وهو يحدق في عينيها:
ـ بس هو بيحبك يا زاد... أنا شفت ده في عينيه. شفت نظرته ليكي، وشفت إنه لسه متعلق بيكي!
حاولت زاد أن تتحرر من قبضته، ثم قالت بانفعال وهي تنظر إليه مباشرة:
ـ دي أوهام يا فريد! إنت بنيت حكاية كاملة في دماغك وصدقتها، مع إن الحقيقة أبسط من كده بكتير. لو أنا ورضوان كنا بنحب بعض بالشكل اللي إنت متخيله، كنا اتطلقنا ليه؟! واللي إنت ما تعرفوش إن جوازنا من البداية كان بالإجبار من الطرفين. لا أنا كنت بحبه، ولا هو كان بيحبني. إحنا دخلنا الجوازة دي من غير رغبة حقيقية، وانتهت، وكل واحد فينا كمل حياته. إنت ليه مصرّ تخلق بينا حكاية مش موجودة؟!
ثم أخذت نفسًا، وأكملت بنبرة أكثر ثباتًا:
ـ رضوان مش بيحاربك عليا يا فريد، ولا بيحاول ياخدني منك. هو مش عايز مني حاجة، ومش واقف مستني فرصة يرجع لحياتي. إنت اللي مصمم تعتبره خطر عليك، وبتعاقبه على حاجة هو أصلًا مش بيعملها! بلاش تحارب راجل مش بيحاربك، وبلاش تضيّع حياته علشان تثبت لنفسك إنك كسبت معركة مش موجودة من الأساس!
كانت ملامحها منهكة، وشعرها مبعثر، ووجنتها تحمل أثر الصفعة، ومع ذلك لم تنكسر نظرتها تمامًا. كان يرى أمامه امرأة لم تعد تملك الكثير لتخسره، وهذا تحديدًا ما جعله يختار كلماته التالية بعناية.
هز فريد رأسه ببطء، ثم قال:
ـ إنتِ لسه مش فاهمة حجم الموضوع يا زاد.
ـ فهمني!
نظر إليها نظرة طويلة، ثم قال ببرود:
ـ الكمية اللي اتحطت له مش هتخرجه من السجن بسهولة. دي ممكن توصله للإعدام.
توقفت أنفاسها.
بقيت تنظر إليه، وكأنها تنتظر أن يتراجع أو يوضح أو حتى يبتسم ليكشف أن ما قاله مجرد تهديد آخر. لكنه لم يفعل.
راحت عيناها تتحركان في أرجاء المكتب باضطراب، تبحثان عن شيء لا تعرفه. ثم وقعتا على خنجر موضوع فوق المكتب، فثبتتا عليه.
لم تفكر طويلًا.
اندفعت نحوه والتقطته بيد مرتجفة.
راقبها فريد من مكانه. لم يبدُ عليه الذعر فورًا، لكنه لم يعد يتعامل مع الأمر باستخفاف. ضاقت عيناه، وتابعت نظراته حركة يدها بحذر، قبل أن يقول بنبرة ساخرة تخفي وراءها توترًا متزايدًا:
ـ إيه؟ هتقتليني؟
هزت زاد رأسها ببطء، وعيناها لا تفارقان عينيه.
ـ لأ. أنا مش هقتلك إنت... أنا هقتل الحاجة الوحيدة اللي إنت مستعد تدمر علشانها أي حد.
رفعت يدها، ووضعت نصل الخنجر بمحاذاة شرايين معصمها.
تبدلت ملامح فريد في لحظة خاطفة، لكن صوته ظل منخفضًا:
ـ زاد.... نزلي اللي في إيدك.
كانت تنظر إليه مباشرة، والدموع تغرق وجهها، ثم قالت:
ـ لآخر مرة بسألك يا فريد... رضوان هيخرج من اللي إنت عملته فيه، ولا لأ؟
ـ زاد، أنا مش هكرر كلامي.
ـ وأنا كمان مش هكرر سؤالي.
حدق فريد في يدها، ثم عاد ببصره إلى عينيها.
ـ إنتِ عندك استعداد تقتلي نفسك علشان رضوان؟
نظرت إليه، وابتسمت ابتسامة باهتة موجعة.
ـ أنا من زمان ما بقتش خايفة على حياتي. إنت سلبتني الإحساس بيها من يوم ما دخلت بيتك. ولو مش مصدق...
رفعت عينيها إليه، ثم قالت:
ـ شوف بعينك.
وما إن بدأت تحرك يدها حتى اندفع فريد نحوها بسرعة، وأمسك معصمها وانتزع الخنجر منها، ثم ألقاه بعيدًا.
أمسك بذراعيها وأبعدها عن المكتب، وصوته هذه المرة لم يخفِ غضبه:
ـ إنتِ اتجننتي؟! إنتِ عايزة تموتي نفسك؟!
لم تحاول مقاومته.
كانت تبكي بصوت مسموع، وأنفاسها متلاحقة، ثم قبضت على ياقة سترته بكلتا يديها.
انكسرت مقاومتها فجأة، وتحول التحدي في عينيها إلى رجاء موجع.
ـ لو بتحبني بجد... لو كل اللي إنت بتعمله ده علشاني، ولو لسه جواك أي حاجة ناحيتي، طلّع رضوان. رضوان مالوش ذنب يا فريد. أنا مستعدة أعمل أي حاجة تطلبها مني، بس ما تسيبوش يضيع بسبب أوهامك.
نظر إليها طويلًا.
كان يراقب وجهها ودموعها ويديها المتشبثتين به. لم يتعجل الرد، بل ترك الصمت يمتد بينهما حتى بدأت نظراتها تتوسل إليه قبل كلماتها.
قال أخيرًا:
ـ إنتِ مستعدة تعملي أي حاجة؟
أغمضت زاد عينيها، وانحدرت دموعها بغزارة. لم تعد قادرة على النظر إليه، ولا على احتمال صوته أو قربه، لكنها حركت رأسها بالإيجاب.
ـ أيوه...
ـ حتى لو الحاجة دي مش على مزاجك؟
حركت رأسها بالإيجاب.
ـ هعمل اللي إنت عايزه... بس طلّع رضوان.
ارتسمت على شفتيه ابتسامة صغيرة.
رفع يده، وأعاد خصلة من شعرها خلف أذنها، ثم مرر كفه على خدها في حركة هادئة، وقال:
ـ يعني أفهم من كده إنك أخيرًا بدأتي تفهمي إن العند معايا مش هيوصلك لحاجة؟ وإنك مستعدة تكوني زي ما أنا عايز؟
لم تجبه.
كانت قد وصلت إلى مرحلة لم تعد فيها الكلمات تعني شيئًا. كل ما يهمها أن يوافق على إخراج رضوان من تلك الورطة.
مال نحوها قليلًا، وأضاف:
ـ خليكي فاكرة إن الكلام ده طالع منك إنتِ. أنا ما أجبرتكيش تقولي حاجة. وإنتِ عارفة كويس إني لو رجعت فريد بتاع زمان، مش هتعجبك النتيجة.
تصلب جسدها.
ثم قال وهو يتأمل عينيها:
ـ أول أيام جوازنا... فاكراها يا زاد؟
ما إن نطق بالجملة الأخيرة حتى تجمد جسدها.
تلاشت القوة التي كانت تحاول التمسك بها، وشحب وجهها، وارتجفت أصابعها فوق سترته. عادت إليها ذكرى تلك الأيام دفعة واحدة، بكل ما حملته من خوف وعجز، فارتدت بعينيها إلى وجهه، ثم انخفضت نظراتها سريعًا.
لم يفُت فريد ذلك التغير.
كان يعرف جيدًا أثر كلماته عليها، ويعرف أن مجرد تذكيرها بما حدث في تلك الليالي كافٍ ليعيد الخوف إلى قلبها.
تراخت يداها عن سترته، ثم هبطت على ركبتيها أمامه، وقد انفجر بكاؤها.
تعلقت ببنطاله، ورفعت وجهها إليه في استجداء:
ـ أرجوك يا فريد... أنا مستعدة أعمل أي حاجة تطلبها مني، ومش هعارضك تاني، ولا هقف في وشك مهما حصل. بس أرجوك، خلّي رضوان يخرج من القضية دي. أنا بطلب منك للمرة الأخيرة... أرجوك ما تخلّيش إنسان بريء يدفع تمن خلافات مالوش ذنب فيها. سيبه يا فريد... كفاية لحد كده، أرجوك!
ظل فريد واقفًا فوقها لثوانٍ، ينظر إليها من أعلى دون أن يتكلم. ثم انحنى ببطء، وأمسك بذقنها ورفع وجهها نحوه.
التقت عيناهما.
كانت عيناها حمراوين من البكاء، وملامحها تحمل ذلًا لم تكن تتخيل يومًا أنها ستصل إليه. أما هو، فظل هادئًا، يراقب انهيارها وكأنه يزن كل كلمة وكل حركة تصدر منها.
قال ببرود:
ـ طيب... لو أنا مش عايز أطلع رضوان، هتعملي إيه؟
توقفت دموعها لحظة، وحدقت فيه.
كان سؤالًا لم تتوقعه، وكأن كل ما قدمته من تنازلات لم يكن كافيًا حتى ليمنحها وعدًا.
أبعدت يده عن ذقنها، ومسحت وجهها بكف مرتجف، ثم قالت بصوت خافت في البداية، قبل أن تستعيد شيئًا من ثباتها:
ـ يبقى قدامك حل من اتنين، يا فريد... مالهمش تالت.
ظل ينظر إليها.
فأكملت:
ـ يا إما تطلع رضوان من السجن، وتوقف كل الأذى اللي إنت بتعمله فيه... يا إما أنا اللي هخرج من الدنيا دي للأبد. فكر كويس قبل ما تختار، لأن المرة دي أنا مش بساومك، ومش بهددك علشان أخوفك. أنا فعلًا ما بقاش عندي حاجة أخسرها.
لم يتحرك فريد.
لم يجب، ولم تظهر على وجهه علامة واضحة تكشف ما يدور في رأسه. بقيت أصابعه عند ذقنها لحظة، ثم تركها واستقام في وقفته.
نظرت زاد إليه من أسفل، تنتظر كلمة واحدة، أي كلمة، لكنه لم يمنحها شيئًا.
اكتفى بأن ابتعد عنها، ثم عدّل ياقة قميصه وجاكيت بدلته في هدوء، وسوّى أكمامه بعناية، كأن شيئًا مما حدث داخل المكتب لم يكن يستحق أن يفسد مظهره.
اتجه نحو الباب.
وقبل أن يخرج، توقف لثانية، دون أن يلتفت إليها.
ثم فتح الباب وغادر.
بقيت زاد على ركبتيها في منتصف المكتب، تحدق في الفراغ الذي تركه خلفه. كانت أنفاسها متقطعة، ويداها ترتجفان، ووجهها غارقًا في الدموع.
لم تكن تعرف إن كان قد وافق أم رفض.
لم تعرف إن كان صمته يعني أنه يفكر في إخراج رضوان، أم أنه يخطط لعقاب جديد لها.
كل ما عرفته أنها وصلت إلى آخر ما تستطيع احتماله، وأنها وضعت أمامه الخيار الوحيد الذي بقي لها.
أما فريد...
فقد خرج من المكتب دون أن يمنحها إجابة.
وكان ذلك الصمت، في تلك اللحظة، أشد قسوة من أي تهديد نطق به.
***********
كانت حبيبة تجلس على أحد المقاعد داخل القسم، شاحبة الوجه، منهكة الملامح، وكأن الساعات الماضية سحبت منها ما تبقى من قوة. تورمت عيناها من كثرة البكاء، وتشابكت أصابعها فوق حجرها في قبضة متوترة، بينما ظلت تحدق أمامها بشرود، تنتظر معجزة صغيرة تكذب كل ما حدث، أو شخصًا يخرج إليها ليخبرها أن الأمر بأكمله لم يكن سوى كابوس ثقيل وستفيق منه بعد لحظات.
دخلت لبنى بعد دقائق، تحمل كوبًا من الماء وبعض المسكنات. وقفت أمامها لحظة تتأمل حالتها بقلق، ثم جلست إلى جوارها برفق.
ــ يا حبيبة، ارحمي نفسك بقى... كفاية عياط يا بنتي، هتموتي نفسك من كتر البكا.
كان يكفي أن تسمع صوتها حتى انهار ما تبقى من تماسكها. امتلأت عيناها بالدموع من جديد، وهزت رأسها بعجز وهي تهمس بصوت مبحوح:
ــ مش قادرة يا لبنى... مش قادرة أصدق اللي بيحصل! أخويا مظلوم، والله مظلوم. هي ليه الدنيا جاية عليه أوي كده؟! ليه كل حاجة بتحصل معاه بالشكل ده؟ أنا حاسة إني في كابوس، ومش قادرة أفوق منه!
وضعت لبنى يدها على كتفها، وأخذت تربت عليه بحنان محاولة أن تمنحها شيئًا من الطمأنينة التي كانت هي الأخرى تفتقدها.
ــ كل مشكلة وليها حل إن شاء الله. وأكيد الكاميرات هتجيب المجرم اللي عمل كده، والحقيقة هتظهر. بس إنتِ دلوقتي لازم تهدي شوية، وخدي المسكن ده، ويلا قومي ارجعي على بيتك ارتاحي.
حركت حبيبة رأسها بالنفي سريعًا، وكأن الفكرة نفسها تؤلمها.
ــ مش قادرة ارجع البيت.. أنا مش هحط رجلي في البيت طول ما رضوان مش موجود. أنا عمري ما تخيلت البيت من غيره يا لبنى. أنا فتحت عينيا على رضوان، من يوم ما وعيت على الدنيا وهو معايا. مستحيل أدخل البيت وألاقيه مش فيه!
ارتجف قلب لبنى لكلماتها. كانت تعرف جيدًا أن رضوان لم يكن مجرد أخ في حياة حبيبة، بل كان عالمها بأكمله. لكنّها تماسكت حتى لا تضيف إلى حزنها حزنًا آخر.
ــ عارفة إن الموضوع صعب عليكي، بس إنتِ لازم تروحي... جهزي لرضوان هدومه، زي ما الدكتور فارس طلب منك.
انحنت حبيبة برأسها وأخفت وجهها بين كفيها.
ــ يا حبيبي يا رضوان... يا ترى بيعملوا معاك إيه دلوقتي؟! يا ترى إنت كويس؟
تنهدت لبنى في وجع، ثم دفعت كوب الماء نحوها مرة أخرى.
ــ كفاية بقى يا حبيبة، أنا قلبي وجعني عليكي. ويا ريت ترحمي نفسك شوية. قومي يلا، قومي معايا... هاجي معاكي البيت ومش هسيبك لوحدك.
رفعت حبيبة عينيها نحوها للحظة، ثم نظرت إلى الكوب وأبعدته برفق.
ــ ماليش نفس لأي حاجة يا لبنى. حاسة بمرارة بتعصر قلبي. حاسة إني هموت.
ــ بعد الشر عليكي متقوليش كده. ربنا هيفرجها من عنده ورضوان هيطلع منها إن شاء الله. قومي بقى قبل ما ارجع في كلامي.
وبعد محاولات طويلة منها، نهضت حبيبة أخيرًا. حملت حقيبتها ببطء، ثم خرجت بصحبة لبنى إلى خارج المستشفى.
***
وما إن تجاوزتا الباب الرئيسي حتى توقفت حبيبة للحظة.
أمام المدخل كانت تقف سيارتان ضخمتان من طراز الدفع الرباعي، سوداوين بالكامل تقريبًا، بزجاج داكن يخفي من بداخلهما. وإلى جوارهما انتشر عدد من الرجال ذوي البنية القوية في حالة تأهب لافتة للنظر.
تأملت حبيبة المشهد لحظة باستغراب، ثم تابعت سيرها دون اهتمام حقيقي. أما لبنى فكانت أبطأ خطوة منها، تتفحص السيارات والحراس بعينين متوجستين، كأنها تشاهد بداية فيلم عصابات لا أكثر.
وقبل أن تبتعدا، فُتح باب إحدى السيارتين.
ترجل نادر منها بخطوات واثقة، وما إن وقعت عيناه على حبيبة حتى ناداها:
ــ دكتورة حبيبة!
التفتت إليه على الفور.
ــ نادر؟!
ابتسم وهو يقترب.
ــ أيوه، إزيك يا دكتورة؟
أومأت له بتحية سريعة قبل أن تسأله باستغراب:
ــ إنت هنا بتعمل إيه؟
ــ كنت مستنيكي. إنتِ أكيد راجعه البيت، صح؟
ــ أيوه.
أشار إلى السيارة.
ــ طيب، اتفضلي. هوصلك.
لكن قبل أن ترد، جذبتها لبنى من ذراعها فجأة وهمست بالقرب من أذنها، وإن كان صوتها مسموعًا للجميع تقريبًا:
ــ اوعي تسمعي كلامه يا حبيبة!
التفتت حبيبة إليها بدهشة.
ــ ليه؟
نظرت لبنى إلى السيارات ثم إلى الحراس قبل أن تقول في ريبة شديدة:
ــ ده أكيد حرامي وعايز يخطفك! إنتِ مش شايفة العربيات والحرس؟! دول شكلهم عصابة!
تجمد نادر في مكانه للحظة، ثم التفت إليها ببطء.
ــ عصابة؟!...... مين الحلوة؟!
ردت لبنى بحدة وقد عقدت ذراعيها أمام صدرها:
ــ حلوه.... حلوة في عينك! ما تتكلم بأدب! إنتوا كمان حرامية وجايين قدام المستشفى بكل وقاحة، وتقولها اوصلك؟ توصلها بمناسبة إيه إن شاء الله؟!
رفع نادر حاجبيه ببطء، ثم التفت إلى حبيبة وكأنه يستنجد بها قبل أن يعيد بصره إلى لبنى مرة أخرى.
ــ هي البعيدة مش مستوعبة ولا إيه؟! إنتِ ما سمعتيهاش وهي بتقولي يا نادر؟! معنى كده إنها عارفاني!
تنقلت نظرات حبيبة بينهما، مدركة أن الخلاف لن ينتهي قريبًا، بينما ارتبكت لبنى للحظة قبل أن تستعيد تماسكها وتتمسك باتهاماتها.
مال نادر برأسه نحو حبيبة وقال:
ــ أكيد فارس ما قالكيش. مع أنه قايلي أنه هيعرفك.
انعقد ما بين حاجبي حبيبة.
ــ يعرفني إيه؟
زفر نادر زفرة قصيرة، ثم أجاب:
ــ فارس طبعًا مشغول الفترة دي، ومش قادر ييجيلك المستشفى بنفسه. فبما إني بقيت رسمي شغال عند فارس الديليفري والمخبر بتاعه، كلفني بحراسة معاليكِ.
وأشار بإبهامه إلى السيارات والحراس الواقفين خلفه.
ــ قالي بالنص: يا نادر، الدكتورة حبيبة مهمتك. تجيب حرس، وتوصلها البيت، وتجبها المستشفى، وما تسيبهاش لحظة واحدة.
استدارت لبنى نحو حبيبة بسرعة.
ــ حبيبة؟! هو فارس قالك الكلام ده؟
هزت حبيبة رأسها بالنفي.
ــ لأ، ما قاليش حاجة.
شهقت لبنى كأنها ظفرت بالدليل الذي كانت تنتظره، ثم التفتت إلى نادر بانتصار واضح.
ــ أهو شفت؟! إنت عايز تختطفها فعلًا! بما إن خطيبها ما قالهاش، إنت جاي من نفسك كده؟! إزاي يعني؟! المفروض حاجة زي دي تكون حبيبة عارفاها! إنت حرامي!
أغمض نادر عينيه لثوانٍ ورفع رأسه إلى السماء، وكأن صبره يتعرض لاختبار قاسٍ.
ــ حرامي... يا صبر أيوب!
ثم أعاد النظر إليها قائلًا بنفاد صبر:
ــ هو حضرتك مصممة تدخلي معايا في مشكلة؟! يا ستي إنتِ مالك؟! خليكي على جنب. أنا بكلمها دلوقتي!
شعرت حبيبة بأن رأسها بدأ يثقل أكثر، فتدخلت أخيرًا محاولة إيقاف الجدال.
ــ ياريت تهدوا إنتوا الاتنين!
ثم أخرجت هاتفها من حقيبتها وفتحته على عجل. وما إن وقعت عيناها على الشاشة حتى اتسعتا فجأة.
ــ يا خبر! ده فارس اتصل عليا كتير وبعتلي على الواتساب!
رفعت لبنى إصبعها نحو نادر دون أن ترفع عينيها عن حبيبة.
ــ أيوه، شوفي بعتلك إيه واسأليه. قوليله: إنت بعت عربيات؟! ولا دي طريقة نصب جديده.
حدق نادر فيها لحظة بعدم تصديق، ثم ضرب كفًا بكف وهو يتمتم:
ــ يا ساتر يا رب! كمية رخامه محصلتش.
انشغلت حبيبة بقراءة الرسائل سريعًا، قبل أن ترفع رأسها بعد لحظات.
ــ فعلًا فارس بعتلي... بيقولي إنه هيبعت نادر ومعاه عربيتين وحراسة، وإنهم هيوصلوني البيت ويرجعوني المستشفى في أي وقت.
وفي الحال رفع نادر إحدى يديه في الهواء وكأنه حقق نصرًا تاريخيًا.
ــ الحمد لله! أنا بريء! مطلعتش مافيا.
ثم التفت إلى لبنى مبتسمًا ابتسامة عريضة.
ــ طلعت بريء يا دكتورة، مش حرامي يعني!
لكن لبنى لم تبدُ مقتنعة على الإطلاق.
عقدت ذراعيها أمام صدرها وقالت ببرود:
ــ وأنا إيه اللي عرفني إن شاء الله؟! وبرضه أنا مش مستريحة.
وأخرجت هاتفها فورًا، وبدأت تلتقط صورًا للسيارات ولوحاتها المعدنية.
راقبها نادر لثوانٍ وهو يرمش بعدم استيعاب.
ــ بتعملي إيه يا دكتورة؟
أما حبيبة فنظرت إليها بدهشة مماثلة.
ــ بتعملي إيه يا لبنى؟!
أجابت لبنى دون أن ترفع عينيها عن الهاتف:
ــ زيادة تأكيد. هو أنا يعني هثق فيهم بسهولة كده؟! إنتِ ما بتتعلميش! هاخد أرقام العربيات وأحفظ شكلها كمان، وهبعتها لأكتر من واحدة من صحابي، علشان لو جرالنا حاجة يبقى فيه دليل ضدهم!
ساد الصمت ثانية.
ثم فجأة أخرج نادر هاتفه، واقترب منها بخطوة سريعة، والتقط صورة سيلفي تجمعه بها.
شهقت لبنى والتفتت إليه بعنف.
ــ إنت بتعمل إيه؟!
رفع الهاتف أمام وجهها بمنتهى الجدية.
ــ باخد صورة. علشان يكون ده أكبر دليل إني الخاطف، والحرامي! مرتاحة كده؟
ثم أشار إلى حبيبة قائلًا:
ــ ومعلش بقى، ممكن تسيبينا ننجز شغلنا؟! أصل ورانا مهمة خطف الدكتورة حبيبة، وأنا عايز أخلّص الشغلانة دي بسرعة قبل ما اليوم يضيع مننا. إنتِ عارفة طبعًا، الحرامية وراهم مصايب ومشاوير، وخلقهم أصلًا ضيق... فممكن تفكّينا من غلاستك شوية؟!
ثم اقترب منها خطوة، وأردف بنبرة ساخرة:
ــ ويا ريت تخافي على نفسك بدل ما أخطفك إنتِ كمان!
رمقته لبنى بنظرة ممتلئة بالاشمئزاز، وقالت بحدّة:
ــ أنا ما شفتش برود كده في حياتي!
أجابها نادر دون أن يتردد:
ــ والله ولا أنا شفت غلاسة وتناحة كده في حياتي! إنتِ دكتورة إنتِ؟!
وضعت لبنى يديها عند خصرها، وحدقت فيه باستياء واضح.
ــ إيه؟! مش عاجبك؟!
هز رأسه ببرود.
ــ والله ولا عجبني، ولا شايفك قدامي أصلًا. ده إنتِ تقلبي مزاج أي حد!
ثم التفت إلى حبيبة وأشار نحو السيارة.
ــ ما تخلصينا بقى يا دكتورة؟! الواحد كان جعان ونفسه مفتوحة على الدنيا، والحمد لله اتسدت بالأشكال اللي شافها دي.
اتسعت عينا لبنى بصدمة.
ــ مالها أشكالي إن شاء الله؟! ما تشبهش أشكالك؟! والله العظيم إنت راجل قليل الأدب!
رفع نادر حاجبيه محذرًا.
ــ ما بلاش أنا؟! بلاش علشان ما أعرّفكيش قلة الأدب اللي بجد!
ــ تصدق إنك مش متربي؟!
ابتسم ابتسامة مستفزة.
ــ ما شاء الله، لماحة. ياريت تلمي لسانك بقى علشان أنا فعلاً متربتش.
وضعت حبيبة يدها فوق جبينها وهي تزفر بضيق. كان الصداع الذي يلازمها منذ أيام يزداد شيئًا فشيئًا مع هذا الشجار العبثي.
ــ خلاص! خلاص! إنتوا الاتنين في إيه؟! اهدوا بقى!
وفي تلك اللحظة، اهتز هاتفها معلنًا اتصالًا من فارس.
ابتعدت عنهما بضع خطوات، ثم أجابت سريعًا:
ــ أيوه يا فارس.
وصلها صوته وفيه عتاب خفيف:
ــ إيه يا حبيبة؟! كل ده علشان تردي؟
نظرت إلى شاشة الهاتف وقالت بأسف:
ــ آسفة، التليفون كان على الصامت.
ــ سيبك من ده كله. عاملة إيه دلوقتي؟
تنهدت محاولة أن تبدو طبيعية.
ــ كويسة.
لكن حزنها كان أوضح من أن تخفيه نبرة عابرة.
التقط فارس ذلك فورًا، فقال بهدوء:
ــ حبيبة، أنا مش عايزك تفكري كتير. إن شاء الله قريب أوي رضوان هيطلع.
انتفض قلبها مع كلماته، وسألته بلهفة:
ــ بجد؟! إنت متأكد يا فارس؟
ــ طبعًا يا بنتي. فيه إجراءات لازم تتم، والحاجة دي مش بالساهل يتحكم فيها كده. وبعدين قلتلك اطمني.
انخفض صوتها، وامتلأت عيناها بالقلق من جديد.
ــ أنا مش هتطمن غير لما أشوف رضوان أخويا رجع بيته بالسلامة يا فارس. إنت مش عارف أنا حاسة بإيه دلوقتي.
أغمض فارس عينيه للحظة متأثرًا بما يسمعه.
ــ أنا حاسس بيكي يا حبيبة، وسامحيني على التقصير. أنا عايز أجيلك وأكون جنبك، لكن قضية رضوان والشركة والمستشفى كلها على كتافي الفترة دي.
هزت رأسها بتفهم، ثم سألت بعد تردد:
ــ عارفة والله. ربنا معاك... طب مفيش أي أخبار جديدة يا فارس؟ يعني بالنسبة للصندوق والمخدرات اللي لقوها... التحليل بتاعها هياخد وقت قد إيه؟
أجاب بهدوء عملي:
ــ الفحص ممكن ياخد من عشرة أيام لأسبوعين تقريبًا. وبعد ظهور التقرير، النيابة بتستكمل التحقيق وبتحدد الخطوة اللي بعدها.
أطرقت رأسها بحزن.
ــ يعني لسه هنستنى كل ده؟
ــ عارف إن الانتظار صعب، بس لازم الإجراءات تاخد وقتها. وده كويس. ومتقلقيش، إحنا بنتابع كل حاجة، ومش هنسيب حق رضوان.
ثم أردف بنبرة أكثر جدية:
ــ أنا بعتلك نادر، ومعاه حراسة. هيبقوا معاكي زي الضل، ومش هتتحركي من غيرهم. وأي حاجة تحصل، أو تشكي في أي حاجة، تتصلي بيا فورًا.
عقدت حاجبيها وهي تنظر إلى السيارات والحراس المنتشرين حولها.
ــ ليه كل ده؟! هو في إيه بالظبط؟! هو في ناس بتراقبنا؟! ولا إحنا وسط عصابة؟!
ابتسم فارس محاولًا تبديد مخاوفها.
ــ لا يا حبيبتي، إحنا مش في وسط عصابة ولا حاجة. ده بس زيادة اطمئنان، علشان رضوان خايف عليكي. وأنا قلت له ما يقلقش، إنتِ في أمانتي، وعلشان كده لازم أحافظ عليكي.
ثم خفض صوته قليلًا وأضاف:
ــ وأرجوكي يا حبيبة، فوقي لنفسك وارجعي زي الأول. أنا كمان محتاجك الفترة دي... محتاجك تقويني شوية.
ظهرت على شفتيها ابتسامة صغيرة رغم كل ما يثقل قلبها.
ــ حاضر يا فارس... هحاول، حقيقي هحاول.
ــ طيب، إنتِ فين دلوقتي؟
ــ أنا قدام المستشفى أهو، ولسه نادر كان بيقولي على الحراسة.
ــ خلاص، اركبي في العربية اللي فيها نادر، والعربية التانية هتكون وراكي. وما تقلقيش من أي حاجة. وجهزي لبس رضوان، وابعتيه مع نادر.
وخزتها كلماته في قلبها حين ذكر اسم أخيها.
امتلأت عيناها بالدموع مرة أخرى.
ــ حاضر... حاضر يا فارس.
ــ خلي بالك من نفسك يا حبيبتي.
ــ وإنت كمان.
أنهت المكالمة ببطء، ثم استدارت عائدة نحوهما، لكنها توقفت حين وصلها صوت لبنى المرتفع من جديد.
ــ إنت إزاي تتكلم معايا بالطريقة دي؟! هو إنت فاكر نفسك إيه؟!
رد نادر بثقة مستفزة:
ــ فاكر نفسي نادر الحسيني! رجل أعمال وغني، ومعايا فلوس، وممكن أسلط عليكي رئيس العصابة نفسه يخطفك ويعذبك، ويحط سيخ محمي في صرصور ودنك! وأخليه يطلع ضوافرك ويطلع عينيكي بره وشك! هخليكي تبقي شبه المومياء كده، محتاجة بس تحنيط!
شهقت لبنى وقد اتسعت عيناها بدهشة.
ــ إنت مجنون؟! إنت بتتكلم كده ليه؟! أنا مش لاقية رد! أنا أول مرة أشوف راجل هو اللي بيردح، والست اللي مش قادرة ترد عليه!
رفع نادر إصبعه في وجهها وقال بتحذير ساخر:
ــ هو إنتِ مفكرة إن الرجالة بس كانوا في تلاتة وسبعين؟! لا يا حلوة، لسه فيه رجالة موجودة على ضهر الدنيا دي! وممكن أسمعك كلمتين كمان أخليكي ما تحطيش منطق، وكلمة زيادة أديكي كفين على وشك الحلو ده.. أخليكي تقعي من طولك!
ثم أشار إلى نفسه بضيق مصطنع وأضاف:
ــ فخلاص بقى، كفاية استظراف! طلعتيني حرامي، ورئيس عصابة... شوية شوية هتطلعيني دراكولا!
رمقته لبنى من أعلى إلى أسفل بازدراء، ثم قالت:
ــ أنا مش محتاجة أطلعك دراكولا، لأن إنت أصلًا شكلك بيوحي إنك مصاص دماء طبيعي! شكلك مش إنسان أصلًا.
هز نادر رأسه بجدية زائفة.
ــ آه، أنا زومبي. لأ لأ، أنا روبوت.. يلا بقى، اتفضلي شوفي سكتك، رايحة فين!
وصلت حبيبة إليهما أخيرًا، ورفعت يدها مطالبة بالصمت.
ــ يا جماعة اهدوا! أنا مصدعة بجد ومش قادرة! إنتوا بتعملوا كده ليه؟! سبتوا إيه للعيال الصغيرة؟! أومال لو مكانتش أول مرة تشوفوا بعض!
ثم أشارت إلى نادر.
ــ خلاص يا لبنى، أحب أعرفك... نادر الحسيني من عيلة فارس، وأصحاب جدًا.
ثم أشارت إلى لبنى.
ــ أستاذ نادر، أحب أعرفك دكتورة لبنى، صاحبتي الأنتيم ومعايا في القسم.
ابتسمت لبنى ابتسامة متكلفة وقالت:
ــ تشرفنا.
أجابها نادر ببرود قاتل:
ــ أنا بقى اللي ما تشرفتش.
شهقت لبنى بغيظ.
ــ والله إنك قليل الأدب! روح ربنا يحرق دمك زي ما حرقت دمي!
رد في اللحظة نفسها:
ــ أهو إنتِ... يا رب إنتِ اللي يتحرق دمك! ده إنتِ بلوة واتحدفت في طريقي!
نظرت إليهما حبيبة بنفاد صبر وقالت:
ــ هتسكتوا ولا أوقف تاكسي وأمشي؟
ساد الصمت فجأة.
تبادل نادر ولبنى نظرة خاطفة، ثم أشاح كل منهما بوجهه ناحية مختلفة، وكأن أحدهما لا يطيق رؤية الآخر.
رغم إرهاقها، لم تستطع حبيبة منع ابتسامة صغيرة من الظهور على شفتيها.
ــ يلا يا لبنى، هتركبي معايا.
تقدم أحد أفراد الحراسة وفتح الباب الخلفي للسيارة.
صعدت حبيبة أولًا، ثم جلست لبنى إلى جوارها، لا تزال تتمتم بكلمات غاضبة. أما نادر فاتجه إلى المقعد الأمامي، وجلس بجوار السائق، بينما تولى أحد الحراس القيادة.
تحركت السيارة، وتبعتها الثانية مباشرة.
أسندت حبيبة رأسها إلى المقعد، تراقب الطريق بشرود. ورغم الضجيج الذي دار قبل دقائق، ظل عقلها عالقًا عند رضوان؛ تتساءل إن كان قد تناول طعامه، أو استطاع النوم قليلًا، أم أنه لا يزال يواجه وحده كل هذا الظلم.
إلى جوارها، بقيت لبنى عابسة، ترمق نادر بنظرات متحفزة، بينما كان هو ينفخ بضيق متعمد، ويلتفت بين الحين والآخر ليتأكد أنها لن تبدأ جولة جديدة من المشاحنات.
وهكذا واصل الموكب طريقه إلى منزل حبيبة، ولكل منهم ما يشغل باله.
******************
بعد وقت قصير...كانت حبيبة أول من دخل إلى المنزل.
دفعت الباب ببطء، ثم خطت إلى الداخل بخطوات متثاقلة، وكأنها تدخل بيتًا لم تعرفه من قبل. ساد الصمت أرجاء المكان بصورة لم تعهدها أبدًا. ذلك الصمت البارد الذي كشف لها فجأة حجم الفراغ الذي تركه رضوان وراءه.
توقفت في منتصف الصالة، وأخذت تتلفت حولها بعينين دامعتين.
لأول مرة تستوعب أنه ليس هنا.
لن يخرج من غرفته بعد قليل.
لن يناديها بصوته المعتاد.
لن يمازحها أو يفتعل معها أي حديث عابر كما يفعل كل يوم.
لن تجد ابتسامته التي كانت تملأ البيت حياةً ودفئًا.
شعرت بغصة حادة تخنق أنفاسها.
كان الألم يتجمع داخل صدرها شيئًا فشيئًا، حتى أوشك أن يمزقها.
دخلت لبنى خلفها مباشرة، وما إن رأت حالتها حتى اقتربت منها وربتت على كتفها بحنان.
وقالت بصوت منخفض:
ــ هوني على نفسك يا حبيبة.
أغمضت حبيبة عينيها للحظة، ثم ابتلعت غصتها بصعوبة.
تنهدت لبنى وقالت برفق:
ــ يلا يا حبيبتي... ادخلي جهزي هدومه، وأنا هنزلها بنفسي.
حركت حبيبة رأسها بصمت، ثم اتجهت نحو غرفة رضوان.
وكانت تلك أصعب خطوات خطتها منذ بداية اليوم.
دفعت الباب ببطء.
فاستقبلتها الغرفة كما تركها صاحبها تمامًا.
السرير مرتب بعناية.
الكتب مرتبة فوق مكتبه.
ملابسه معلقة بترتيب داخل الخزانة وخلف الباب.
حتى رائحته ما زالت عالقة في المكان.
واقفة... تقاوم الرحيل.
شعرت وكأن وجوده يملأ الغرفة رغم غيابه.
وكأنها لو التفتت الآن ستجده جالسًا في أحد الأركان يبتسم لها كعادته.
ارتعشت شفتاها.
ثم تقدمت بخطوات بطيئة نحو السرير وجلست عليه.
ظلت تحدق في أرجاء الغرفة طويلًا، قبل أن ترفع كفيها وتضعهما فوق فمها محاولة أن تمنع شهقاتها من الخروج.
لكن دموعها سبقتها.
وانهارت باكية.
بكت بصمت في البداية.
ثم تحولت دموعها إلى نحيب مكتوم مزق قلبها قبل أن يمزق سكون الغرفة.
لم تكن تصدق أن أخاها بعيد عنها.
أنها لن تراه اليوم.
ولا غدًا.
ولا تعلم متى سيعود.
وبعد دقائق طويلة، أجبرت نفسها على الوقوف.
اتجهت نحو الخزانة وفتحتها.
وأخذت تجمع بعض ملابسه داخل الحقيبة.
لكنها ما إن أمسكت بأحد قمصانه حتى تجمدت مكانها.
أطبقت أصابعها عليه بقوة.
ثم ضمته إلى صدرها.
وأغمضت عينيها.
كأنها تحتضنه هو.
وعندها انفجرت باكية من جديد.
تتشبث بالقميص كأنه آخر ما تبقى لها منه.
في الخارج، شعرت لبنى بتأخرها.
فاقتربت من الباب وطرقت عليه بخفة.
انتبهت حبيبة على صوت الطرق.
مسحت دموعها سريعًا، ثم اقتربت من الباب وفتحته قليلًا.
ومدت الحقيبة إلى لبنى وهي تقول بين شهقاتها:
ــ خدي يا لبنى... هدوم رضوان.
لم تجب لبنى.
فقط لمعت الدموع في عينيها، وأخذت الحقيبة منها في صمت.
ثم غادرت وهي تشعر بثقل الوجع الذي تحمله صديقتها فوق كتفيها.
أغلقت حبيبة الباب من جديد.
وبقيت للحظات عاجزة عن البقاء داخل الغرفة أو مغادرتها.
كانت تشعر أن أنفاسها تضيق.
وأن الجدران تقترب منها رويدًا رويدًا.
لذلك خرجت أخيرًا.
وأغلقت الباب خلفها.
ثم سارت ببطء داخل المنزل.
وبينما كانت تعبر الصالة، وقعت عيناها فجأة على شيء فوق طاولة الأنتريه.
فتوقفت مكانها.
كيس الحلوى.
ذلك الكيس الذي كان رضوان يحضره لها كل يوم تقريبًا دون أن ينسى.
حدقت فيه طويلًا.
كأنها تراه للمرة الأولى.
ثم تهاوت قوتها دفعة واحدة.
اتجهت نحوه بخطوات مرتجفة.
وركعت على الأرض أمامه.
التقطته بين يديها.
وضمته إلى صدرها بقوة.
وكأنها تحاول أن تضم أخاها نفسه.
وفي لحظة انفجر كل ما كانت تحبسه داخل قلبها.
ارتفع صوت بكائها عاليًا.
صوت مكسور.
موجوع.
يحمل كل القهر والعجز والخوف الذي حاولت إخفاءه منذ الصباح.
وأخذت تقول بين شهقاتها:
ــ رضوان... يا خويا... يا سندي... من غيرك الدنيا وحشة أوي.
ازدادت شهقاتها.
وضمت الكيس أكثر إلى صدرها.
ــ ارجع لي يا حبيبي... ارجع لبيتك..أنا مليش غيرك.
وانخفض صوتها أكثر وهي تبكي بحرقة:
ــ إنت دايمًا بتقول: نزعل ليه والدنيا فيها حبيبة...
حبيبه مقهورة ومكسورة... قلبي وجعني أوي يارضوان.
وحيدة من غيرك.
أول مرة أحس باليُتم الحقيقي.
ارجع... والله ما هزعلك مني تاني.
رفعت رأسها نحو السماء.
وكانت الدموع تغرق وجهها بالكامل.
ثم قالت بصوت مختنق بالشجن والرجاء:
ــ يا رب... يا رب... إنت عارف إنه بريء.
عارف إن قلبه طيب وعمره ما ظلم حد.
يا رب انتقم من اللي كان السبب.
حَسّره على نفسه وأوجع قلبه... زي ما وجع قلبي أنا وأخويا.
يا رب ابعت معجزة من عندك تظهر براءة رضوان.
يا رب... مالناش غيرك.
رجعه لأخته.
رجعه لبيته.
رجعه لحياتي من تاني يا رب.
وظلت تبكي طويلًا.
حتى خارت قواها.
وبعد دقائق، أبعدت كيس الحلوى عن صدرها قليلًا.
ونظرت إليه بصمت.
ثم تناولت هاتفها.
فتحت صورة رضوان.
وما إن ظهر وجهه أمامها حتى ارتجفت شفتاها.
رفعت الهاتف ببطء.
وقربته من شفتيها.
ثم طبعت قبلة مرتعشة فوق صورته.
وأغمضت عينيها للحظة.
كأنها تحاول أن تشعر بقربه ولو عبر شاشة باردة.
بعدها فتحت حسابها على "فيسبوك".
وظلت تنظر إلى الشاشة عدة ثوانٍ، بينما ترتعش أصابعها فوق لوحة المفاتيح.
ثم كتبت:
"لقد تهاوت أسوار مدينتي من حولي...
وهبط عليَّ المطر بشدة حتى ابتلَّ جسدي، فلم أجد مظلَّتك ولا سترتك التي كانت تحميني.
لم أعد أريد حلوَاي...
أريدك أنت.
أنت فقط.
بقيت تتأمل الكلمات طويلًا.
ثم أغلقت الهاتف.
وأسندت رأسها إلى الأريكة خلفها.
وأغمضت عينيها بإرهاق شديد.
بينما بقي قلبها هناك...
عالقًا عند أخيها.
ينتظر عودته.
**************
مرّ الوقت ببطء، حتى خلت الشركة من أغلب العاملين بها، وغرقت المكاتب في هدوء ثقيل لا يقطعه سوى أزيز أجهزة التكييف.
وحين وصل نادر إلى شركة الحسيني، صعد مباشرة إلى مكتب فارس.
دفع الباب ودخل دون استئذان، لكنه توقف للحظة في مكانه.
كان المكتب غارقًا في شبه ظلام، لا يضيئه سوى خيط باهت من الضوء المتسلل عبر النافذة.
أما فارس فكان جالسًا على الكرسي الهزاز خلف مكتبه، مسندًا رأسه إلى الخلف، وعيناه معلقتان في الفراغ أمامه، وكأنه غارق في دوامة من الأفكار لا يسمع معها شيئًا مما يدور حوله.
عقد نادر حاجبيه باستغراب، ثم مد يده إلى المفتاح وأضاء الأنوار.
فانسكبت الإضاءة داخل المكتب دفعة واحدة، لتبدد العتمة التي كانت تلتف حوله.
نظر إلى فارس وهز رأسه قائلًا:
ــ إيه شغل الدجالين ده؟ قاعد في الضلمة ليه؟
تنهد فارس بهدوء، ثم أغلق الهاتف الذي كان بين يديه وألقاه فوق المكتب، قبل أن يقول باقتضاب:
ــ مفيش.
اقترب نادر ووضع الحقيبة التي يحملها فوق المكتب.
ــ اتفضل يا سيدي... دي حاجات رضوان.
ثم أضاف وهو يشير إليها:
ــ تحب أوديها له أنا؟
رفع فارس عينيه إليه ورد بهدوء:
ــ لأ. أنا هوديها. لازم أتكلم معاه وأطمنه على حبيبة.
ساد الصمت للحظة.
قبل أن يرفع فارس نظره إليه مجددًا ويسأله:
ــ حبيبة كويسة يا نادر؟
زفر نادر ببطء وهو يجلس أمامه.
ثم مرر يده على وجهه وقال:
ــ بصراحة؟ الله يكون في عونها. أخوها الوحيد متهم في قضية كبيرة زي دي. شبه منهاره حرفياً.
ارتخت ملامح فارس قليلًا.
وقال بثقة هادئة:
ــ قريب... قريب أوي رضوان هيخرج.
تأمله نادر لثوانٍ طويلة.
ثم قال:
ــ فارس... إنت متأكد من الخطوة اللي إنت عملتها؟
فهم فارس مقصده فورًا.
ــ تقصد إني روحت لفريد؟
ــ أيوة. وهي دي شوية؟ دي خطوة جريئة جدًا.
استند فارس بظهره إلى المقعد.
وشبك أصابعه أمامه قبل أن يقول:
ــ أنا متأكد جدًا كمان. ودي أهم وأصح خطوة كان لازم أعملها.
عبس نادر بعدم فهم.
ــ أنا مش فاهم يعني... إنت مش خايف بعد ما كشفت ورقك لفريد؟ ممكن يأذي رضوان أكتر، ومش بعيد الأذى يطول حبيبة ويطولك.
ارتسمت على شفتي فارس ابتسامة خافتة.
ابتسامة شخص يرى الصورة كاملة بينما لا يرى الآخرون سوى جزء منها.
ثم قال:
ــ يبقى إنت ما تعرفش فريد كويس.
اعتدل نادر في جلسته أكثر.
ــ طب عرفني. أنا دماغي شغالة من وقت ما كنت أنت عنده ومش عارف أرسى على بر.
أطرق فارس برأسه لحظة، وكأنه يرتب أفكاره.
ثم قال:
ــ أولًا وقبل أي شيء، السبب الرئيسي اللي خلاني رحت لفريد إن مفيش أي دليل يثبت براءة رضوان لحد دلوقتي. غير أجهزة التنصت، ودي طبعًا محطوطة من فترة، ومش عارفين نوصل للي حطها.
وصمت لحظة قبل أن يكمل:
ــ و العربية مش موجود عليها نمر، واختفت على الطريق الصحراوي وملهاش وجود بعد كده.
ثم هز رأسه بأسف وأضاف:
ــ والشاهد اختفى كأنه مش موجود. لا عارفين اسمه كاملًا، ولا شكله، ولا عنوانه. فص ملح وداب.
واستند إلى المقعد مرة أخرى.
ــ ومش بعيد يكون فريد سفره أو خبّاه في أي حتة لحد ما الموضوع يهدى.
ساد الصمت لثوانٍ قصيرة.
ثم أكمل:
ــ دليل براءة رضوان عند فريد... علشان كده مكنش لازم اتهاون معاه.
ورفع عينيه نحو نادر.
ــ عايز تعرف فريد كويس؟
أومأ نادر على الفور.
ــ يا ريت. فهمني. هو كان قريب ليك إنت ومهاب، وأكيد تعرفه أكتر مني.
مال فارس قليلًا إلى الأمام.
وتغيرت ملامحه إلى الجدية الكاملة.
ــ أهم حاجة عند فريد يا نادر... سمعته وصورته وسط المجتمع.
ثم أردف بثقة واضحة:
ــ ومستحيل، وبكل ثقة، إنه يفكر يقرب مني أو من حبيبة.
قطب نادر حاجبيه باستغراب.
ــ اشمعنى؟ ما هو أذى رضوان أهو؟
رفع فارس إحدى حاجبيه.
ــ فريد شاف رضوان راجل بسيط. ولو أذاه محدش هيدور وراه.
ثم عقد أصابعه أمامه وأكمل:
ــ إنما لو فكر إنه يقرب من حبيبة، فهو عارف هي خطيبة مين. وعارف اللي ممكن فارس الحسيني يعمله.
تنهد نادر بتفكير.
ــ ممكن... ليه لا؟
رفع فارس نظره إليه.
ــ ده أكيد.
ثم أكمل بهدوئه المعتاد:
ــ فريد عارف إن أي حركة غبية ممكن تكلفه سمعته وتهدد اللي بناه سنين طويلة.
وأشار بيده وهو يوضح فكرته:
ــ فكر فيها معايا كده. فريد بيكره رضوان وبيكن له عداوة.
ثم أردف:
ــ أقرب انتقام ليه هو حبيبة. لكنه ما قربش منها.
وتابع بابتسامة بسيطة لم تصل إلى عينيه:
ــ بس علشان فارس الحسيني.
ثم قال بثقة واضحة:
ــ اللي لو كان فكر يقرب لها أو يضرها... كان يقول على نفسه شخصيًا يا رحمن يا رحيم.
ـ وبرضه مفكرش إني ممكن أدور ورا رضوان. ذكاء محدود.
ظل نادر يتأمله لعدة ثوانٍ.
ثم أطلق زفرة قصيرة وقال:
ــ أممم...أقنعتني.
وسكت لحظة قبل أن يضيف:
ــ بس تصدق؟ أنا صعبان عليّ رضوان.
تنهد فارس تنهدة خافتة.
بدت قصيرة، لكنها كانت محملة بأكثر مما قال.
ــ إن شاء الله هتعدي يا نادر وهيطلع منها.
ثم رفع بصره وأردف:
ــ ولما نشوف فريد هيعمل إيه.
هز نادر رأسه بحزن.
ــ يا رب.
ثم قال بعد لحظة تفكير:
ــ رضوان ده... أنا شفت فيه الراجل الغلبان المسالم اللي ماشي جنب الحيط وفي حاله. ميستاهلش العداء ده.
رفع فارس عينيه إليه.
ولمعت في نظراته لمعة غامضة.
ــ بمزاجه... مش غصب عنه.
رمش نادر عدة مرات وهو ينظر إليه بعدم فهم.
ــ لأ... فهمني بقى إزاي دي كمان؟
أجاب فارس بهدوء:
ــ الكل فاكر إن رضوان شخصية مسالمة أو طيب بزيادة.
ثم أردف:
ــ لكن من الوقت اللي قضيته معاه، اكتشفت إنه طيب بمزاجه.
وصمت لحظة قصيرة.
قبل أن يقول:
ــ إنما لو جاتله الفرصة... ممكن يتحول لشخص إنت نفسك تتفاجئ بيه.
عقد نادر حاجبيه أكثر.
ــ طب وإيه اللي مخليه يلبس وش المثالية؟
هز فارس رأسه معترضًا.
ــ هو مش لابس وش المثالية.
ثم أكمل بهدوء:
ــ هو شخص كويس جدًا.
وسكت لحظة.
قبل أن يضيف:
ــ بس برضه الله أعلم.
خفض بصره مفكرًا.
ثم قال:
ــ واللي أنا بفكر فيه، واللي هو على ما أعتقد نقطة ضعفه... إنه خايف مثلاً على أخته.
ورفع عينيه مجددًا.
ــ مش عايز يثير الفوضى حواليه.
ثم تابع بنبرة عميقة:
ــ مع إنه يقدر... بس هو ملجم نفسه.
ظل نادر ينظر إليه باهتمام.
ــ إنت متأكد من كلامك ده؟ ولا مجرد تخمين؟
ابتسم فارس ابتسامة خفيفة.
ــ مجرد تخمين.
ثم أضاف:
ــ لكن اللي جواه محدش يعرفه غيره.
ساد الصمت بينهما مرة أخرى.
صمت قصير، لكنه كان كافيًا ليغرق كل منهما في أفكاره.
نادر يفكر في رضوان.
وفارس يفكر فيما هو أبعد من ذلك بكثير.
وبعد لحظات، نهض فارس من مكانه.
وأمسك بحقيبة رضوان الموضوعة فوق المكتب.
ثم قال:
ــ عمومًا... خلينا نشوف بكرة مخبي إيه.
واتجه نحو الباب بخطوات هادئة.
وأضاف:
ــ هروح أقابل رضوان... وبعدها أطلع المستشفى.
راقبه نادر بصمت حتى اختفى خلف الباب.
أما فارس...
فبدت ملامحه هادئة كعادتها.
هادئة إلى درجة قد تخدع أي شخص ينظر إليه.
لكن خلف ذلك الهدوء، كانت الأفكار تتحرك بسرعة.
يفكر في رضوان.
وفي فريد.
وفي المعركة التي بدأت بالفعل...
المعركة التي لم يُشهر فيها أحد سلاحًا بعد.
لكن الجميع بدأوا يتخذون مواقعهم استعدادًا لها.
*************
انتهت حفلة العشاء منذ وقت قصير، لكن فريد لم يكن في مزاج يسمح له بالبقاء وسط الضيوف أو تبادل المجاملات.
خرج إلى الحديقة الواسعة بخطوات هادئة، تتبعه هيبته المعتادة قبل حضوره.
كانت الأضواء المتناثرة بين الأشجار تنعكس فوق ملامحه الجامدة، بينما استقرت يداه داخل جيبي بنطاله.
وخلفه مباشرة كان الجيار يسير بصمت.
يعرف تلك الهيئة جيدًا.
ويعرف أن هدوء فريد في مثل هذه اللحظات لا يعني أن غضبه انتهى...
بل يعني أنه بدأ يفكر.
توقف فريد عند أطراف الحديقة.
وبقي ناظرًا إلى الظلام الممتد أمامه لثوانٍ طويلة.
ثم قال بصوت هادئ كان أكثر إثارة للقلق من أي صراخ:
ــ لازم نخلص من فارس الحسيني.
تجمد الجيار للحظة.
ثم التفت ينظر حوله غريزيًا قبل أن يقول بحذر:
ــ لأ يا باشا... إنت كده بتفتح أبواب جهنم علينا، وبتعلن الحرب.
ظل فريد صامتًا.
ملامحه لم تتغير.
لكن عضلات فكه انقبضت ببطء.
ثم التفت إليه بعينيه الباردتين.
تلك النظرة التي كانت كفيلة بإسكات معظم الرجال.
وقال:
ــ أومال عايزني أتفرج؟ بعد اللي حصل ده؟
تنهد الجيار ببطء.
كان يعرف أن الاعتراض المباشر مع فريد لا يؤدي إلا إلى طريق مسدود.
لذلك اختار أن يخاطب الجزء الذي ما زال يحتكم إلى الحسابات والمكاسب والخسائر.
وقال:
ــ يا باشا... الأمور المهمة اللي زي دي ما تتاخدش كده. لازم نفكر بهدوء... وخصوصًا مع واحد زي فارس الحسيني.
أشاح فريد بوجهه عنه.
ثم قال باقتضاب:
ــ أنجز... وهات اللي عندك.
ابتلع الجيار ريقه وأكمل:
ــ ما تنساش يا باشا... انتخابات مجلس الشعب قربت، وده ما جاش من فراغ.
إنت بنيت اسم كبير وسط رجال الأعمال، وأعمالك الخيرية بقت منتشرة في كل مكان.
والصورة اللي الناس شايفاك بيها خلتك في مكانة حساسة جدًا. بقيت تحت عيون الكل.
ـ وأي غلطة أو تصرف غير محسوب ممكن يهز صورتك قدام الناس، ويرجعك لنقطة الصفر من تاني. ويضيع تعب سنين معاليك.
بقي فريد صامتًا.
فأكمل الجيار:
ــ كونك حطيت رضوان في السجن... فده عادي. حتة عيل غلبان ملوش تمن. محدش هيفتكره، ولا حد هيجيب سيرته. ولا يدور وراه.
ــ إنما عيلة الحسيني مش صغيرة. دي عيلة تقيلة وليها وزنها.
ــ وفارس الحسيني خطر.
ــ أخطر من أخوه مهاب.
ضيقت عينا فريد ببطء.
أما الجيار فتابع:
ــ لو فكرنا نأذيه... مش هيسكت. وهينخور ورانا لحد آخر نفس. ومش بعيد يوقعنا.
عندها فقط التفت فريد إليه.
وببطء شديد ارتسمت على شفتيه ابتسامة باردة.
ابتسامة جعلت الجيار يتمنى لو لم يقل الجملة الأخيرة أصلًا.
وقال فريد:
ــ يوقعنا؟
ثم اقترب منه خطوة واحدة.
وقال بصوت منخفض:
ــ إنت غالبًا كبرت وخرفت يا جيار.
شعر الجيار ببرودة تسري في جسده.
لكنه حافظ على تماسكه وقال:
ــ يا باشا... الحرص يوصل لدرجة الخوف أحيانًا، وأنا شغلي أحسب كل الاحتمالات. حرص ولا تخون معاليك.
اكتفى فريد بالنظر إليه.
صامتًا.
هادئًا.
ومخيفًا أكثر من أي وقت مضى.
ثم قال:
ــ وأنا مش ناوي أسيب اللي زي ده.
ــ اللي زي فارس... لازم نخلص منه.
زفر الجيار ببطء.
ثم قال:
ــ فارس مش سهل يا باشا.
ــ ده دكتور مشهور ومعروف. حواليه حراسة متدربة. واغتياله مش بالسهولة اللي حضرتك متخيلها.
ضغط فريد على الكأس بين أصابعه.
حتى كاد الزجاج ينكسر.
لكن نبرة صوته بقيت هادئة بشكل مرعب.
كعادتها.
في داخله كان الغضب يغلي.
ليس خوفًا من فارس...
بل غيظًا منه.
غيظ رجل اعتاد أن ينحني الجميع أمام كلمته.
وأن تنجح خططه دون مقاومة.
ثم يظهر شخص لا يخشاه...
ولا يتراجع أمامه.
اقترب الجيار منه مرة أخرى.
وخفض صوته قائلًا:
ــ ما قدامناش غير حل واحد معاليك.
توقفت يد فريد.
والتفت إليه ببطء.
كانت ملامحه ساكنة تمامًا.
لكن عينيه كانتا تخبران الجيار أنه نجح أخيرًا في جذب انتباهه.
وقال فريد:
ــ اتكلم.
عندها ابتسم الجيار ابتسامة خفيفة.
وبدأ يشرح فكرته...
*************
في اليوم التالي...
ما إن وصلت حبيبة إلى قسم الأطفال بالمستشفى حتى شعرت بشيء مختلف.
شيء ثقيل يملأ المكان.
نظرات.
نظرات تلاحقها من كل اتجاه.
بعضها يحمل الشفقة.
وبعضها يحمل الفضول.
وبعضها يحمل شماتة لم يحاول أصحابها إخفاءها.
كانت العيون تسبق الهمسات.
والهمسات تسبق خطواتها.
فعرفت على الفور.
لقد انتشر الخبر.
خبر رضوان.
وضعت حقيبتها فوق مكتبها بهدوء، ثم جلست على كرسيها وكأنها لا تلاحظ شيئًا.
لكنها كانت تلاحظ كل شيء.
كل نظرة.
كل همسة.
كل وجه يراقبها من بعيد.
ولم يطل الأمر كثيرًا.
فقد اقتربت منها إحدى الطبيبات، وتوقفت بجوار مكتبها.
وقالت بتردد ممزوج بفضول واضح:
ــ هو صح اللي سمعناه ده يا حبيبة؟
أغمضت حبيبة عينيها لثانية واحدة.
ثم زفرت ببطء وقالت:
ــ سمعتي إيه؟
أجابت الطبيبة سريعًا:
ــ إن أخوكي اتقبض عليه في قضية مخدرات.
ساد الصمت لثوانٍ.
كانت حبيبة تحدق فيها فقط.
ثم رفعت رأسها وقالت بهدوء بارد:
ــ سمعك تقيل يا دكتورة؟ سلكي ودانك طيب.
ارتبكت الطبيبة قليلًا.
لكنها سرعان ما قالت:
ــ إزاي بقى؟ وإذا كنت سمعتك إمبارح بوداني اللي عايزين يتسلكوا دول، إنتِ والدكتورة لبنى بتتكلموا في الموضوع ده.
ثم هزت رأسها وأضافت:
ــ بس بجد يا حرام... أنا اتصدمت. ده طلع أخوكي ده مش سهل خالص.
في تلك اللحظة نهضت حبيبة واقفة.
واصطدم كفاها بسطح المكتب بقوة جعلت الجميع يلتفت إليها.
ثم قالت بصوت حاد:
ــ سهام... أنا مسمحلكيش. لو نطقتي بكلمة كمان هتزعلي مني.
وقبل أن ترد سهام، تدخلت طبيبة أخرى كانت تتابع الموقف من بعيد.
وقالت باستهجان:
ــ إيه يا حبيبة؟ هي الدكتورة سهام قالت حاجة غلط؟
استدارت حبيبة نحوها ببطء.
وربعت ذراعيها أمام صدرها.
وقالت:
ــ وإنتِ مالك إنتِ كمان؟
رفعت الطبيبة حاجبيها وقالت:
ــ أنا مالي؟ إزاي؟ أنا لما سمعت الخبر.
ثم أضافت بسخرية مستفزة:
ــ بصراحة اتصدمت أنا كمان طول عمرك رافعة مناخيرك في السما بأخوكي، وإنه مفيش زيه.
وتابعت وهي تهز كتفيها:
ــ طلع في الآخر تاجر مخدرات، ومدعي المثالية والشرف.
ثم ضحكت قائلة:
ــ هنستنى بقى لما نقرأ الخبر ويكون ترند على التايم لاين.
ــ شاهد قبل الحذف... القبض على مدّعي المثالية رضوان قاسم العطار، وبحوزته كميات من المواد المخدرة المحظورة.
وانفجر بعض الموجودين في الضحك.
وفي اللحظة نفسها...
دخلت لبنى إلى القسم.
لكن قبل أن تنطق بحرف واحد...
وقبل أن يستوعب أي شخص ما سيحدث...
رفعت حبيبة يدها.
ونزلت بكفها على وجه الطبيبة في صفعة قوية دوى صوتها في المكان كله.
ساد الصمت.
صمت كامل.
ثم قالت حبيبة بصوت جهوري ارتجت له أرجاء القسم:
ــ اللي بيدعوا المثالية دول إنتِ وهي... مش أخويا!
كانت أنفاسها تتلاحق من شدة الغضب.
وعيناها تلمعان بالدموع والقهر معًا.
ثم أردفت:
ــ وأخويا بريء.
ــ ومحدش فيكو يتجرأ يجيب سيرته.
ــ عشان ما آكلهاش بسناني!
وضعت سهام يدها فوق فمها بصدمة.
وصاحت:
ــ إنتِ اتجننتي يا حبيبة؟! بتضربي دكتورة زميلتك في مكان العمل؟!
استدارت حبيبة نحوها فورًا.
وقالت دون ذرة تردد:
ــ وأضرب أتخن واحد في عيلتك إنتِ وهي... وفي أي مكان.
ثم أشارت إليهما بإصبعها محذرة:
ــ مدام متربتوش وبتتجاوزوا حدودكم معايا.
أسرعت لبنى نحوها وهي تدرك أن الأمر يزداد سوءًا.
وأمسكت بذراعها قائلة:
ــ خلاص يا حبيبة... تعالي معايا. سيبك منهم.
لكن سهام لم تتراجع.
بل قالت بغضب:
ــ والله ما هسكت يا حبيبة! وهرفع فيكي مذكرة!
وللمفاجأة...
ضحكت حبيبة.
ضحكة باردة خالية من أي مرح.
ثم قالت:
ــ والمذكرة اتكتبت في دماغي من دلوقتي يا سهام... ضدك إنتِ والمصفوعة التانية دي.
وأشارت إليهما بحدة.
ــ وآخر مرة بحذرك إنتِ وهي.
ــ وأي حد في القسم ده يجيب سيرة أخويا أو يقلل منه... هفرج عليه أمة لا إله إلا الله!
ثم أكملت وهي ترتجف من الانفعال:
ــ ومش هيكفيني كمان.
ــ فاهمين يا شوية ناس متطفلة معندكوش دم؟!
*********
لم يتأخر الخبر في الوصول إلى كريم وعصام.
وما إن علما بما حدث لرضوان، حتى توجها إلى القسم على الفور، وقد سيطرت عليهما حالة من الذهول وعدم التصديق.
فمهما سمعا من رواياتٍ وقصص عن الظلم والافتراء، لم يتخيلا يومًا أن يأتي الدور على رضوان.
هو بالذات.
الرجل الذي عرفاه أكثر من أي شخص آخر.
وحين وقعت أعينهما عليه داخل الحجز، انقبضت قلوبهما بعنف.
لم يكن المشهد سهلًا.
ولم تستطع أي كلمات أن تخفف من وطأته.
أما رضوان، فقد حاول بكل ما يملك أن يبدو ثابتًا أمامهما.
كان يدرك جيدًا أن رؤيته في ذلك المكان تؤلمهما، لذلك أخفى ما استطاع من تعبه خلف هدوئه المعتاد، وحرص أكثر على الاطمئنان على من تركهم في الخارج، لا على نفسه.
وكانت حبيبة أول ما شغل تفكيره.
أوصاهما بها.
وكأن قلبه ظل معلقًا عندها منذ لحظة دخوله الحجز.
فهم كريم ما لم يقله رضوان صراحةً.
وفهم حجم خوفه على أخته أكثر من خوفه على نفسه.
لذلك لم يتردد في طمأنته بأن حبيبة لن تبقى وحدها، وأن إيمان ستكون إلى جوارها، وأن الجميع سيتكفلون بها حتى تمر تلك المحنة.
وحاول هو وعصام أن يخففا عنه قدر ما استطاعا، مطالبَين إياه بأن يوفر طاقته لنفسه، وألا يحمل فوق كتفيه هموم الخارج أيضًا.
انتهت الزيارة بعد ذلك بوقت قصير.
وغادر كريم وعصام القسم وهما يحملان في صدريهما ثقلًا كبيرًا.
ثقل ما رأياه.
وثقل المسؤولية التي تركها رضوان بين أيديهما.
أما هو...
فبقي في مكانه.
لكن شيئًا من القلق الذي كان ينهش قلبه خف قليلًا.
فبعد كل شيء...
أصبح يعلم أن حبيبة لن تواجه تلك الأيام القاسية وحدها.
*************
وبعد وقت قصير...
كانت حبيبة تجلس في مكتب مدير المستشفى.
بينما جلس الدكتور نوفل أمامها، يستمع إلى ما حدث.
تنهد الرجل مطولًا قبل أن يقول:
ــ أنا مقدر انفعالك يا دكتورة... بس اللي إنتِ عملتيه تجاوز في حدود العمل.
رفعت حبيبة رأسها وقالت فورًا:
ــ هما اللي ابتدوا، وتقدر حضرتك تسأل الموجودين هناك.
أومأ نوفل بتفهم.
وقال:
ــ أنا متفهم... بس إنتِ ضربتيها يا دكتورة.
أشارت إليه بقوة مجددًا.
وأشرب من دمها كمان! أي حد يتكلم عن رضوان بكلمة واحدة، أو ينسب له صفة مش موجودة فيه، هطلع قلبه من بين ضلوعه بإيديا دول! إلا أخويا... وإلا أقسم بالله هكون طوفان يغرق الكل!
زفر نوفل بيأس وقال:
ــ طيب اهدي. أنا علشان خاطر الدكتور فارس...
لكنها قاطعته فورًا.
وانحنت بجسدها إلى الأمام واضعة كفيها فوق المكتب.
ثم قالت بصرامة:
ــ علشان خاطر الحق... مش علشان فارس.
ــ أنا مش عايزة واسطة عشان أرجع حقي.
ثم أضافت بانفعال صادق:
ــ أقسم بالله يا دكتور، لو ما اتخذتش إجراء رسمي ضد اللي أساؤوا ليا ولأخويا، هصعّد الموضوع لمديرية الشؤون الصحية، وهقدّم شكوى رسمية لوزارة الصحة، ومش هتنازل عن حقي.
تنهد نوفل مجددًا.
وحرك رأسه بيأس وهو يتمتم:
ــ أهي العصبية دي... اللي مودياكي في داهية.
لكن حبيبة لم ترد.
فقال أخيرًا:
ــ خلاص. أنا هتصرف معاهم.
ــ هم فعلًا تجاوزوا حدودهم.
ــ وأنا لازم أخد إجراء ضدهم.
ثم أشار نحو الباب.
ــ اتفضلي على شغلك.
***
خرجت حبيبة من المكتب.
وأخذت تسير في الممر الطويل.
لكن خطواتها كانت ثقيلة على غير العادة.
كانت تشعر بالبرد.
برد غريب لا علاقة له بالجو.
كأن شيئًا في داخلها انطفأ.
شعرت لأول مرة أنها وحدها فعلًا.
وأن رضوان لم يعد هنا ليقف أمامها ويحميها من قسوة الناس.
لم يعد هنا ليقول لها:
سيبيهم يا حبيبة.
كبرتي الموضوع ليه؟
تعالي يا لمضة نروح ناكل حاجة.
ابتلعت غصة مؤلمة.
وازدادت خطواتها سرعة دون أن تشعر.
كأنها تبحث عنه.
كأنها تتوقع أن يظهر فجأة في نهاية الممر.
ويقول إن كل ما حدث كان مجرد سوء فهم.
لكنها توقفت فجأة.
وأخذت نفسًا مرتجفًا.
ثم جلست على أول مقعد قابلها.
ووضعت وجهها بين كفيها.
وعندها فقط...
انهارت.
بكت بصمت في البداية.
ثم تحولت دموعها إلى شهقات متقطعة.
شهقات تحمل كل ما عجزت عن إخراجه أمام الناس.
كل خوفها.
وكل ضعفها.
وكل احتياجها.
احتياجها لأخيها.
سندها.
وحائطها الذي احتمت به طوال عمرها.
وفي تلك اللحظة...
لم تكن حبيبة تحتاج طبيبًا.
ولا مديرًا.
ولا قانونًا.
كانت تحتاج رضوان فقط.
وفي تلك اللحظة...
شعرت بيدٍ تمتد إليها برفق.
رفعت رأسها على أثرها.
لتجد فارس جاثيًا على ركبته أمامها.
كان ينظر إليها بعينيه الهادئتين، بينما مد يده ومسح دموعها برفق بالغ، وكأن قلبه يتألم مع كل دمعة تسقط من عينيها.
ثم قال بصوت دافئ:
ــ أنا هنا.
ارتجفت شفتاها وهي تنظر إليه.
فأكمل بهدوء:
ــ طول ما أنا موجود... مش عايز أشوف الدموع دي.
ما إن سمعت كلماته حتى اختنق صوتها أكثر.
وانكسرت آخر خيوط القوة التي كانت تتشبث بها.
وهمست باكية:
ــ رضوان يا فارس...
امتلأت عيناه بالأسى.
كان يعرف جيدًا أن كل ما تعيشه الآن ليس خوفًا على أخيها فقط...
بل شعور بالفقد.
شعور بأن السند الذي اعتادت وجوده طوال عمرها اختفى فجأة من جوارها.
فقال وهو يمسح دموعها مرة أخرى:
ــ قريب قوي هيكون موجود.
ــ أزمة وهتعدي... وأنا عايزك تكوني قوية.
هزت رأسها بعجز.
وتساقطت دموعها من جديد.
ثم قالت بصوت مرتجف:
ــ أذوني فيه يا فارس...
ــ أذوني في رضوان.
انقبض قلب فارس.
وشعر بغضب بارد يتسلل إلى داخله كلما تذكر ما تعرض له رضوان وما تعرضت له هي بسببه.
لكنه لم يُظهر شيئًا من ذلك.
بل ظل محتفظًا بهدوئه.
ونظر إليها طويلًا.
نظرة مليئة بالمحبة والاحتواء.
ثم قال:
ــ كل اللي قال كلمة جرحتك...
وصمت لحظة قصيرة.
قبل أن يكمل بنبرة هادئة حاسمة:
ــ صدقيني هيدفع التمن.
لم يكن يتحدث بدافع الغضب.
ولا يطلق وعدًا عابرًا ليهدئها.
كانت كلماته تخرج بثقة رجل اعتاد أن يفعل ما يقول.
أما حبيبة...
فحدقت فيه للحظات طويلة.
وشعرت لأول مرة منذ أمس أن هناك من يحمل معها جزءًا من هذا الحمل الثقيل.
فانخفض رأسها قليلًا.
وأغمضت عينيها.
بينما بقيت دموعها تنساب بصمت...
لكن وجعها أصبح أخف قليلًا من ذي قبل.
************
في الجهة الأخرى...
كانت زاد تجوب غرفتها ذهابًا وإيابًا منذ ساعات.
تسير خطوات قليلة.
ثم تستدير.
ثم تعود من جديد.
وكأنها تهرب من أفكارها...
لتجدها تنتظرها في الطرف الآخر.
لم يَعُد فريد إلى المنزل منذ الليلة الماضية.
ولا تعرف أين ذهب.
ولا ماذا يفعل.
ولا إلى أي قرار انتهى.
وذلك وحده كان كافيًا ليجعل الخوف ينهش أعصابها ببطء.
توقفت فجأة.
وضمت ذراعيها إلى صدرها.
وحاولت أن تلتقط أنفاسها.
لكنها لم تستطع.
فكلما هدأت أفكارها لثوانٍ...
عاد اسم رضوان ليملأ رأسها من جديد.
رضوان.
ذلك الاسم وحده كان كفيلًا بأن يهدم ما تبقى من قوتها.
لم تستطع إلى الآن استيعاب ما حدث.
كلما حاولت تخيل الأمر رفض عقلها التصديق.
رضوان...
خلف القضبان؟
رضوان متهم؟
رضوان محبوس؟
كانت الكلمات تبدو غريبة.
مخيفة.
ومستحيلة.
كأنها تخص شخصًا آخر لا تعرفه.
وليس الرجل الذي أحبته يومًا أكثر مما أحبت نفسها.
أغمضت عينيها بقوة.
لكن الصورة جاءت رغمًا عنها.
رأته وحيدًا.
بعيدًا عنها.
محاصرًا بين أربعة جدران باردة.
لا يملك حريته.
ولا يستطيع الخروج.
فشعرت وكأن يدًا خفية تعتصر قلبها بقسوة.
واختنقت أنفاسها.
لتندفع الدموع من جديد.
كانت تبكي منذ الأمس.
تبكي حتى تظن أن الدموع انتهت.
ثم تكتشف أن الألم ما زال يملك المزيد.
وأن القلب ما زال قادرًا على النزف.
جلست على طرف السرير أخيرًا.
بعد أن خانتها قدماها.
وكأن جسدها لم يعد قادرًا على حمل كل ذلك الوجع.
انسابت الدموع فوق وجنتيها.
ثم سقطت فوق يديها المستقرتين فوق ساقيها.
حدقت فيهما طويلًا.
وكأنها تراقب انهيارها بعينيها.
ثم رفعت كفيها ببطء.
وغطت وجهها كله.
واختنقت شهقة موجوعة داخل صدرها.
شعرت أن تأنيب الضمير ينهشها بلا رحمة.
يمزقها من الداخل قطعة قطعة.
ماذا لو كانت السبب؟
ماذا لو كان كل ما يحدث الآن بدأ يوم تركته؟
ماذا لو أن رحيلها كان أول حجر في الطريق الذي أوصله إلى كل هذا الألم؟
لا تعرف.
لكنها لم تستطع إسكات تلك الأسئلة.
ولا الهروب منها.
كانت تطاردها أينما ذهبت.
وتخنقها كلما حاولت التقاط أنفاسها.
انحنت بجسدها إلى الأمام أكثر.
واهتزت كتفاها تحت وطأة البكاء.
وفي تلك اللحظة...
لم تكن تفكر في نفسها.
ولا في حياتها.
ولا في مصير زواجها.
ولا حتى فيما قد يفعله بها فريد حين يعود.
كانت مستعدة للتنازل عن أي شيء.
كل شيء.
فقط مقابل أن يعود رضوان إلى بيته.
إلى أخته.
إلى حياته.
وأن تعرف أنه بخير.
أنه لم ينكسر.
أنه لم تؤذه الأيام أكثر مما آذته هي يومًا.
رفعت رأسها قليلًا.
ونظرت إلى الفراغ أمامها بعينين غارقتين بالدموع.
ثم خرج صوتها هامسًا...
موجوعًا...
مرتجفًا:
يا رب...
وبكت أكثر.
ثم أضافت بصوت يكاد لا يُسمع:
يا رب طمني عليه...
بس طمني عليه.
وانكسرت بعدها شهقة حادة من صدرها.
لتغطي وجهها بكفيها مرة أخرى.
وتستسلم لانهيار لم تعد تملك القوة لمقاومته.
************
أما في ذلك الوقت...
كان رضوان جالسًا في أحد أركان الحجز.
مسندًا ظهره إلى الجدار البارد.
وقد شبك أصابعه أمامه، بينما ظل بصره معلقًا في الفراغ دون أن يرى شيئًا مما حوله.
كان المكان صاخبًا.
أصوات المحتجزين.
وقع الأقدام.
صوت الأبواب الحديدية.
لكن كل ذلك بدا بعيدًا عنه.
بعيدًا جدًا.
كأن بينه وبين العالم كله حاجزًا لا يراه أحد سواه.
أغمض عينيه للحظة.
فحضرت صورة حبيبة فورًا.
كما لو أنها كانت تنتظر خلف جفنيه.
تنهد ببطء.
وأراح رأسه على الحائط.
كان يعرفها جيدًا.
ويعرف أنها الآن تبكي.
ويعرف أكثر أنها تحاول أن تبدو قوية أمام الناس.
لكنها حين تختلي بنفسها تنهار.
دائمًا كانت كذلك.
قوية أمام العالم كله...
وضعيفة أمام أحزانها.
تخيلها وهي تدخل البيت وحدها.
فتبحث عنه بعينيها دون إرادة.
تتجه نحو غرفته.
ثم تتذكر فجأة أنه ليس هناك.
فشعر بشيء يعصر قلبه بقوة.
حبيبة...
شقيقته وابنته الصغيرة.
الطفلة التي حملها يومًا على كتفه.
وأوصلها إلى المدرسة.
وسهر لأجل راحتها.
وكان يجري خلف أحلامها قبل أن تجري هي خلفها.
كيف يتركها الآن تواجه كل ذلك وحدها؟
مرر كفه على وجهه بضيق.
ثم رفع رأسه إلى الأعلى.
وأطلق زفرة طويلة مثقلة بالعجز.
لم يكن أكثر ما يؤلمه سجنه.
ولا التهمة التي أُلصقت به.
ولا حتى هوية من دبّر له كل ذلك...
كان كل ما يشغله...
هي.
ترى هل ذهبت إلى البيت؟
أم أنها ما زالت ترفض المغادرة؟
هل أكلت شيئًا؟
هل نامت بهدوء؟
هل توقفت عن البكاء ولو قليلًا؟
أم أنها ما زالت تبكي حتى الآن؟
شعر بوخزة مؤلمة تعتصر صدره.
للمرة الأولى في حياته يعجز عن الوصول إليها.
لا يستطيع أن يطمئن عليها بنفسه.
ولا أن يجفف دموعها.
ولا أن يخبرها أن كل شيء سيمر.
وأن عليهما فقط أن يصبرا.
خفض رأسه.
فعادت إليه ذكرياتهما.
ضحكتها.
ومشاجراتها الصغيرة.
وعنادهما.
وحكاياتها التي لا تنتهي.
وقدرتها العجيبة على تحويل أسوأ أيامه إلى أيام محتملة.
ارتسمت ابتسامة باهتة على شفتيه.
لكنها سرعان ما انطفأت.
تاركة خلفها وجعًا لم يستطع إخفاءه.
رفع وجهه نحو السقف.
وتمتم بصوت خافت:
ــ يارب هون عليها.
ثم سكت.
لم يطلب لنفسه فرجًا.
ولم يسأل متى تنتهي محنته.
كان كل ما يتمناه في تلك اللحظة أن يطمئن على أخته.
ولو بكلمة واحدة.
لكن حتى هذه الأمنية البسيطة...
حُرم منها.
قطع سكونه صوت احتكاك الحديد.
ففتح عينيه والتفت نحو الباب.
ليفاجأ بأحد العساكر يندفع إلى الداخل وينادي بصوت مرتفع:
ــ رضوان العطار!
اعتدل رضوان في جلسته فورًا.
فقال العسكري:
ــ زيارة ليك.
انعقد حاجباه باستغراب.
زيارة؟
ومن سيأتي إليه الآن؟
نهض من مكانه بهدوء.
ثم تحرك خلف العسكري عبر الممر الطويل.
كانت خطواته ثابتة.
لكن عقله كان منشغلًا بالتخمين.
هل جاءت حبيبة؟
لا...
لو كانت هي لما سُمح لها بالدخول إلى هنا.
فارس إذن؟
ربما.
أو المحامي.
أو...
توقفت أفكاره عندما وصلا إلى إحدى الغرف المخصصة للزيارات الخاصة.
فتح العسكري الباب.
وأشار إليه بالدخول.
ثم أخرج القيود الحديدية.
وثبتها في يديه.
فتعجب رضوان من الأمر.
فالزيارة المعتادة لا تتم بهذا الشكل.
لكنه لم يعلق.
واكتفى بالدخول.
أغلق العسكري الباب خلفه.
ثم غادر.
ساد الصمت.
صمت قصير...
لكن ثقيل.
وقف رضوان في مكانه لحظة.
ثم استدار ببطء.
وما إن التفت...
حتى تجمدت نظراته.
كان هناك شخص يقف على بعد خطوات منه.
واقفًا بكل هدوء.
بملامح جامدة.
وعينين ثابتتين لا ترمش تقريبًا.
فريد.
ساد الصمت بينهما.
لا كلمات.
لا تحية.
لا ابتسامات.
فقط نظرتان متشابكتان.
ونار خفية تشتعل خلف كل منهما.
وقف رضوان ساكنًا.
بينما بقي فريد يحدق فيه دون أن يحيد ببصره لحظة واحدة.
وكأن كل منهما يقرأ الآخر.
أو يستعد لشيء أكبر من مجرد حديث.
شيء لم يبدأ بعد...
لكنه اقترب.
كثيرًا.....
يتبع......

تسلم ايدك يا مربم
ردحذفجميله جدا 🤍🤍
ردحذفتحفه يامريومه
ردحذفاوعى فارس يحصله حاجه
ردحذفتحفه تحفه مفيش كلام ♥️♥️
ردحذفجميلة جدا وممتعة
ردحذفالفصل روووووووعه بكل شي
ردحذفجميل 👏❤️❤️❤️
ردحذفتحفه
ردحذفتحفه يامريوم بس خلي بالك من زاد وفارس من فريد الكلب ده ويطلع رضوان علي خير
ردحذفروعه تسلم ايدك يا قمر مبدعه دايما
ردحذفجميل سدرك للاحداث.اتمني نشوف بعد الصبر جبر.اتمني بجد.لما اشوف الجبر بعد الصبر.بأقدر اتحمل قسوة ايامنا وبانتظر جبرنا من رب العباد....موفقة دايما.
حذفجميله اوي روعه
ردحذفالحلقه كلها أثار و تشويق نار نار تسلمي يا قمر 🎉🎉🎉🎉🎉🎉
ردحذفآه يا قلبي 😭😭😭
ردحذف🎉🎉🎉
ردحذف❤️❤️❤️
ردحذفقلبي وجعني على حبيبه اوي تسلم ايدك يا مريومه ❤️
ردحذفاي يا مبدعه مش كدا انا مش عارفه ابطل عياط🤦🏻
ردحذفتسلم ايدك يا مريومه بجد البارت جاااامد♥️♥️
تحفه تسلم ايدك
ردحذفتسلم ايدك يا قمر
ردحذف❤️❤️❤️❤️تحفة
ردحذفالبارت تحفة تسلم ايدك
ردحذف